جۇما, 29 ناۋرىز 2024
تاعايىنداۋ 2880 7 پىكىر 21 قاڭتار, 2020 ساعات 10:52

پاۆلودار وبلىسىنىڭ جاڭا اكىمى تاعايىندالدى

ابىلقايىر سقاقوۆ

ابىلقايىر سقاقوۆ پاۆلودار وبلىسىنىڭ اكىمى بولىپ تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى.

- ابىلقايىر باقتىبايۇلى سقاقوۆ پاۆلودار وبلىسىنىڭ اكىمى قىزمەتىنە تاعايىندالسىن، - دەپ جازدى اقوردانىڭ رەسمي سايتى.

بۇعان دەيىن اتالعان وبلىستى باسقارىپ كەلگەن بولات باقاۋوۆ مەملەكەت باسشىسىنىڭ جارلىعىمەن قىزمەتىنەن بوساتىلدى.

قر ۇلتتىق قاۋىپسىزدىك كوميتەتى ب. باقاۋوۆقا قاتىستى لاۋازىمدىق وكىلەتتىگىن اسىرا پايدالانۋ فاكتىسى بويىنشا قىلمىستىق ءىس قوزعاعان بولاتىن. كەيىن، پاۆلوداردىڭ مامانداندىرىلعان تەرگەۋ سوتى ونى ەكى ايعا قاماۋعا الۋ تۋرالى بۇلتارتپاۋ شاراسىن سانكتسيالادى.

قر پرەزيدەنتى پاۆلودار وبلىسىنىڭ اكىمى بولات باقاۋوۆتى قىزمەتىنەن بوساتتى

ب. باقاۋوۆ

ال وبلىستىڭ جاڭا باسشىسىن بۇگىن تاڭەرتەڭ قر پرەمەر-ءمينيسترى اسقار مامين تانىستىردى.

ابىلقايىر سقاقوۆ 1974 جىلى پاۆلودار وبلىسىندا تۋعان.

اقمولا قارجى-ەكونوميكالىق تەحنيكۋمىن (سالىق بويىنشا قارجىگەر، 1995 جىل);
شاكارىم اتىنداعى سەمەي مەملەكەتتىك ۋنيۆەرسيتەتىن (ەكونوميست جانە قارجىگەر، 2000 جىل);
قازاق قۇقىقتانۋ جانە حالىقارالىق قاتىناستار ينستيتۋتىن (باكالاۆر-زاڭگەر، 2004 جىل);
م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن («Master of Business Administration» ىسكەرلىك اكىمشىلىك شەبەرىنىڭ دارەجەسى،2017 جىل) اياقتاعان.

ەڭبەك ءوتىلى:

- 1995 جىلدان 2005 جىلعا دەيىن - پاۆلودار وبلىسى بويىنشا سالىق ينسپەكتسياسىنىڭ مامانى، سالىق ينسپەكتورى، اعا سالىق ينسپەكتورى، ءبولىم باستىعى، پاۆلودار قالاسى بويىنشا سالىق كوميتەتى توراعاسىنىڭ ورىنباسارى;
- 2005-2006 جىلدارى - پاۆلودار وبلىسى قاشىر اۋدانى بويىنشا سالىق كوميتەتىنىڭ توراعاسى;
- 2006-2008 جىلدارى - پاۆلودار وبلىسى دەنساۋلىق ساقتاۋ دەپارتامەنتى ديرەكتورىنىڭ ورىنباسارى (ەكونوميكا جانە قارجى بويىنشا);
- 2008-2010 جىلدارى - پاۆلودار وبلىسى بويىنشا سالىق دەپارتامەنتىنىڭ پاۆلودار قالاسى بويىنشا سالىق باسقارماسىنىڭ باستىعى;
- 2010-2012 جىلدارى - قوستاناي وبلىسى بويىنشا سالىق دەپارتامەنتىنىڭ باستىعى:
- 2012-2014 جىلدارى - قازاقستان رەسپۋبليكاسى قارجى مينيسترلىگىنىڭ سالىق كوميتەتى توراعاسىنىڭ ورىنباسارى;
- 2014 جىلدان 2016 جىلعا دەيىن - استانا قالاسى بويىنشا مەملەكەتتىك كىرىستەر دەپارتامەنتىنىڭ باسشىسى;
- 2016 جىلعى 1 جەلتوقساننان – 2019 جىلدىڭ ساۋىرىنە دەيىن – قورعانىس ءمينيسترىنىڭ ورىنباسارى (ەكونوميكا جانە قارجى بويىنشا).
- 2019 جىلدىڭ ساۋىرىنەن سوڭعى تاعايىنداۋعا دەيىن قر قارجى مينيسترلىگى قارجى مونيتورينگى كوميتەتىنىڭ توراعاسى.

مەملەكەتتىك جانە ۆەدومستۆولىق ناگرادالارى:

«قازاقستان رەسپۋبليكاسىنىڭ تاۋەلسىزدىگىنە 20 جىل» (2011),
«ەرەڭ ەڭبەگى ءۇشىن» (2014);
سالىق قىزمەتىنىڭ ۇزدىگى (2011),
قارجى قىزمەتىنىڭ ۇزدىگى (2012),
مەملەكەتتىك قىزمەت ۇزدىگى (2014).

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565