جۇما, 29 ناۋرىز 2024
46 - ءسوز 10724 1 پىكىر 20 قاراشا, 2019 ساعات 15:02

تۇساۋ كەسۋ تۋرالى

تۇساۋدى - جاسى كەلگەن، ناۋقاس، ءجۇرىسى سىلبىر كىسىلەر، تۇرمىس قۇرماعان قىز، ۇيلەنبەگەن جىگىت كەسپەيدى! ۇلكەن كىسىلەر الا ءجىپ بايلاپ، باتاسىن بەرەدى. ۇلدىكىن - ءىسى تىندىرىمدى ەر-ازامات، قىزدىكىن قيمىلى شيراق كەلىنشەك كەسەدى.

تۇساۋدىڭ اق پەن قارا ارالاسىپ ەسىلگەن الا ءجىبى بالانىڭ الدىنان  تەك پىشاقپەن كەسىلەدى! قايشىدا ەكى ءجۇز بار، بالانىڭ قادامى قايشىلانباسىن! دۇمشەلەرگە ەرىپ بالانىڭ ارتىنان تۇساۋ كەسۋدىڭ قاجەتى جوق. ويتكەنى بالا كوتكەنشەكتەپ ارتقا ەمەس، الدىعا جۇرەدى!

ءبىر بالانىڭ تۇساۋىن ءۇش ادامنىڭ كەسكەنى دە دۇرىس ەمەس. سونداي-اق قىزىلالا-جاسىلالا ءجىپتى بازاردان ساتىپ اكەپ جاڭالىق اشۋعا قۇمار بولماڭدار .اق پەن قارا ارالاسىپ ەسىلگەن الا ءجىپتىڭ ءمانى - بالام بىرەۋدىڭ الا ءجىبىن اتتاپ ۇرى بوپ شىقپاسىن دەگەن شولاق تۇسىنىكپەن ەمەس، ومىردە قاتار كەزدەسەتىن جاقسىلىق پەن جاماندىقتا، قۋانىش پەن قايعىعا جاسىپ قالماي، تاسىپ كەتپەي تەڭ ءوتسىن دەگەن نيەتپەن بايلانىپ كەسىلەدى! اق پەن قارا - تىرشىلىكتىڭ سيمۆولى!

كورىنگەننىڭ كوزىنە تۇسكەن، كورىنگەننىڭ ەنەرگياسىن جيناعان قىزىلالا، كوكالا، ءتىپتى بازارداعى دايىن الا ءجىپتىڭ وزىنە جۇگىرمەي، كەشكە دەيىن تەلەفونعا تەلمىرمەي، اجەلەرى نەمەرەلەرىنە الا ءجىپتى جاقسى تىلەۋ تىلەپ ءوزى ەسىپ دايىنداعانى ءجون. سولاي!

ورىس تا، اراب تا، دۇمشە دە بولما، قولىڭنان كەلسە، قازاق بول، ۇرپاعىڭدى قازاق قىل! ەڭ دۇرىسى، اركىمگە ەرمە، ءوزىڭ بىلمەيسىڭ بە، زەينەپ احمەتوۆانىڭ "كۇرەتامىر" كىتابىن وقى!

ايگۇل بولاتحانقىزىنىڭ facebook پاراقشاسىنان

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621