Global Fire Power يندەكسىندە قازاقستان بيىل 63 ورىنعا ءتۇسىپتى. بىلتىر 54 ورىندا بولاتىن. جالپى ءبىز ۇنەمى 53-55 ورىنلداردا ءجۇرۋشى ەدىك. بيىل كادىمگىدەي بىرنەشە ساتىعا تومەندەپپىز. ال العاشقى وندىقتان تۇسپەيتىن تۇركيا مەن گەرمانيا "مىقتىلار" قاتارىنا كىرمەي قالىپتى. تۇركيا 11, گەرمانيا 13 ورىنعا سىرعىپتى. وندىققا مىسىر مەن برازيليا كىرىپتى. ال وزبەكستان 52 ورىندا تۇر ەكەن. جىلىنا كەمى ەكى رەت جاسالاتىن وسى رەيتينگتە 2019 جىلدىڭ باسىندا وزبەكستان 48 ورىندا ەدى. بيىل ءبىراز پوزيتسيا جوعالتقانى بايقالادى.

ال ءبىزدىڭ الدىمىزدى سيريا، انگولا، ەفيوپيا قاتارلى ونشاقتى مەملەكەت وراپ كەتىپتى. بيىل 50 فاكتوردى ەسەپكە الا وتىرىپ جاسالعان رەيتينگتە ادەتتەگىدەي جەر كولەمى، قارۋلى كۇشتەردىڭ جەكە قۇرامى، رەزەرۆ، تەمىر جول جەلىلەرى، پورتتار، اۋەجايلار، قورعانىس بيۋدجەتى، سىرتقى قارىز، التىن-ۆاليۋتا رەزەرۆى سياقتى ءتۇرلى دەرەكتەر ەسكەرىلسە كەرەك. وسى يندەكستە قازاقستاننىڭ سىرتقى قارىزى 167 ملرد 500 ملن دوللار دەپ كورسەتىلىپتى. ال قورعانىس بيۋدجەتىمىزدى 4 ملرد دوللار دەپ باعالاپتى. شاماسى سوڭعىسىنا ارميانىڭ عانا ەمەس، اسكەري ونەركاسىپتىڭ، ىشكى ىستەر ورگاندارى مەن ۇقك بيۋدجەتى قوسا ەسەپتەلگەن شىعار. ءارى ءۇش جىلدىق بيۋدجەتتى ەسەپتەۋى مۇمكىن. ايتپەسە ءبىزدىڭ ەلدىڭ 2020 جىلعا ارنالعان قورعانىس بيۋدجەتى ءىىم مەن ۇقك-نىڭ بىرىككەن بيۋدجەتىنە جەتپەيدى. ال ءىىم دە 33 مىڭ رەسپۋبليكالىق ۇلان ساربازى مەن 115-120 مىڭعا جۋىق پوليتسيا، قىلمىستىق اتقارۋ جۇيەسى قىزمەتكەرلەرى بار. ۇقك قۇرامىندا شەكارا اسكەرى بار. ولاردىڭ ناقتى سانىن بىلمەيمىن.

بىراق ءوز باسىم شامامەن 15-20 مىڭ بولۋى مۇمكىن دەپ باعالايمىن. سوندا قورعانىس مينيسترلىگىندە شامامەن 75-80 مىڭنىڭ ار جاق، بەر جاعىندا جاۋىنگەرىمىز بار دەگەن ءسوز.

ال Global Fire Power جالپى اسكەرىمىزدىڭ سانىن 132 مىڭ دەپ كورسەتىپتى. ال ءبىراز جۇرت جۋىردا قورعانىس مينيسترلىگىنە ءۇش جىلدا بولىنەتىن بيۋدجەتتى كوپ دەپ شۋىلداپ ەدى.

ء"وز اسكەرىڭنەن اياساڭ، وزگەنىڭ ساربازىن اسىرايسىڭ" دەگەندى كىم ايتىپ ەدى وسى؟