Бейсенбі, 28 Наурыз 2024
Деп жатыр 3913 0 пікір 18 Ақпан, 2017 сағат 14:36

10 ЖАСАР ҚЫЗ ЭКСПО-2017 ҮШІН МОБИЛЬДІ ҚОСЫМША ӘЗІРЛЕДІ.

«ЭКСПО-2017 көрмесі бүкіл әлемнен және Қазақстаннан көптеген туристердің Астанаға келуін қамтамасыз етуі тиіс. Көрме қонақтары мен келушілеріне ыңғайлы болуы үшін «ЭКСПО-гид» ұтқыр қосымшасы әзірленді. Онда халықаралық көрмеге қатысушы елдердің павильондары геолокациямен көрсетілген. Қосымша көмегімен кез келген адам көрменің қай павильонына қалай бару қажеттігін біліп қана қоймай мейрамханалар, такси мен автобустар, анықтама бюросы қызмет түрлерін де ала алады. Айта кетерлігі, аталған қосымшаны Астананың 10 жасар оқушысы Аймен Нұржан жасап шығарды», - делінген Inventor Academy мектебі баспасөз қызметінің хабарламасында.

Аймен кішкентай кезінен-ақ ІТ-техноологиямен әуестенеді. Ол «Болашақ» президенттік бағдарламасы түлектерінің командасымен бірге қосымша авторы болып отыр. Оқушының атап өтуінше, қосымша көрме қонақтарына «ЭКСПО-2017» экстонаттарымен кеңінен танысуға мүмкіндік береді.


«Кішкентай кезімнен адамдарға қолұшын беретін өзіндік дүние жасағым келген еді. Елімізде ЭКСПО-2017 сынды ауқымды шара өтетіндігін білгеннен кейін оған қатысқым келді. Астанадағы бағдарлама жасау мектебіндегі ұстаздарым ЭКСПО-2017 үшін қосымша жасауға көмектесті. Ол осы жазба бізге қонаққа келетін барлық адамдарға пайдалы болады деп үміттенемін», - деді Аймен Нұржан.

Астанада Inventor Academy бағдарлама жасау мектебінің негізін қалаушылар Ойрат Азбергенов пен Жәнібек Исабековтің атап өтуінше, мұндай бағдарламаны кез келген бала жасай алады. Ең бастысы, ниет пен еңбексүйгіштік болса жеткілікті.«Өкінішке орай қарапайым мектептерде оған аз көңіл бөлінеді. Өйткені, сыныпта бала саны көп. Бағдарлама жасау  адамның  қиялы мен идеяларын жүзеге асырудың бірегей құралы. Бұған қоса, адамды ойлауға үйрететін өте пайдалы дағды және ол болашақта балаға қажет болады», - деді Исабеков.

Нұрсұлу Найманова.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1562
Алашорда

Қожанов межелеу науқанында (Жалғасы)

Бейбіт Қойшыбаев 2256
Ғибырат

Қайсар рухты ғазиз жан

Мұхтар Құл-Мұхаммед 3530