جۇما, 29 ناۋرىز 2024
انە، كوردىڭ بە؟ 4113 37 پىكىر 21 قاراشا, 2019 ساعات 12:03

ۋكراين حالقىنىڭ 82 پايىزى «گولودوموردى» گەنوتسيد دەپ تانيدى

«رەيتينگ» جۇرگىزگەن ساۋالناماعا قاتىسقان ۋكراينداردىڭ تەك 11%-ى «گولودومور» - بۇل 1932-1933 جىلدارداعى ۋكراين حالقىنىڭ گەنوتسيدى» دەگەن تەزيستى قولدامايدى. ال جالپى رەسپوندەنتتەردىڭ 82%-ى «گولودوموردى» ۋكراين حالقىنىڭ گەنوتسيدى دەپ سانايتىنىن بىلدىرگەن.  

«جوعارىداعى تەزيستى قولدامايتىندار 11%. ال تاعى 7%-عا جۋىق رەسپوندەنت ءوز شەشىمدەرىن ناقتىلاي الماعان. وتكەن جىلمەن سالىستىرعاندا بۇل تۇجىرىممەن كەلىسپەيتىندەر سانى از عانا ارتتى»، دەلىنگەن حابارلامادا.

ۋكراينانىڭ باتىسىنداعى رەسپوندەنتتەردىڭ 95%-ى، ورتالىقتاعى رەسپوندەنتتەردىڭ 87%-ى، وڭتۇستىكتەگىلەردىڭ 72%-ى جانە شىعىستىقتاردىڭ 61%-ى «گولودوموردى» گەنوتسيد دەپ سانايدى.

«سەلو تۇرعىندارى بۇل تەزيستى قالا تۇرعىندارىنا قاراعاندا ءبىرشاما ماقۇلدايدى. ال، جاس جانە ءبىلىم تۇرعىسىنان بۇل ماسەلەگە قاتىستى ايتارلىقتاي ايىرماشىلىق جوق. سونىمەن بىرگە كسرو-نىڭ قۇلاۋىنا وكىنەتىندەر بۇل تۇجىرىمدى ونشا قولدامايدى. سوعان قاراماستان، بۇل ساناتتا دا «گولودوموردى» گەنوتسيد دەپ سانايتىندار بارشىلىق»، دەپتى رەيتينگ تۇزۋشىلەر.

سونداي-اق، رەسپوندەنتتەردىڭ 73%-ى بيىل «گولودومور» قۇرباندارىن ەسكە الۋ كۇنى شام جاعۋعا نيەتتى. 20% مۇنى جاسامايتىندىقتارىن ايتقان.

ساۋالناما 29 قازان مەن 4 قاراشا ارالىعىندا بەتپە-بەت پىكىرلەسى ءادىسىن قولدانۋ ارقىلى جۇرگىزىلگەن. وعان 18 جاستان اسقان 3 مىڭ رەسپوندەنت قاتىسقان. زەرتتەۋ جۇمىسىنىڭ قاتەلىكتەرى 1,8%-دان اسپايدى.

ۋكراينادا 1932-1933 جىلداردا كسرو ۇكىمەتى جاپپاي جاساندى اشارشىلىق ۇيىمداستىرىپ، ۋكراين كەڭەس سوتسياليستىك رەسپۋبليكاسىنىڭ تەرريتورياسىنداعى سەلولىق جەرلەردە ميلليونداعان ادامداردىڭ ءومىرىن قيعان ۋكراين حالقىنىڭ گەنوتسيدتىك ارەكەتى رەتىندە قاراستىرىلادى.

ۋكراينادا «گولودومور» قۇرباندارىن ەسكە الۋ كۇنى قاراشانىڭ ءتورتىنشى سەنبىسىندە اتاپ وتىلەدى.

2016 جىلى ۋكراينانىڭ جوعارى راداسى دەموكراتيالىق ەلدەرگە ۇندەۋ تاستادى. 1932-1933 جىلدارداعى «گولودوموردى» ۋكراين حالقىنىڭ گەنوتسيدى دەپ تانۋدى سۇرادى. ۋكراينانىڭ ءسىم سايتىندا حابارلانعانداي، بۇگىنگى كۇنگە دەيىن الەمنىڭ 24 مەملەكەتى «گولودوموردى» ۋكراين حالقىنىڭ گەنوتسيدى دەپ تانىدى.

كەرىمسال جۇباتقانوۆ،

قازاق-ورىس حالىقارالىق ۋنيۆەرسيتەتىنىڭ دوتسەنتى، تاريح عىلىمدارىنىڭ كانديداتى.

تاقىرىپقا تۇزدىق: 1932-33 جىلدارداعى سوۆەتتىك بيلىك قاساقانا ۇيىمداستىرعان اشارشىلىقتى 2006 جىلى ۋكراينا پارلامەنتى، راداسى «ۋكراين حالقىنا جاسالعان گەنوتسيد» دەپ باعالادى. ودان كەيىن، «گولودوموردى» 2008 جىلى ەۋروپارلامەنت «ادامزاتقا قارسى جاسالعان قىلمىس» دەپ تانىدى.

ءدال سول جىلدارى اشارشىلىق قازاقتا دا بولدى. قازاق دالاسىندا اشتىقتان قىرىلعانداردىڭ سانى تاريحشىلار اراسىندا ءارتۇرلى ايتىلادى. كەي تاريحشىلار 2 ميلليوننان كوپ دەسە، ەندى بىرەۋلەرى 1 ميلليون مەن 2 ميلليوننىڭ اراسىندا دەيدى. تاعى 1,5 ميلليونعا جۋىق قازاق جەر اۋدى. بوسىپ كەتتى. الايدا، ءالى كۇنگە دەيىن سول قاسىرەت تۋرالى ەلىشىلىك دەڭگەيدە ايتىلىپ جۇرسە دە، حالىقارالىق ماسششتابتا وعان ساياسي باعا بەرىلگەن جوق. نەگە؟

Abai.kz

37 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618