بەيسەنبى, 28 ناۋرىز 2024
4512 7 پىكىر 20 قاراشا, 2019 ساعات 10:37

The Times "بەلارۋس ارۋى-2018" يەگەرىنىڭ لۋكاشەنكومەن بايلانىسى تۋرالى جازدى

22 جاستاعى ماريا ۆاسيلەۆيچ بەلارۋس پارلامەنتى تومەنگى پالاتاسىنىڭ ەڭ جاس دەپۋتاتى اتاندى. The Times باسىلىمىنىڭ مالىمەتى بويىنشا، "بەلارۋس ارۋى" اتانعان قىز ەل پرەزيدەنتى الەكساندر لۋكاشەنكومەن "رومانتيكالىق بايلانىس" ورناتقان ەكەن.

وتكەن جىلى مامىر ايىندا ماريا سۇلۋلىق بايقاۋىندا جەڭىسكە جەتكەن سوڭ، ول 65 جاستاعى لۋكاشەنكومەن كوپشىلىك الدىنا ءجيى شىعىپ ءجۇر. ولار مەملەكەتتىك فەستيۆالگە، حوككەي ماتچتارىنا، رەسەيدە 2018 جىلى وتكەن فۋتبولدان الەم چەمپيوناتىنا بىرگە باردى. The Times باسىلىمىنىڭ حابارلاۋىنشا، لۋكاشەنكو ۆاسيلەۆيچتى مادەنيەت پەن قايىرىمدىلىققا قوسقان ۇلەسى ءۇشىن مەملەكەتتىك مەدالمەن ماراپاتتاعان. بۇعان قوسا، پرەزيدەنت ونىڭ "الەم ارۋى-2018" بايقاۋىنا دايىندالۋعا كومەكتەستى. ماريا بۇل بايقاۋدا ءۇشىنشى ورىن الدى.

دەپۋتات اتانعان ماريا ۆاسيلەۆيچتىڭ ساياساتتا تاجىريبەسى جوق ەكەنىن باسىلىم اتاپ وتكەن. پارلامەنتتە ول جاستار ماسەلەسىنە كوڭىل ءبولۋدى كوزدەيدى.​

جەكسەنبى كۇنى وتكەن پارلامەنت سايلاۋىندا وپپوزيتسيادان بىردە-ءبىر ۇمىتكەر تومەنگى پالاتاعا وتە المادى. سىنشىلار سايلاۋدى الاياقتىققا تەڭەدى دەپ جازدى​ The Times.

الەكساندر لۋكاشەنكو بەلارۋستى 25 جىل بويى باسقارىپ كەلەدى. لۋكاشەنكو 1975 جىلى ۇيلەنگەن، بىراق پرەزيدەنت بولعالى بەرى ول ايەلىمەن بىرگە كوپشىلىك الدىنا شىققان ەمەس.دەپ جازدى The Times.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522