جۇما, 29 ناۋرىز 2024
46 - ءسوز 4197 5 پىكىر 3 جەلتوقسان, 2019 ساعات 12:16

ۇلكەن قاتەلىكتەر مەن كىشى قاتەلىكتەر

ءومىر بولعان سوڭ، قاتەلەسپەيتىن پەندە بولمايدى. بىراق، قانداي قاتەلىكتىڭ بولسا دا: ۇلكەنى جانە كىشىسى بولادى. ۇلكەن قاتەلىكتەرگە: وتانىن ساتۋ، تۋعان ۇلتىن، ءدىنىن، ءتىلىن ساتۋ، ۇلتتىق قۇندىلىقتارىن تابانعا تاپتاۋ سياقتى، ياعني، مەملەكەتىن ساتۋ جاتادى. بۇل قاتەلىكتەر - ەڭ اۋىر قىلمىس جاساعانمەن تەڭ. مۇنداي ۇلكەن قاتەلىكتەردى - ەشقاشان دا كەشىرۋگە جانە ۇمىتۋعا بولمايدى.

ال، كىشى قاتەلىكتەر: جەكە باسى مەن وتباسىنداعى، دوستار، اعايىن-تۋىستار، تانىس پەن بەيتانىستار اراسىنداعى، ەس-اقىلدان ايرىلىپ، كۇيىپ-جانۋ، ءتىپتى، قۇرباندىققا دەيىن بارۋ سياقتى ماحابباتقا، سۇيىسپەنشىلىككە، جاقسى كورۋ مەن جەك كورۋ سياقتى ءارتۇرلى كەلەڭسىز جاعدايلاردان باستاپ، ارى قاراي كەتە بەرەدى. قانشا جەردەن اۋىر بولسا دا، بۇل كىشى قاتەلىكتەردى - تۇزەتۋگە، كەشىرۋگە، ءتىپتى، ۇمىتۋعا بولادى.

جوعارىداعى مەن تىلگە تيەك ەتكەن ۇلكەن قاتەلىكتەرگە – قانداي جاعداي بولسا دا، جول بەرمەۋگە تىرىسۋىمىز كەرەك. ايتپەسە، ءبارى كەش بولادى.

ادامزات تاريحىندا ەڭ ۇلكەن قىلمىس جاساۋمەن پارا-پار ۇلكەن قاتەلىكتەرگە ۇرىنعان جەكە بيلەۋشىلەر، حاندار، پاتشالار، كورولدار، شاحتار، ۇكىمەت باسشىلارى، پرەزيدەنتتەر، موناحتار، كەشەگى ءبىز «كەلمەسكە كەتتى» دەپ جۇرگەن، اتىڭ وشكىر، كومپارتيا، ياعني،سوكپ-نىڭ باس حاتشىلارى،ت.ب. قىلىشىنان قانى تامعان جاۋىزدار كوپ بولعان. ۇلكەن قاتەلىكتەرگە ۇرىنعان، ەشقاشان دا تويىم دەگەندى بىلمەيتىن، بەيبىت حالىقتى قان-قاقساتقان ونداي بيلەۋشىلەردىڭ ءومىرىنىڭ اقىرى – ايانىشتى ءارى ازاپتى ولىممەن اياقتالىپ وتىرعان. جانە دە ولاردىڭ تۇقىم-تۇياعى، ورەن-جاراندارى، بارشا تۋىستارى، قاپتاعان تىلەۋلەستەرى، تاباقتاستارى، جەمتىكتەستەرى دە – سولاردىڭ  كەبىن كيىپ وتىرعان. وعان تولىپ جاتقان مىسالدار كەلتىرۋگە بولار ەدى، بىراق، مەن وسى وي- توپشىلاۋىممەن عانا شەكتەلگىم كەلەدى. ايتپەسە، اڭگىمە تىم ۇزارىپ كەتەدى.

اعايىندار، قايتكەندە دە ۇلكەن قاتەلىكتەرگە جول بەرمەۋگە تىرىسۋىمىز ءارى جول بەرمەۋىمىز كەرەك سياقتى. ۇلكەن قاتەلىكتەردى بولدىرماۋ – جەكە تۇلعالاردان باستاپ، بارشا ادامزات اتاۋلىعا ورتاق - ازاماتتىق پارىز دەر ەدىم. ايتپاقشى، پارىزدى - قارىزعا الۋعا بولمايدى!

باسقاشا ايتقاندا، بارشا ادامزات پارىزعا - قارىز دەر ەدىم...

جۇماش كەنەباي

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600