جۇما, 29 ناۋرىز 2024
دەپ جاتىر 4392 30 پىكىر 20 قاراشا, 2019 ساعات 13:46

بوجكو: اۋىل اكىمدەرىنە جوعارى ءبىلىمدى بولۋ مىندەتتى ەمەس

ءماجىلىستىڭ ۆيتسە-سپيكەرى ۆلاديمير بوجكو اۋىل اكىمدەرىنەن جوعارى ءبىلىم تۋرالى ديپلوم تالاپ ەتپەي-اق تاعايىنداۋدى ۇسىنىپتى. "Inbusiness.kz" سايتى سولاي دەپ جازدى. 

الگى اقپاراتتان ۇققانىمىز، دەپۋتات بوجكونىڭ ايتۋىنشا، اۋىلداردا جوعارى ءبىلىم تەك مۇعالىمدەر مەن پوليتسيا قىزمەتكەرلەرىنە عانا قاجەت.

-كەزىندە مەملەكەتتىك قىزمەت ىستەرى اگەنتتىگى ەرەكشە ءبىر بۇيرىق شىعارعان. وعان سايكەس، جوعارى ءبىلىمى بار ادامدار عانا اۋىلدىق وكرۋگتەردىڭ اكىمدەرى بولا الادى. كەشىرىڭىز، اۋىلداردا جوعارى ءبىلىمى بار تەك وقىتۋشىلار مەن پوليتسەيلەر عانا. ال، نەگە ءسىز بۇل ماسەلەنى قايتا قاراي المايسىز؟-دەپ سۇراپتى ول.

ۆيتسە-سپيكەر اۋىلدىق وكرۋگتەردە ورتا ءبىلىمدى، ومىرلىك تاجىريبەسى مول ادامدار بار ەكەنىن دە اتاپ ءوتتى. الايدا، ول ادامدار اۋىل اكىمى لاۋازىمىنا تاعايىندالا المايدى دەيدى بوجكو.

-بىراق ءسىزدىڭ بۇيرىعىڭىز ولاردى اۋىل اكىمى لاۋازىمىنا تاعايىنداۋعا مۇمكىندىك بەرمەيدى. مۇمكىن، كەيبىر اۋىلدىق ايماقتارداعى قيىندىقتاردى ەسكەرە وتىرىپ وسى ماسەلەنى قايتا قاراۋ كەرەك شىعار؟,- دەپ قورىتىندىلاعان ەكەن.

دەپۋتات ۆلاديمير بوجكونىڭ بۇعان دەيىنگى ەرسىلى-قارسىلى ۇسىنىس-پىكىرلەرىنە قاتىستى سىني ماقالالار پورتال بەتىندە از جازىلعان جوق. ال بۇگىن دەپۋتاتتىڭ بۇل ۇسىنىسىن دا وقىرمان تالقىسىنا ۇسىنعاندى ءجون كوردىك.

Abai.kz

30 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616