بەيسەنبى, 14 قاراشا 2019
1021 28 پىكىر 8 قاراشا, 2019 ساعات 17:40

پلاگيات داۋىنا ۇشىراعان ۆيتسە-مينيستر قىزمەتىنەن بوساتىلاتىن بولدى

ديسسەرتاتسياسى پلاگياتتىق تەكسەرۋدەن وتپەي، باس داۋعا قالعان قر ءبىلىم جانە عىلىم ءمينيسترىنىڭ ۆيتسە-ءمينيسترى فاتيما جاقىپوۆا قىزمەتىنەن بوساتىلاتىن بولدى. 

بۇل تۋرالى اتالعان ۆەدومستۆو باسشىسىنىڭ كەڭەسشىسى ەربولات مۇحامەدجان Facebook جەلىسىندەگى جەكە پاراقشاسىندا جازدى.

- ءبىلىم جانە عىلىم ۆيتسە-ءمينيسترى ف.ن. جاقىپوۆانى قىزمەتىنەن بوساتۋ ماسەلەسى بويىنشا كەلەسىنى حابارلايمىز: قازىرگى ۋاقىتتا وسى لاۋازىمدى تۇلعا باسقا جۇمىسقا اۋىسۋىنا بايلانىستى قر زاڭناماسىنا سايكەس اتقارىپ وتىرعان قىزمەتىنەن بوساتۋ بويىنشا كەلىسۋ ءراسىمى جۇرگىزىلۋدە، - دەپ جازادى ول.

ايتا كەتەيىك، بۇعان دەيىن مينيسترلىك قىزمەتكەرى جاقىپوۆانىڭ ديسسەرتاتسياسى پلاگياتتىق تەكسەرۋدەن وتپەيدى، وعان عىلىمي دارەجە زاڭسىز بەرىلگەن دەپ ايىپتاعان.

پلاگياتقا قارسى رەسەيلىك كومپانيا جاقىپوۆانىڭ ديسسەرتاتسياسى ماڭىنداعى داۋعا ارالاسىپ، ءوز زەرتتەۋلەرىنىڭ ناتيجەسىن جاريالادى. ناتيجەسىندە ديسسەرتاتسيا ءماتىنىنىڭ كەم دەگەندە 52 پروتسەنتى، ياعني رەسەي مەملەكەتتىك كىتاپحاناسىنداعى ماقالالار مەن ديسسەرتاتسيالار جيىنتىعىنان الىنعان كوشىرمە ەكەنىن راستادى.

كەشە، 7 قاراشادا سەناتور ەدىل مامىتبەكوۆ ءبىلىم جانە عىلىم ۆيتسە-ءمينيسترى فاتيما جاقىپوۆانى وتستاۆكاعا جىبەرۋدى تالاپ ەتكەن بولاتىن. سەناتتا سويلەگەن ولل پلاگياتى ەكى بەت دالەلدەنگەن جاقىپوۆانىڭ مەكەمەسى بۇگىندەرى ءۇن-ءتۇنسىز وتىرۋى ورىنسىز ەكەنىن ايتقان.

Abai.kz

28 پىكىر