جۇما, 29 ناۋرىز 2024
2989 4 پىكىر 13 اقپان, 2020 ساعات 21:01

وبلىس اكىمى قوعامدىق كەڭەس الدىندا ەسەپ بەردى

بۇگىن ايماق باسشىسى  ق.ىسقاقوۆ وبلىستىق قوعامدىق كەڭەس مۇشەلەرىمەن كەزدەستى. كەزدەسۋدە قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن 2019-2022 جىلدارعا ارنالعان وبلىستىڭ الەۋمەتتىك-ەكونوميكالىق دامۋىنىڭ كەشەندى جوسپارى تۋرالى ايتىپ، وڭدەۋ ونەركاسىبى، اگروونەركاسىپتىك كەشەن مەن تۇرعىن ءۇي قۇرىلىسى باعىتىنداعى اتقارىلعان جۇمىستارعا توقتالدى.

جىل قورىتىندىسىمەن، جالپى ەكونوميكالىق دامۋدىڭ 7 كورسەتكىشى بويىنشا قىزىلوردا وبلىسى ۇزدىك 8 وبلىستىڭ قاتارىندا.

ايماق باسشىسىن قوعامدىق كەڭەس مۇشەلەرىمەن كەزدەسۋدە 2019 جىلى وبلىس ەكونوميكاسىنا 400 ملرد.تەڭگەدەن استام ينۆەستيتسيا سالىنعاندىعىن ايتتى. بۇل 2018 جىلعا قاراعاندا 17,4 پايىزعا ارتىق. قىزىلوردا وبلىسى ينۆەستيتسيالار ءوسىمىنىڭ قارقىنى بويىنشا جوعارى ءوسۋ ديناميكاسى بار ۇزدىك 4 ءوڭىردىڭ قاتارىندا. 2019 جىلى ءوڭىردىڭ الەۋمەتتىك-ەكونوميكالىق دامۋ قارقىنىن سيپاتتايتىن بارلىق نەگىزگى كورسەتكىشتەرى بويىنشا وڭ ناتيجەلەرگە يە بولدى. اتاپ ايتقاندا، 25 الەۋمەتتىك نىساننىڭ قۇرىلىسى، ونىڭ 12-ءسىنىڭ قۇرىلىسى وتكەن جىلى اياقتالسا، قالعان 13-ءى بيىل ىسكە اسادى دەپ جوسپارلانۋدا.

وبلىس اكىمى ق.ىسقاقوۆ قوعامدىق كەڭەس مۇشەلەرىنە ەسەپ بەرۋ بارىسىندا مۇناي وندىرۋدەگى شىعىن سالدارىن جويۋ ماقساتىندا شيكىزاتتىق ەمەس سەكتوردى اسىرەسە ەكسپورتقا باعىتتالعان وندىرىستەردى دامىتۋعا باسا نازار اۋدارۋدامىز دەپ ايتتى.

"وسى جىلدىڭ كوكتەمىندە اس تۇزىن وڭدەۋ جانە يودتاۋ زاۋىتىن ىسكە قوسامىز. 2020 جىلى جىلىنا 4 مىڭ توننا بالىق وڭدەيتىن تسەحتى، قۋاتى 1500 توننا قۇس ەتىن وندىرەتىن قۇس فابريكاسىن، ءىرى قارا مال وسىرەتىن كەشەندى اياقتاۋ جوسپارلانۋدا. سونىمەن قاتار،  تۇيە سۇتىنەن قۇرعاق ءسۇت شىعاراتىن ءوندىرىسى مەن شىنى پلاستيكالىق جەلىلىك جانە جوعارى قىسىمداعى سورعى-كومپرەسسورلىق ترۋبالار وندىرىستەرىنىڭ قۇرىلىسى باستالماق. شەتەلدى قوسا العاندا، ونىمگە سۇرانىستىڭ ءوسۋىن ەسكەرە وتىرىپ، ارال قالاسىندا اس تۇزىن شىعاراتىن قۋاتى 120 مىڭ توننا ءۇشىنشى يسپان تسەحىنىڭ جانە دە ەلىمىزدەگى العاشقى كالتسيلەندىرىلگەن سودا شىعاراتىن زاۋىت مينيسترلىكتىڭ رۇقساتىمەن قۇرىلىسى باستالادى" ،- دەدى وبلىس اكىمى ق.ىسقاقوۆ

وڭىردە اگروونەركاسىپتىك كەشەن ءونىمى الەمنىڭ 19 ەلىنە جىبەرىلۋدە. ال، ەكسپورتتالاتىن ءونىم تىزبەسى سوڭعى جىلدارى 3-تەن 19 تۇرگە دەيىن كوبەيگەن. 2019 جىلدىڭ قورىتىندىسىمەن اۋىل شارۋاشىلىعى ءونىمىنىڭ ەكسپورت كولەمى 7%  وسكەن. وڭدەلگەن ءونىم ۇلەسى ەكسپورتتىڭ 90-نان اسا پايىزىن قۇراۋدا.

وتكەن جىلى وبلىستا 760 مىڭ شارشى مەتر تۇرعىن ءۇي پايدالانۋعا بەرىلدى.قىزىلوردا قالاسىنداعى سىرداريا وزەنىنىڭ سول جاعالاۋىن يگەرۋ ءالى دە جالعاسۋدا. بۇگىنگى كۇنى 2234 پاتەرلى 48 كوپقاباتتى تۇرعىن ءۇيدىڭ قۇرىلىسى اياقتالدى. ونىڭ ىشىندە 18 ءۇي (784 پاتەر)جەكە ينۆەستورلار ەسەبىنەن پايدالانۋعا بەرىلدى.

ايماق باسشىسى تۇرعىن ءۇي كەزەگىندە تۇرعاندار سانى كوپ ەكەنىن ايتتى. قازىرگى تاڭدا، قىزىلوردا وبلىسى بويىنشا تۇرعىن ۇيگە مۇقتاج 30118 ازامات (قىزىلوردا قالاسى بويىنشا – 25395 ازامات) تۇرعىن ءۇي الۋ كەزەكتىلىگىنە تىركەلگەن. سوندىقتان وسى ماسەلەنى شەشۋ باعىتىندا قارقىندى جۇمىستى جالعاستىرىلاتىنىن ايتتى.

كەزدەسۋ بارىسىندا ءوڭىر باسشىسى "بايقوڭىر" ەركىن ەكونوميكالىق ايماعىن قۇرۋ، "قورقىت اتا" اۋەجايىندا حالىقارالىق تالاپتارعا ساي جولاۋشىلار تەرمينالىن سالۋ،  2019-2021 جىلدارعا ارنالعان وڭىرلىك الەۋمەتتىك جول كارتاسى ماسەلەلەرىنە دە توقتالدى.

قوعامدىق كەڭەس مۇشەلەرى دە ويلارىن ورتاعا سالىپ، ۇسىنىستارىن جەتكىزدى. ايماق باسشىسىنىڭ اتقارىپ جاتقان جۇمىستارىنا وڭ باعالارىن بەرىپ، ءوڭىردىڭ دامۋى ءۇشىن بىرلەسىپ جۇمىس ىستەۋگە اتسالىساتىندىقتارىن ءبىلدىردى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592