Бейсенбі, 28 Наурыз 2024
Билік 4617 0 пікір 20 Қаңтар, 2017 сағат 12:03

ҚАЗАҚ ҚЫЗЫ, ҚЫТАЙЛЫҚҚА ҚЫЛЫҒЫҢДЫ ҚИДЫҢ БА?

Аңсаған Мұстафаның суреті

Астанада қазақ қыздарын қалталы қытай жігіттерімен таныстыратын неке агенттігі ашылды. Қытай азаматтары қазақ қыздарына қатты қызығады.

Интернет материалдарынан

Құдай!

Енді қайтемін?

Досым менің, мына дерттің айт емін.

Жаңалық деп жар сап жатыр телеарна,

Болмас, сірә, бұл қауесет, әй, тегін?

 

Қаракөздер түсер ме екен құлдыққа,

Амал бар ма, көзге шұқыр шындыққа?

Абыройын әрең жапқан әлемде,

Болады екен дәл мынадай сұмдық та!

Өткен өмір өкпегінің бәрі шын,

Бабам жанын құрбан еткен ар үшін.

Қытайлыққа қылығыңды қидың ба,

Қазақ қызы!

Қайда кеткен намысың?!

 

Мен елімді асқақ шыңға теңеймін,

Дей алмаймын – ар-намысқа кедеймін.

... Кісәпірді қиып түскен қылыш боп,

Томиристің аруағына не деймін?

 

Елден асқан сұлу едің, шырайлым,

Сіңілісі сен едің ғой күн-айдың.

Қытайлыққа қолжаулық боп сен кетсең,

Атын қалай ауызға алам Ұмайдың?

 

Күндер қайда, жібектейін есілер,

Шындықты айтпай тілім қалай кесілер?

Қаракөздер қор боп жатса қытайға,

Зере менен Ұлжан қалай кешірер?

 

Жүрген емен, дабырадан мая сап,

Күнім қайда, жүретұғын май асап?

Қытайлық тұр, қалтасында қаражат,

Санасында – сұрқиялау саясат...

 

Қай қиырға бастар екен жол әлі,

Қиын екен, бұл ақылдың шолағы.

... Есіміңіз ұзақтау ед, ағатай,

Жиеніңнің аты қысқа болады!..

 А.Түсіпбекова

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1559
Алашорда

Қожанов межелеу науқанында (Жалғасы)

Бейбіт Қойшыбаев 2250
Ғибырат

Қайсар рухты ғазиз жан

Мұхтар Құл-Мұхаммед 3503