46 - сөз

ОЙТАМЫЗДЫҚ

Әріптің көлемі: Қалыпты
  • Қалыпты
  • Үлкен
  • Көлемді

Әншілеріміз Тәуелсіздікті қай жылы алғанымызды ұмытып, естерінен танып жатқанда, есіме қайдағы жоқ Жапония түсе кеткені. Алаш зиялылары бекерден-бекер Жапонияға еліктеді дейсіз бе?

Мысалы, онда Хоши Рьёкан деген қонақүй бар. Қарапайым отель. 1300 жылдан бері бір тоқтамай жұмыс істеп келеді. Дзэнгоро-Хоси деген біреу іргесін қалағаннан бері сол Хоси әулетінің міне 46-шы буыны иелік етіп келеді. Не пәле, 1300 жыл бойы үзіліссіз қызмет көрсету деген? Айтайын дегенім, меншік құқығы қандай алапат заман болса да, өзгермеген. Бізде ше, бірде феодализм, бірде коллективизм, коммунизм, капитализм болды.

Қазіргі императоры Акихитоны айтам да, біздің дәуірімізге дейінгі 711 жылы билік еткен Дзимму императордың тікелей ұрпағы. Жай ойлап қараңызшы, соңғы 2700 жыл бойы шежіресі бір үзілмеген. Не деген бітпейтін сабақтастық! Әрине, бұдан кейін жапонның тамыры терең болмай, кімдікі терең болсын..

Территориясының үштен екі бөлігін орман жапса да, ағашын кеспейді. Мейрамханаға ер мен әйел келсе, алдымен ер кісіге тапсырысын әкеліп береді, алдымен сонымен амандасады. Келімсектер жоқ. Себебі, оған беретін төменгі ақыны әдейі жапонның орташа жалақасынан жоғары қылып қойған. Сосын қандай жұмыс болса да, жапонын алады ғой.

Халқының 98,5 пайызы жапон, тілінде ізеттілік көрсетудің төрт деңгейі бар деп артықшылығын тізе берсе болады. Қандай нәрсе шығарсаң да, акуланың асқазаны секілді ерітіп, қорытып, өзінікін жасап шығарады. Мысалы, Батыс мультфильм жасады ма, бұлар аниме қылып жіберді, комикс бастады ма, бұлар манга қыла салады.

Бұл жазбаның түйіні жоқ. Ойтамызық қой. Сахаба Османның (Алла оған разы болсын) "Жақсы адамдармен аралас-құралас болу сауапты іс. Ал олардан үлгі алу - парыз" дегені секілді, жақсы мемлекеттерден үлгі алу бізге парыз болып тұр қазір.

Фото - Эдуард Цвиктың "Соңғы самурай" фильмінен. Әрине, оны көру керек көрмеген жан болса.

Өркен Кенжебек

Facebook-тегі парақшасынан

3 пікір 409 рет оқылды Қосылған: 15.03.17
    • #1
    • диуана қазақ
    • сн, 15/03/2017 - 9:32

    біздерде қайта келімсектерге бірінші жататын жерін сосын артын беріп жалақысын жоқары жасап береді егер мекеме кафе құрлыс ж,т,басқа жерге жұмыс сұрап барсаң қайдансың деп сұрайды қазақ азаматы десең жұмыс жоқ деиді егер шет ел десең жұмыс бар деиді мынаның бәрі қазақ заңдарының әлсіздігі салықтың әлсіздігі шет елдерден келетін адамдарға қоиатын полициядағы жемқорлықтың белгісі жалпы осы ІІМ-ті Қасымов мырзаны орнынан алып тастау керек осындай заңсыздықтарға жол беріп отырғаны үшін кеше депудатар айтады ІІМ-лігі сіз шешеің деп сонда бұлардыңда ИП-лері болып тұрған болып тұр себебе оған қоқаң лоққы көрсетсе дереу сол жердегі келімсектерді жинап алады сол ұшын ол жауап кершіліктен бас тартып отыр бұл депудат смақтар

    • #2
    • Қойлыхан
    • сн, 15/03/2017 - 9:53

    Сөйткен жапондардың мынандай нəйістігі де бар:
    https://youtu.be/85DkEEeB-pQ
    https://youtu.be/hksqZW-1gLA
    https://youtu.be/9lcmTyr78bw

    • #3
    • Өркенге
    • сн, 15/03/2017 - 17:06

    Дәстүрлі дін ұстанатындар сол рухани шежіренің болуының маңызды екенін қаншама айтса да,уахапшыларды қолдайтын сендер Пайғамбарға дейін жалғасқан шежірені терістеп, Неджден шыққан шайтанның жолдарын дұрыс деп соқтыңдар.Енді келіп...

Пікір қосу

  • 1 + 44 =

Вход