جۇما, 29 ناۋرىز 2024
بيلىك 3406 3 پىكىر 6 جەلتوقسان, 2019 ساعات 11:37

قازاقستان پرەزيدەنتى مەن گەرمانيا كانتسلەرى باق وكىلدەرى ءۇشىن بىرلەسكەن ءباسپاسوز ءماسليحاتىن وتكىزدى

قازاقستان پرەزيدەنتى گەرمانيا كانتسلەرىنە قوناقجايلىق كورسەتكەنى ءۇشىن ريزاشىلىعىن ءبىلدىرىپ، مەركەل حانىمنىڭ ەكى ەل اراسىنداعى دوستىق بايلانىستاردى نىعايتۋعا قوسقان ۇلەسىن جوعارى باعالايتىنىن ايتتى. مەملەكەت باسشىسى الداعى ۋاقىتتا قازاقستان ءوزىنىڭ سىرتقى ساياساتىنداعى ساباقتاستىقتى ساقتاپ، تۇڭعىش پرەزيدەنت – ەلباسى نۇرسۇلتان نازارباەۆتىڭ باستامالارىن جالعاستىرا بەرەتىنىن اتاپ ءوتتى.

قاسىم-جومارت توقاەۆ پرەزيدەنت رەتىندە ەۋروپا وداعى بويىنشا العاشقى رەسمي ساپارىن گەرمانيادان باستاعانىن ايتىپ، قازاقستان ءۇشىن وسى ەلمەن ىنتىماقتاستىقتى نىعايتۋدىڭ ماڭىزى زور ەكەنىنە توقتالدى. سونداي-اق مەملەكەت باسشىسى بۇل ساپاردىڭ باستى ماقساتى ەكى ەل اراسىنداعى ەكونوميكالىق ىنتىماقتاستىق پەن ساياسي ىقپالداستىققا جاڭا سەرپىن بەرۋ ەكەنىن جەتكىزدى.

– گەرمانيا ەكونوميكالىق الەۋەتى جاعىنان الەمدەگى ءتورتىنشى مەملەكەت بولعانىمەن، بىزگە تىكەلەي ينۆەستيتسيا سالىپ وتىرعان ەلدەردىڭ ىشىندە 12-ورىندا. قازاقستان ءارتۇرلى سالاداعى 700-دەن استام جوبانى جەكەشەلەندىرەتىن بولادى. بۇل نەمىس ينۆەستورلارى مەن كومپانيالارىنا جاقسى مۇمكىندىك تۋعىزادى دەپ سانايمىن. نەعۇرلىم ينۆەستيتسيا كوپ تارتىلسا، سوعۇرلىم ەكى ەل ءۇشىن دە ءتيىمدى بولماق، – دەدى مەملەكەت باسشىسى.

سونىمەن قاتار قاسىم-جومارت توقاەۆ قازاقستاننىڭ گەرمانيا ينۆەستورلارى ءۇشىن ارنايى جەڭىلدىكتەر ۇسىنىپ وتىرعانىن، بۇل ەكى تاراپقا دا وتە ءتيىمدى بولاتىنىن ايتتى.

ءباسپاسوز ءماسليحاتى بارىسىندا جۋرناليستەر گەرمانياعا ەكسپورتتالاتىن تاۋار كولەمىنىڭ سوڭعى 8 ايدا 21,4%، ياعني 2,258 ميلليارد ەۋروعا تومەندەپ كەتكەنىن، ساراپشىلار مۇنىڭ سەبەبىن مۇناي نارىعىنداعى جاعدايمەن بايلانىستىرىپ وتىرعانىن سۇرادى.

– راسىندا، مۇنداي ءۇردىس بار. بۇگىنگى ساپارىمنىڭ باستى ماقساتى – وسى جاعدايدى مەيلىنشە وزگەرتۋ. سوندىقتان كەلىسسوزدەر بارىسىندا كانتسلەر حانىمعا بىرنەشە ناقتى ۇسىنىستارىمدى جەتكىزدىم، – دەپ جاۋاپ بەردى قازاقستان پرەزيدەنتى.

مەملەكەت باسشىسىنا ءدۋالدى ءبىلىم بەرۋ سالاسىنا قاتىستى ەكىجاقتى ىنتىماقتاستىقتىڭ قازىرگى جاعدايى مەن پەرسپەكتيۆاسىنا بايلانىستى دا سۇراق قويىلدى.

– ءدۋالدى ءبىلىم بەرۋ جۇيەسىندە نەمىس تاجىريبەسىن قولدانىپ كەلەمىز. الداعى ۋاقىتتا ءبىلىم بەرۋ سالاسىندا ىنتىماقتاستىقتى جالعاستىرا بەرەمىز، – دەدى پرەزيدەنت.

گەرمانيا فەدەراتيۆتىك رەسپۋبليكاسىنىڭ كانتسلەرى انگەلا مەركەل قازاقستانمەن ارادا بەرىك ىنتىماقتاستىقتىڭ ورناعانىن، ەلباسى نۇرسۇلتان نازارباەۆپەن ءوزارا تۇسىنىستىكتە جۇمىس ىستەگەنىن اتاپ ءوتىپ، قاسىم-جومارت توقاەۆتىڭ ەكى ەل اراسىنداعى ىقپالداستىقتى جاڭا دەڭگەيگە كوتەرەتىنىنە سەنىم ءبىلدىردى، سونداي-اق بۇگىنگى كەلىسسوزدەردىڭ ناتيجەلى وتكەنىن ايتتى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616