جۇما, 29 ناۋرىز 2024
2735 1 پىكىر 3 جەلتوقسان, 2019 ساعات 06:41

داۋرەن اباەۆ: «الەم بارىسى» قازاق كۇرەسىن وليمپيادا ويىندارىنا قوسۋ جولىنداعى اۋقىمدى جوبالاردىڭ بىرەگەيى

«الەم بارىسى» قازاق كۇرەسىن وليمپيادا ويىندارىنا قوسۋ جولىنداعى اۋقىمدى جوبالاردىڭ بىرەگەيى. بۇل تۋرالى قازاق كۇرەسىنەن ابسوليۋتتىك «الەم بارىسى» الەم چەمپيوناتىنىڭ اشىلۋ سالتاناتىندا قر اقپارات جانە قوعامدىق دامۋ ءمينيسترى داۋرەن اباەۆ ايتتى.

«بۇگىنگى جالاۋىن كوتەرىپ وتىرعان «الەم بارىسى» ابسوليۋتتىك الەم چەمپيوناتىنا قوش كەلدىڭىزدەر! «الەم بارىسى» قازاق كۇرەسىن ناسيحاتتاۋدا وزىندىك ورنى بار ماڭىزدى شارا. چەمپيوناتىن حالىقارالىق دەڭگەيدە ءوزىنىڭ جوعارى باعاسىن الدى. وعان قوسا بۇل شارا ۇلتتىق ونەرىمىز - قازاق كۇرەسىن وليمپيادا ويىندارىنا قوسۋ جولىنداعى اۋقىمدى جوبالاردىڭ بىرەگەيى. قر تۇڭعىش پرەزيدەنتىنىڭ كۇنىنە وراي ۇيىمداستىرىلعان ءدۇبىرلى دودا مادەني مۇرامىزدى دامىتۋعا، قازاق كۇرەسىن ودان ارى جەتىلدىرىپ، حالىقارالىق دەڭگەيدە ناسيحاتتاۋعا، قازاق كۇرەسىنەن «الەم بارىسىن» انىقتاۋعا ارنالادى»، - دەدى داۋرەن اباەۆ.

سونىمەن قاتار مينيستر ۇلتتىق كۇرەستەن وسىنداي كەرەمەت دوباسىن ۇيىمداستىرىپ وتىرعان الماتى قالاسىنىڭ اكىمدىگىنە، قر مادەنيەت جانە سپورت مينيسترلىگىنە شىنايى ريزاشىلىعىن ءبىلدىردى.

سونىمەن قاتار چەمپيوناتتىڭ اشىلۋ سالتاناتىندا وليمپيادا چەمپيونى جاقسىلىق ۇشكەمپىروۆ ءسوز سويلەپ، بالۋاندارعا ساتتىلىك تىلەدى.

ايتا كەتەيىك، ءتورتىنشى رەت وتەتىن باسەكەگە 30 ەلدەن 33 بالۋان قاتىسادى.

«الەم بارىسى» اتانۋعا اقش، اۋستراليا، ازەربايجان، برازيليا، گرەكيا، گرۋزيا، ءۇندىستان، يران، يسپانيا، يتاليا، كامەرۋن، كونگو، كورەيا، كۋبا، قىرعىزستان، ليتۆا، موڭعوليا، نيدەرلاندى، پاكىستان، پولشا، رەسەي، سلوۆەنيا،تاجىكستان، تۇرىكمەنستان، تۇركيا، وزبەكستان، ۋكراينا، ەستونيا، ياپونيا سەكىلدى ەلدەردىڭ جانە قازاقستاننىڭ اتاقتى بالۋاندارى كەلگەن. بۇل سىندا ەلىمىزدىڭ نامىسىن ا.نۇعىماروۆ (شقو), ر.ابدىرازاقوۆ (الماتى قالاسى), م.يساعابىلوۆ (قىزىلوردا وبلىسى), ن.جارىلعاپوۆ (ماڭعىستاۋ وبلىسى) سىندى بالۋاندار قورعايدى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3624