جۇما, 29 ناۋرىز 2024
ايماق 5204 4 پىكىر 13 جەلتوقسان, 2019 ساعات 10:55

بايقوڭىرداعى جەردىڭ ءبىراز بولىگى كەرى قايتارىلادى

12 جەلتوقساندا قازاقستان سەناتى رەسەي جالعا العان بايقوڭىرداعى 11,6 مىڭ گەكتار جەردى كەرى قايتاراتىن زاڭ جوباسىن قابىلدادى. قۇجاتقا سايكەس، قازاقستان مەن رەسەي اراسىندا 1994 جىلى 10 جەلتوقساندا قول قويعان بايقوڭىر كەشەنىن جالعا الۋ تۋرالى كەلىسىمگە وزگەرىس ەنگىزىلەدى.

زاڭ جوباسى بارلىق دەڭگەيدە تالقىلانعان، ەندى قازاقستان پرەزيدەنتىنە قول قويۋعا جىبەرىلەدى.

اۋىل شارۋاشىلىعى ءمينيسترىنىڭ ءبىرىنشى ورىنباسارى ايداربەك ساپاروۆتىڭ ايتۋىنشا، ءتورت جەر تەلىمى "ارەندادان" شىعارىلماق. ونىڭ ايتۋىنشا، 1700 گەكتاردان استام ەكى جەر اۋماعى قارماقشى اۋدانى تورەتام اۋىلىن كەڭەيتۋ ءۇشىن پايدالانىلادى. 10 مىڭ گەكتارعا جۋىق جەر "باتىس ەۋروپا - باتىس قىتاي" حالىقارالىق ءدالىزى (4830 شاقىرىم) مەن الماتى - ماسكەۋ تەمىر جولى جانە "بەينەۋ - شىمكەنت" (5120 شاقىرىم) گاز قۇبىرى جوباسى ءۇشىن پايدالانىلماق.

ايداربەك ساپاروۆتىڭ سوزىنە قاراعاندا، رەسەيگە جالپى 650 مىڭ گەكتار جەر جالعا بەرىلگەن. 12 مىڭ گەكتار جەر جالدان شىعارىلسا دا، جالعا الۋ قۇنى - 118 ميلليون دوللار وزگەرمەيدى.

رەسەي قازاقستانعا تيەسىلى بايقوڭىردى 1994 جىلدان باستاپ، 2050 جىلعا دەيىن جالعا العان. بايقوڭىر قالاسىندا 77 مىڭنان استام ادام تۇرادى. جەرگىلىكتى باق-تىڭ جازۋىنشا، 60 پايىزى - قازاقستان ازاماتى، شامامەن 37 پايىزى - رەسەي ازاماتى. بايقوڭىر قالاسى باسشىسى رەسەي جانە قازاقستان پرەزيدەنتتەرىنىڭ جارلىعىمەن تاعايىندالادى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610