بەيسەنبى, 28 ناۋرىز 2024
جاڭالىقتار 2559 0 پىكىر 13 اقپان, 2020 ساعات 20:57

قىزىلوردا وبلىسىندا اۋىلشارۋاشىلىعى ءونىمىنىڭ ەكسپورت كولەمى ءوستى

بۇل تۋرالى ايماق باسشىسى ق.ىسقاقوۆ بۇگىنگى وبلىستىق قوعامدىق كەڭەس الدىندا وتكەن جىلدىڭ قورىتىندىسى بويىنشا ەسەبىندە اتاپ ءوتتى.

كوزدەلگەن مەجە ورىندالىپ، 2019 جىل قىزىلوردا وبلىسى ءۇشىن جەمىستى  اياقتالدى دەسە بولادى. بۇعان سەبەپ، وتكەن جىلدىڭ سالالىق كورسەتكىشتەرى.

اتاپ ايتساق، 2019 جىلدىڭ قورىتىندىسىمەن اۋىل شارۋاشىلىعى ءونىمىنىڭ ەكسپورت كولەمى 7% ءوسىپ وتىر، بۇل رەتتە وڭدەلگەن ءونىم ۇلەسى ەكسپورتتىڭ 90-نان اسا پايىزىن قۇراۋدا. سونىمەن قاتار، ەكسپورتتالاتىن ءونىم تۇرلەرىنىڭ تىزبەسىنىڭ سوڭعى جىلدارى 3-تەن 19 تۇرگە دەيىن كوبەيدى. بۇگىنگى تاڭدا اگروونەركاسىپتىك كەشەن ءونىمى الەمنىڭ 19 ەلىنە جىبەرىلۋدە.

مۇنان بولەك، قىزىلوردا وبلىسىنىڭ دامۋ ماسەلەسى قاۋىپسىزدىك كەڭەسىندە ارنايى قارالدى.

ناتيجەسىندە، قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن 2019-2022 جىلدارعا ارنالعان وبلىستىڭ الەۋمەتتىك-ەكونوميكالىق دامۋىنىڭ كەشەندى جوسپارى قابىلداندى. كەشەندى جوسپار 12 بولىمنەن، 119 ءىس-شارادان تۇرادى.

كەزدەسۋدە ايماق باسشىسى الداعى ۋاقىتتاعى جوسپارلارعا دا توقتالدى.

 «وسى جىلدىڭ كوكتەمىندە اس تۇزىن وڭدەۋ جانە يودتاۋ زاۋىتىن ىسكە قوسامىز. سونىمەن قاتار، 2020 جىلى جىلىنا 4 مىڭ توننا بالىق وڭدەيتىن تسەحتى قۋاتى 1500 توننا قۇس ەتىن وندىرەتىن قۇس فابريكاسىن ىسكە قوسۋ، ءىرى قارا مال وسىرەتىن كەشەندى 600 باستان 1200 باسقا كەڭەيتۋ جوباسىن اياقتاۋ جانە كۆارتس قۇمىن بايىتۋ بويىنشا كەن-بايىتۋ كومبيناتىنىڭ 1-ءشى جەلىسىن ىسكە قوسۋ جوسپارلانۋدا»، - دەدى وبلىس اكىمى ق.ىسقاقوۆ.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531