Жұма, 29 Наурыз 2024
Жаңалықтар 7465 0 пікір 31 Қазан, 2014 сағат 11:37

Бас редакторлар ұлттық университетте бас қосты

Әл-Фараби Ғылыми кітапханасының мәжіліс залында Баспасөз және электронды БАҚ кафедрасының ұйымдастыруымен «Қазақстан журналистикасының бүгіні мен болашағы» атты республикалық ғылыми-практикалық конференция ұйымдастырылды. Конференция  Инвестициялар және даму министрлігінің Байланыс, ақпараттандыру және ақпарат комитетінің және Бас редакторлар клубынның  қолдауымен  және журналистика факультетінің ұйымдастыруымен өтті.

Іс-шараның негізгі мақсаты: еліміздің беделді де  белді Бұқаралық ақпарат құралдары басшыларын, жетекші өкілдерін, белгілі ғалым-ұстаздардың басын қосып, журналистиканың заманауи талаптарға сай дамуы мен модернизациялау мәселелерін талқылау болатын.

Конференцияның модераторы Жетінші арна Директорлар Кеңесінің төрайымы, БАҚ саласындағы ҚР Президенті сыйлығының лауреаты, Бас редакторлар клубының Президенті   Бибігүл Жексенбай жүргізіп отырды.

Аталған шараға «Қазақ газеттері» ЖШС-нің бас директоры, редакторлар кеңесінің төрағасы Кенжалин Жұмабек, «Түркістан» газетінің бас редакторы Паттеев Шәмшидин,  «Жас қазақ» газетінің бас редакторы Cраил Смаил, «Қазақ әдебиеті» газетінің бас редакторы Жұмабай Шаштайұлы, «Алаш айнасы» газетінің бас редакторы Серік  Жанболат, «Вечерняя Алматы» газетінің бас редакторы Николай Жоров, «Президент және Халық» республикалық қоғамдық-саяси газетінің бас редакторы Марат Тоқашбаев, «Abai.kz» ақпараттық портал жетекшісі, танымал журналист Дәурен Қуат, «Экономика» газетінің бас редакторы Ақас Тәжүтов, «Қазақ  радиосы» Алматы студиясының бас редакторы Мұрат Мұқаш т.б қатысып, Ынтымақтастық туралы Меморандумға қол  қойды

 

Конференция ректор Ғалым Мұтанұлының алғы сөзімен ашылды.  Ғалым Мұтанұлы өз сөзінде: «Бүгінде жаһандық  деңгейде орын алып отырған баспа және электронды БАҚ-тың бәсекелестігі ұлттық бұқаралық медиа саласын да шарпып отырғаны рас. Бұл заңды құбылыс. Осынау  электронды үрдістердің жылдам дамып отырған кезеңінде қазақстандық бұқаралық ақпарат саласының мәселелері, дамуы, болашағы академиялық ортада талқылануы, зерттелуі қажеттігін бас айтқым келеді. Сондықтан интеллектуалды құндылықтарды қалыптастастыратын ғылыми журналистиканың, коммуникация туралы ғылымның мәртебесі артуы қажет. Бұл сондай-ақ жоғары мектепке жаңа медиатехнологияны еркін меңгерген болашақтың журналистерін дайындауды талап етеді» - деді. Сонымен қатар: «Осы орайда Бас редакторлар клубымен ҚазҰУ арасындағы ынтымақтастықтың аясында бірлескен жобалар жүзеге асады, үлкен болашағы болады деп күтілуде», - деп ойын сабақтады.

Жалпы конференцияда барлық қатысушылар, оқытушы-профессорлар бүгінгі журналистиканың дамуы мен болашағы, бұқаралық коммуникация арналарының мәселелерін кеңінен талқылап, шешуші жолдарын ұсынды. Бірлескен ауқымды жобалар аясында студенттердің шығармашылық жұмыстарын тікелей өндіріспен байланыстырудың оңтайлы жолдары ұсынылды.

Қорыта айтқанда, еліміздің бұқаралық ақпарат құралдарының басшылары мен өкілдерінің қарашаңырақта бас қосып, келелі де сабдарлы мәселелерді талқылауы болашаққа жасалған игі қадамдар деуімізге болады.

Әйгерім Әлімжан

Баспасөз және электронды БАҚ кафедрасы

"Қамшы" сілтейді

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1576
Алашорда

Қожанов межелеу науқанында (Жалғасы)

Бейбіт Қойшыбаев 2272
Ғибырат

Қайсар рухты ғазиз жан

Мұхтар Құл-Мұхаммед 3590