Бейсенбі, 28 Наурыз 2024
Жаңалықтар 3051 0 пікір 9 Ақпан, 2017 сағат 17:18

Украина мен Ресейдің Бішкектегі елшілері айтысып жатыр

Украина мен Ресейдің Бішкектегі елшілері Қырғызстандағы баспасөзде жанжалдасып қалды. Оған украиналық дипломат Николай Дорошенконың жергілікті журналистермен кездесуі түрткі болған. Ал келесі күні Vesti.kg жаңалықтар сайтында "Қырғызстандағы Украина елшісі жергілікті журналистерді Ресеймен жанжалдастырып қойғысы келе ме?" деп аталатын мақала жарияланды.

Материалда Ресейдің Бішкектегі елшісі Андрей Крутьконың сөздері берілген. Ол украиналық әріптесін дипломатиялық этиканы бұзды деп айыптаған. Бұған қоса ресейлік дипломат Украинаның шығысындағы Авдеевкадағы жағдайдың шиеленісуі туралы айта келіп, украиналық билікті арандатушылық әрекетке барды деп сынаған.

"Авдеевкадағы жағдайға келер болсақ, тағы бір арандатушылықтың куәсі болдық. Ұрының бірінші болып айқайлатыны туралы мақалды еске түсіреді", - деп мәлімдеген Крутько.

Украина елшісі бұған көп күттірмей жауап берді. Николай Дорошенко Ресей өкілін Украинаның ішкі ісіне араласуға болмайтынын ескертіп, өзі халықаралық хаттама аясында жұмыс жасайтындығын айтқан.

Осылайша Украинаның шығысындағы жағдайға қатысты пікірталас Бішкектегі екі елшінің баспасөздегі жанжалына ұласты.

Абай ақпарат

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1562
Алашорда

Қожанов межелеу науқанында (Жалғасы)

Бейбіт Қойшыбаев 2256
Ғибырат

Қайсар рухты ғазиз жан

Мұхтар Құл-Мұхаммед 3530