جۇما, 29 ناۋرىز 2024
3311 1 پىكىر 10 قاڭتار, 2020 ساعات 13:20

بالالارعا تەگىن بەرىلەتىن ءدارى-دارمەكتەر سانى ارتتى

192 اتاۋ 18 جاسقا دەيىنگى بالالاردى امبۋلاتوريالىق دەڭگەيدە تەگىن ءدارى-دارمەكپەن قامتاماسىز ەتۋ تىزبەسىنە ەنگىزىلدى. ونىڭ 157 اتاۋى ساتىپ الىندى جانە جونەلتۋگە دايىن. بۇل تۋرالى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ بازاسىندا وتكەن بريفينگ بارىسىندا قر دسم ءدارى-دارمەكپەن قامتاماسىز ەتۋ جانە ستاندارتتاۋ دەپارتامەنتى ديرەكتورىنىڭ مىندەتىن اتقارۋشى الەكساندر كوستيۋك جانە «سق-فارماتسيا» جشس باسقارماسى توراعاسىنىڭ مىندەتىن اتقارۋشى بەرىك ءشارىپ مالىمدەدى. 

الەكساندر كوستيۋكتىڭ ايتۋىنشا، ءمامس جۇيەسىن ەنگىزۋ كەزىندە تەگىن ءدارى-دارمەكتەر تىزبەسىن كەڭەيتۋ تۋرالى قر دسم-ءنىڭ بۇيرىعى قازىرگى ۋاقىتتا قر ءام-دە تىركەلۋدە. 

بارلىعى مىندەتتى الەۋمەتتىك مەديتسينالىق ساقتاندىرۋ جۇيەسى شەڭبەرىندە ءمامس جۇيەسىنە قاتىسۋشى پاتسيەنتتەر 62 اۋرۋ بويىنشا تەگىن قامتاماسىز ەتىلەتىن بولادى. 

«سونىمەن قاتار پاتسيەنتتەردى ينفەكتسيالىق، پروتوزويدى، پارازيتتىك اۋرۋلار، گەلمينتوزدار، گريبوكتى ينفەكتسيالار، اس قورىتۋ، قان، اعزالاردىڭ اۋرۋلارى جانە يممۋندىق مەحانيزمدى تارتاتىن جەكەلەگەن بۇزىلۋلار، جۇيكە جۇيەسى، كورۋ، ەستۋ جانە تىنىس الۋ اعزالارىنىڭ، تەرى جانە تەرى استى كلەتچاتكاسى، نەسەپ-جىنىس جۇيەسى، سۇيەك-بۇلشىق ەت جۇيەسى جانە دانەكەر تىندەردىڭ اۋرۋلارى، سونداي-اق جۇرەك-قان تامىرى اۋرۋلارى كەزىندە تەگىن ءدارى-دارمەكپەن قامتاماسىز ەتۋ جوسپارلانۋدا»، - دەپ اتاپ ءوتتى الەكساندر كوستيۋك. 

بۇل ءۇشىن قر دسم بۇيرىعىمەن بەكىتىلەتىن ءدارى-دارمەكپەن قامتاماسىز ەتۋگە ارنالعان پرەپاراتتار ءتىزىمى ءمامس جۇيەسى شەڭبەرىندە بىرىڭعاي ديستريبۋتسيا جۇيەسى ارقىلى ساتىپ الىناتىن 225 اتاۋعا كەڭەيتىلەتىن بولادى. ولاردىڭ 161 اتاۋى ەرەسەك پاتسيەنتتەردى ەمدەۋگە ارنالعان، 192 اتاۋى – بالالارعا ارنالعان. 

بىرىڭعاي ديستريبيۋتوردىڭ باسشىسى بەرىك ءشارىپتىڭ ايتۋىنشا، 157 جاڭا اتاۋ، ونىڭ ىشىندە اناعۇرلىم ءجيى قولدانىلاتىن قىزۋدى تۇسىرەتىن جانە قابىنۋعا قارسى قۇرالدار سياقتى ءدارى-دارمەكتەر، سونداي-اق انتيبيوتيكتەر قازىرگى ۋاقىتتا ساتىپ الىنعان. «پرەپاراتتار بىرىڭعاي ديستريبيۋتوردىڭ قويمالارىنا كەلىپ ءتۇستى، جونەلتىلۋگە دايىن. بىرىڭعاي ديستريبيۋتور تىزىمىندە ەنگىزىلگەن وزگەرىستەر كۇشىنە ەنگەننەن كەيىن تاعى دا 82 پوزيتسيا ساتىپ الىنادى»، - دەپ اتاپ ءوتتى بەرىك ءشارىپ.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616