جۇما, 29 ناۋرىز 2024
الاش ارىسى 4227 7 پىكىر 30 قازان, 2019 ساعات 15:28

«وكتيابر اۋدانىنا ءاليحاننىڭ ەسىمى بەرىلەدى»

بۇگىن «اق جول» پارتياسىنىڭ قاراعاندى وبلىستىق  فيليالىنىڭ ۇيىمداستىرۋىمەن «الاش قوزعالىسى: بۇگىنگى جانە كەلەشەككە كوزقاراس» اتتى عىلىمي-پراكتيكالىق كونفەرەنتسياسى ءوتتى. 

عىلىمي-تاجىريبەلىك كونفەرەنتسياعا «اق جول» پارتياسىنىڭ قاراعاندى جانە اقمولا وبلىستىق فيليالدارىنىڭ توراعالارى ەرمەك ءابىلدين، باقىت سماعۇل،  تاريح عىلىمىنىڭ كانديداتتارى، پروفەسسورلار، پارتيا مۇشەلەرى قاتىستى.  

كونفەرەنتسياداعى بايانداما نەگىزىندە، قاتىسۋشىلاردىڭ پىكىر ۇسىنىستارىن ەسكەرە وتىرىپ، قاراعاندى وڭىرىندە «الاش» قوزعالىسى جەتەكشىلەرىنىڭ ەسىمىن ۇلىقتاۋ، رۋحاني مۇراسىن زەردەلەۋ، ناسيحاتتاۋ، وسكەلەڭ ۇرپاقتىڭ ساناسىنا ءسىڭىرۋ ماقساتىندا مەملەكەتتىك ورگاندار مەن قوعامدىق ۇيىمداردان ساياسي-قۇقىقتىق، الەۋمەتتىك-ەكونوميكالىق، رۋحاني-مادەني، اعارتۋشىلىق اسپەكتىلەر قامتىلعان كەشەندى شارالار باعدارلاماسىن جاساقتاۋدى، جۇزەگە اسىرۋدى تالاپ ەتىلۋى جاريالاندى.

بۇل كەشەندى شارا قاراعاندى وڭىرىندە جاڭادان مادەني-رۋحاني نىسانداردىڭ پايدا بولۋىنا، ءسويتىپ ءوڭىردىڭ تۋريستىك، ەكونوميكالىق، مادەني-رۋحاني الەۋەتىنىڭ ارتۋىنا الىپ كەلمەك.

وسى جوبانىڭ باستاماسى رەتىندە كەلەسى شارالاردى جۇزەگە اسىرۋ قاجەت دەگەن شەشىم قابىلداندى:

1) بيىل تاۋەلسىزدىك كۇنى قارساڭىندا قاراعاندى قالاسىنىڭ وكتيابر اۋدانى ءاليحان بوكەيحان ەسىمىن بەرۋدى قاجەت دەپ سانايمىز. بۇل ۇلت كوسەمىنىڭ ەڭبەگىن ەلەۋدەگى تاريحي ادىلدىكتىڭ ءبىر كورىنىسى بولماق.

2) قاراعاندى قالاسى الاش قايراتكەرلەرىنىڭ ءبىر شوعىرى شىققان كيەلى ءوڭىر. كەلەسى جىلى قازاق رەسپۋبليكاسىنىڭ قۇرىلعانىنا 100 جىل تولادى. وسى ايتۋلى وقيعاعا ورايلاستىرىپ، الاش كوسەمى ءاليحان بوكەيحانعا، ءالىمحان ەرمەكوۆكە، جاقىپ اقپاەۆقا قاراعاندى قالاسىندا ەسكەرتكىشتەر ورناتۋ.

3) ءاليحان بوكەيحاننىڭ ونەگەلى ءومىرىن ۇلگى ەتۋ ماقساتىندا ونىڭ تۋعان جەرى، قايراتكەرلىك عۇمىر جول جالعاسقان تاريحي ورىنداردا قامتيتىن «ءاليحان جانە ءالىمحاننىڭ جولى» تاريحي-تانىمدىق ەكسپەديتسياسىن ۇيىمداستىرۋ.

4) ءاليحان بوكەيحاننىڭ ءومىرى مەن قايراتكەرلىك قىزمەتىن كەڭىنەن ناسيحاتتاۋ ماقساتىندا وبلىستىق تاريحي-ولكەتانۋ مۋزەيى جانىنان 2020 جىلى ارنايى بۇرىش اشۋ جانە جاقىن ارادا الاش كوسەمدەرىنە ارنايى مۇراجاي اشۋدى قامتاماسىز ەتۋ.

5) الاش كوسەمى ءاليحان نۇرماعامبەتۇلى بوكەيحاننىڭ ەسىمىن وسكەلەڭ ۇرپاق جادىندا ماڭگىگە قالدىرۋ ماقساتىندا ورتا، ارناۋلى جانە جوعارى وقۋ ورىندارىندا «ءاليحان تاعىلىمى» اتتى تاريحي – تانىمدىق شارالار وتكىزۋ.

6) الاش قايراتكەرلەرى يدەياسىن جان-جاقتى ناسيحاتتاۋ مەن زەردەلەۋگە ەرەكشە ۇلەس قوسقان جۋرناليستەر مەن تاريحشىلار اراسىندا «الاش اقيقاتى» اتتى شىعارماشىلىق بايقاۋىن ۇيىمداستىرۋ. 

7) قاراعاندى پوليتەحنيكالىق ۋنيۆەرسيتكە ءالىمحان ەرمەكوۆتىڭ اتىن بەرۋ ۇسىنىلدى.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3541