بەيسەنبى, 20 اقپان 2020
وزگەلەر 1052 22 پىكىر 11 قاڭتار, 2020 ساعات 15:15

يران ۋكراينالىق ۇشاقتى بايقاۋسىزدا اتىپ قۇلاتقان

يران بيلىگى ۋكراينالىق ۇشاقتى بايقاۋسىزدا اتىپ قۇلاتقانىن مويىندادى. بۇل تۋرالى يران قورعانىس كۇشتەرى باس شتابى مالىمدەدى.

"حالىقارالىق ۋكراينا اۋە جولدارى" اۋەكومپانياسىنىڭ Boeing 737 جولاۋشىلار ۇشاعىنىڭ تەگەران ماڭىندا اپاتقا ۇشىراۋىنا "ادامنىڭ قاتەلىگى" سەبەپ بولعان.

IRIB مەملەكەتتىك تەلەراديوكومپانياسى تاراتقان رەسمي اقپاراتتا، "ادامنىڭ قاتەلىگى سالدارىنان جانە ۇشاقتى بايقاۋسىزدا قۇلاتتى", دەلىنگەن.

ەستەرىڭىزگە سالا كەتەيىك، 8 قاڭتاردا تەگەران اۋەجايىنا جاقىن ماڭدا ۋكراينالىق ۇشاق اپاتقا ۇشىراپ، ەكيپاج مۇشەلەرى مەن جولاۋشىلار تۇگەل قازا تاپتى. رەسمي مالىمەتتەر بويىنشا ۇشاقتا 167 جولاۋشى مەن ەكيپاجدىڭ توعىز مۇشەسى بولعان. ولار اۋعانستان، گەرمانيا، يران، كانادا، ۋكراينا، ۇلىبريتانيا جانە شۆەتسيا ازاماتتارى بولعان.

وسىعان دەيىن، باتىس ەلدەرىنىڭ كوشباسشىلارى ۇشاقتىڭ اپاتقا ۇشىراۋى زىمىران سوققىسىنا بايلانىستى بولۋى مۇمكىن ەكەنىن ايتتى. بۇل تۋرالى ۋكراينا پرەزيدەنتى ۆلاديمير زەلەنسكي دە مالىمدەگەن. ال يران ۇكىمەتى مۇنى جوققا شىعارعان. كەشە New York Times گازەتى Boeing ۇشاعىنا زىمىراننىڭ ءدوپ تيۋ ءساتى كورەستىلگەن ۆيدەونى جاريالادى.

Abai.kz

22 پىكىر