جۇما, 29 ناۋرىز 2024
3132 6 پىكىر 12 اقپان, 2020 ساعات 15:21

پروكۋراتۋرانىڭ ۇندەۋى

قازاقستان رەسپۋبليكاسى باس پروكۋرورىنىڭ ورىنباسارى ب. ب. دەمباەۆتىڭ «پروكۋراتۋرا تۋرالى» زاڭنىڭ 31-بابى تارتىبىندە ۇندەۋى

قۇرمەتتى ازاماتتار!

2020 جىلعى 7 اقپاندا جامبىل وبلىسىنىڭ قورداي اۋدانىندا جاپپاي توبەلەس ورىن العان.

بۇگىنگە بىرقاتار قىلمىستىق ىستەر تەرگەلۋدە، ولاردىڭ بارىسىندا بارلىق كىنالىلەردى انىقتاپ، زاڭمەن بەلگىلەنگەن جاۋاپتىلىققا تارتۋ ءۇشىن شارالار قامتاماسىز ەتىلەتىن بولادى.

دەگەنمەن، جەكەلەگەن تۇلعالار بولعان وقيعالاردى بۇرمالاي وتىرىپ، ۇلتتىق نەگىزدەگى قۇقىققا قارسى ارەكەتتەرگە شاقىرۋ ارقىلى كورىنەۋ جالعان اقپاراتتى قاساقانا تاراتۋدا.

الەۋمەتتىك جەلىلەر مەن مەسسەندجەرلەردە بەينە- جانە اۋديوماتەريالداردى ورنالاستىرۋدىڭ جاڭا فاكتىلەرى، سونىڭ ىشىندە قورداي اۋدانىنداعى وقيعالارعا بايلانىستى ەمەس جانە ءوڭىر مەن ەلدەگى ۇلتارالىق تۇراقتىلىققا قاۋىپ توندىرەتىندەر جۇيەلى تۇردە تىركەلۋدە.

قۇقىق قورعاۋ ورگاندارى وسىنداي ارانداتۋشىلىق جاريالانىمداردىڭ اۆتورلارىنىڭ جەكە باسىن انىقتادى، ولار قىلمىستىق جاۋاپكەرشىلىككە تارتىلۋدا.

الماتى قالاسىندا 1990 جانە 1987 جىلدارى تۋىلعان ەكى ازامات «Facebook» الەۋمەتتىك جەلىسىندە زورلىق-زومبىلىق جاساۋعا شاقىرعان.

2020 جىلدىڭ 9 اقپانىندا تاراز قالاسىنىڭ 1983 جىلى تۋىلعان تۇرعىنى «WhatsApp» مەسسەندجەرى ارقىلى وسى تەكتەس شاقىرۋلار تاراتقان.

ولارعا قاتىستى قىلمىستىق كودەكستىڭ 272-بابىنىڭ 3-بولىگى (ازاماتتاردى زورلىق-زومبىلىققا شاقىرۋ) بويىنشا سوتقا دەيىنگى تەرگەپ-تەكسەرۋ باستالدى.

زاڭدىلىقتى، قوعامدىق قاۋىپسىزدىكتى قامتاماسىز ەتۋ جانە قۇقىق بۇزۋشىلىقتاردىڭ الدىن الۋ ماقساتىندا ەلىمىزدىڭ بارلىق تۇرعىندارىنان مەنىڭ ۇندەۋىمە كوڭىل اۋدارۋدى سۇرايمىن!

قازاقستان رەسپۋبليكاسى كونستيتۋتسياسىنىڭ 39-بابى ۇلتارالىق كەلىسىمدى بۇزاتىن كەز كەلگەن ءىس-ارەكەتتەرگە تىيىم سالادى.

وسى تالاپتى بۇزۋ ۇلتتىق ارازدىقتى جانە الاۋىزدىقتى قوزدىرۋ جونىندەگى قاساقانا ءىس-ارەكەتتەر (قك-ءتىڭ 174-بابى), جاپپاي تارتiپسiزدiككە نە ازاماتتارعا زورلىق-زومبىلىق جاساۋعا شاقىرۋ (قك-ءتىڭ 272-بابى) جانە كورىنەۋ جالعان اقپارات تاراتۋ (قك-ءتىڭ 274-بابى) قىلمىستىق جاۋاپتىلىققا اكەپ سوعادى.

وسىعان بايلانىستى ازاماتتاردى شىندىققا سايكەس كەلمەيتىن مالىمەتتەردى تاراتپاۋعا جانە ارانداتۋشىلىققا بەرىلمەۋگە شاقىرامىن.

جامبىل وبلىسىنىڭ قورداي اۋدانىنداعى وقيعالار بويىنشا تەرگەۋ بارىسى مەن ناتيجەلەرى تۋرالى شىنايى اقپارات بۇقارالىق اقپارات قۇرالدارىندا، ىشكى ىستەر جانە پروكۋراتۋرا ورگاندارىنىڭ رەسمي ينتەرنەت-رەسۋرستارىندا ورنالاستىرىلۋدا، قوعامعا بريفينگتەردە جەتكىزىلۋدە.

قۇقىق قورعاۋ ورگاندارى كەز كەلگەن قۇقىق بۇزۋشىلىقتاردىڭ جولىن كەسەدى جانە ولاردى بولدىرماۋ جونىندە زاڭدا كوزدەلگەن شارالاردى قابىلدايدى.

 

قازاقستان رەسپۋبليكاسى باس پروكۋرورىنىڭ ورىنباسارى ب. دەمباەۆ

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600