جۇما, 29 ناۋرىز 2024
الاڭ 5696 30 پىكىر 30 قازان, 2019 ساعات 14:06

حالىق ساياسي پارتيالارعا سەنە مە؟

كۇنى كەشە ءماجىلىس دەپۋتاتى بەكبولات تىلەۋحاننىڭ كەلىنى توعجان قوجاليەۆا "حاق" اتتى پارتيا قۇرىپ، بيلىككە باراتىنىن مالىمدەدى. قوجاليەۆانىڭ ايتۋىنشا، بۇل پارتيانىڭ ماقساتى - بيلىك پەن حالىقتىڭ ورتاسىنا كوپىر بولىپ، قازىرگى ساياسي جۇيەنى قالپىنا كەلتىرۋ.

وسىدان ءبىراز ۋاقىت بۇرىن بەلگىلى جۋرناليست جانبولات ماماي دا قدپ دەپ اتالاتىن پارتيا قۇراتىنىن مالىمدەگەن ەدى. "نۇر وتاندى" تاس-تالقان قىلىپ جەڭەمىز دەگەن ماماي مىرزا قازىر پارتيا جۇمىستارىنا بەلسەندى كىرىسىپ كەتكەن.

الايدا، پرەزيدەنت سايلاۋى قارساڭىنداعى "قوسانوۆ قويىلىمى" كوپشىلىكتىڭ قازاقستانداعى جۇيە مەن جالپى ساياساتقا دەگەن سەنىمىن ءبىرجولا سەتىنەتىپ كەتتى دەيتىندەر كوپ.

ماسەلەن، الەۋمەتتىك جەلىدە ساياسي كوزقاراستارىن اشىق ءبىلدىرىپ جۇرگەن جاستاردىڭ ءبىرى باۋىرجان سەرىكباي، قازاقستاننىڭ ءدال قازىرگى جاعدايىندا پارتيا قۇرۋ - جۇيەنىڭ عۇمىرىن ودان ءارى ۇزارتۋ دەپ ەسەپتەيدى.

-قازىر پارتيا قۇرىپ كەرەگى جوق. ءبارىبىر الدايدى نە تالقاندايدى. ءدال قازىر ساياسي رەفورمانى، بيلىكتى پرەزيدەنتتىڭ ءوز قولىنا الۋىن، ەلباسىنىڭ ساياساتتان كەتۋىن تالاپ ەتىپ بەيبىت ميتينگكە شىعا بەرۋ كەرەك. مىنا جاقتان ابليازوۆپەن الىسسىن. ودان بولەك جەر-جەردەن ەلدىڭ ىشىندىگى بەلسەندىلەر اي سايىن 5-10 مىڭداپ ادام جيناپ ميتينگكە شىعا بەرۋ كەرەك. ءتۇبى ەليتا ىشىنەن بولىنەدى نە الاڭعا شىعىپ ۇيرەنگەن حالىق ءبىر كۇنى ءوزى-اق قۋىپ شىعادى. بۇل جۇيەدەن تەك الاڭعا شىعىپ قانا قۇتىلاسىڭ. قالعان جولدىڭ ءبارىن 30 جىل كوردىك. بولمايدى ول جول.

ال، وزدەرىن كوشباسشى پارتيا دەپ اتاپ جۇرگەن "نۇر وتان" بۇل سايلاۋعا دايىندىقتى الدەقاشان باستاپ كەتكەن. ءتىپتى، "نۇر وتان" پارتياسىنىڭ سايلاۋالدى باعدارلاماسىنىڭ شارالارىن وتكىزۋ ءۇشىن، سەنات 2019-2021 جىلدارعا ارنالعان رەسپۋبليكالىق بيۋدجەتكە وزگەرىستەردى قابىلداعان بولاتىن.

جانە ەكس-پرەزيدەنت نازارباەۆ "نۇروتان" پارتياسى كوشباسشىلىقتى ۇزاق مەرزىمگە ساقتاپ قالۋ كەرەكتىگىن مىندەتتەگەن ەدى.

– ءبىزدىڭ مىندەتىمىز – ۇزاق مەرزىمدى كوشباسشىلىقتى ساقتاۋ. ءماجىلىس سايلاۋىنا پارتيانىڭ جاڭا سايلاۋالدى باعدارلاماسىن دايىنداۋ جۇمىستارىن بۇگىننەن باستاۋ كەرەك. ستراتەگيالىق باعىتتى نەگىزگە الىپ، ءارتۇرلى الەۋمەتتىك توپتاردىڭ ناقتى مۇددەلەرىن كوزدەپ، ەل-جۇرتتىڭ ناقتى سۇرانىستارىن وتەگەن ءجون، – دەدى نازارباەۆ.

ءتۇيىن. قالاي دەسەك تە، بۇل ساياسي قادامنىڭ ءبارى الداعى پارلامەنت سايلاۋىنىڭ قامى. ال پرەزيدەنتتىك سايلاۋدا ءوز ۇمىتكەرلەرىن ۇسىنىپ، "اسا بەلسەندىلىك تانىتقان" پارتيالار "نۇر وتاننىڭ" جولىن كەسىپ كەتپەيتىنى بەلگىلى. الايدا، ساياسي الاڭدا ەشبىر شىنايى باسەكەلەسى جوق "نۇر وتاندى" شىن مانىندە حالىقتى سوڭىنان ەرتە الاتىن كوشباسشى پارتيا دەپ ايتا الامىز با؟ ال، جاڭادان قۇرىلىپ، ساياسي جۇيەنى وزگەرتەمىز دەيتىن جاڭا پارتيالارعا حالىق ىلەسىپ كەتە مە؟ ءسىز قالاي ويلايسىز؟

نۇربيكە بەكسۇلتانقىزى

Abai.kz

 

30 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1564
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3539