جۇما, 29 ناۋرىز 2024
بيلىك 3716 23 پىكىر 28 قاراشا, 2019 ساعات 10:33

قاسىم-جومارت توقاەۆ پەن سوورونباي جەەنبەكوۆ شاعىن قۇرامدا كەلىسسوزدەر جۇرگىزدى

قازاقستان پرەزيدەنتىن «الا-ارچا» رەزيدەنتسياسىندا سالتاناتتى قارسى الۋ راسىمىنەن كەيىن، ەكى ەلدىڭ مەملەكەتتىك ءانۇراندارى شىرقالىپ، قۇرمەت قاراۋىلىنىڭ باستىعى مەملەكەتتەر باسشىلارىنا راپورت بەردى.

قاسىم-جومارت توقاەۆ پەن سوورونباي جەەنبەكوۆ قۇرمەت قاراۋىلىن ارالاپ ءوتىپ، ءبىر-بىرىنە رەسمي دەلەگاتسيا مۇشەلەرىن تانىستىردى. سودان كەيىن «اقساقالدار» زالىندا شاعىن قۇرامداعى كەلىسسوزدەر ءوتتى.

تاراپتار ەكىجاقتى ستراتەگيالىق سەرىكتەستىك بويىنشا، ونىڭ ىشىندە ساياسي، ساۋدا-ەكونوميكالىق جانە مادەني-گۋمانيتارلىق باعىتتاعى، سونداي-اق، حالىقارالىق قۇرىلىمدار اياسىنداعى كوپتەگەن ماسەلەلەردى قاراستىردى.

قاسىم-جومارت توقاەۆ سوورونباي جەەنبەكوۆكە قوناقجايلىق كورسەتكەنى ءۇشىن ريزاشىلىق ءبىلدىرىپ، ونىڭ قازاق-قىرعىز ىنتىماقتاستىعىن نىعايتۋعا قوسقان جەكە ۇلەسىن جوعارى باعالادى.

قازاقستان پرەزيدەنتى ءوزىنىڭ بىشكەككە جاساعان مەملەكەتتىك ساپارىنا زور ءمان بەرەتىنىن اتاپ ءوتىپ، ەكى باۋىرلاس حالىق اراسىندا ەشقانداي قاراما-قايشىلىقتىڭ جوق ەكەنىن ايتتى.

سوورونباي جەەنبەكوۆ قازاقستان پرەزيدەنتىنىڭ ساپارى ەكى ەل قارىم-قاتىناستارىنىڭ دامۋىنا تىڭ سەرپىن بەرەتىنىنە سەنىم ءبىلدىردى.

كەزدەسۋ سوڭىندا قاسىم-جومارت توقاەۆ سوورونباي جەەنبەكوۆتى 2020 جىلى قازاقستانعا ساپارمەن كەلۋگە شاقىردى.

Abai.kz

23 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610