بەيسەنبى, 28 ناۋرىز 2024
46 - ءسوز 3198 1 پىكىر 24 ناۋرىز, 2020 ساعات 13:27

ىندەت قىلجاقتىق پەن قىڭىرلىقتى كەشىرمەيدى

بۇل يتاليا. ادامدار سۋپەرماركەتكە كەزەكتە تۇر. بۇل سۋرەتتە تەك ۆيرۋستان ساقتانۋ عانا ەمەس، سونىمەن بىرگە جاۋاپكەرشىلىك، سانالىلىق پەن ءتارتىپ دەگەن ۇعىمداردى انىق كورۋگە بولادى.

ءبىر-بىرىنە 3 مەتر قاشىقتىقتا تۇرۋ ارقىلى ۆيرۋس جۇقتىرۋدى ازايتادى. ياعني ۆيرۋس جۇقتىرماسا، وندا ول وتباسىنا، دوستارىنا، تۋىستارىنا دا جۇقتىرمايدى دەگەن ءسوز. بۇل جاقىندارىنا دەگەن سۇيىسپەنشىلىك دەپ اتالادى.

بۇل تارتىپكە باعىنۋ. تارتىپكە قانشالىقتى تەز باعىنىپ، قانشالىقتى تەز شارا قابىلداسا، سونشالىقتى تەز بۇل ىندەتتى اۋىزدىقتايدى. دەمەك ءار ادامنىڭ ارەكەتى ماڭىزدى جانە ءار ادام بۇل ىندەتتى جەڭۋدەگى پازلدىڭ ءبىر بولشەگى. سونى ۇعىنعان. ساناسىمەن تۇسىنگەن.

ءبىزدىڭ قوعامعا وسى قاسيەتتەر جەتپەي تۇر. جاۋاپكەرشىلىك، ءتارتىپ پەن سانالىلىق جاعىن ايتامىن. "ۇيدە وتىرىپ ءىش پىستى، دوستارىما بارىپ كەلەيىن" دەگەن ءسوز، پاندەميا ساتىدە سانالى ادامنىڭ ءسوزى ەمەس. "ۆيرۋس دەگەن جوق، تۇركياداعى تانىستارىم، ەگيپەتتەگى دوستارىم ايتتى. كەشە عانا شەتەلدەن كەلدىم، ماسكا تاعىپ جۇرگەن ادام جوق" دەگەن ءسوز ءhomosapiensتىڭ اۋزىنان شىعۋى مۇمكىن بە؟! مەنىڭ ويىمشا جوق. "وي، قۇداي ساقتاسىن", "باسقا سالعاندى كورەمىز" دەپ جۇرە بەرۋ، بلوكپوستتاردى بۇزىپ وتۋگە تىرىسۋ، كارانتيننەن قاشۋ ءححى عاسىردىڭ ادامىنا ءتان ارەكەتتەر ەمەس سياقتى كورىنەدى.

ۇيدە وتىرۋ قيىن با؟ بار بولعانى ۇيدە وتىرۋ. قاۋىرت شارۋا، كۇردەلى جۇمىس كۇتىپ تۇرماسا، دالاعا شىعا بەرۋدىڭ قاجەتى جوق. تازا اۋا جۇتۋ ءۇشىن ادام از ۋاقىتتا كۇنىنە ءبىر ءسات ءبىر ساعات دالادا سەرۋەندە. ءبىر اي. بار بولعانى ءبىر عانا اي. سوسىن بۇرىنعى ءومىر ريتمىنە قايتىپ ورالامىز. كارانتين ەرەجەسىن ساقتاساق، كارانتين تەز بىتەدى، ويتكەنى ۆيرۋس تەز اۋىزدىقتالادى. وسىنى ءتۇسىنۋ قيىن ەمەس قوي.

يتاليانىڭ كەبىن كيمەۋ ءۇشىن، بۇگىنگى ءجۇرىس-تۇرىسىمىزدى جوندەيىك. ءبارىمىز. ءسىز، مەن، ول. ىندەت قىلجاقتىق پەن قىڭىرلىقتى، قاتەلىكتى كەشىرمەيدى. ءبىزدىڭ بۇگىنگى ارەكەتىمىز - وتباسىمىز بەن جاقىندارىمىزدىڭ اماندىعىنىڭ ءبىر كەپىلى ەكەنىن ۇعىنايىق. قوعام، وتباسى، مەملەكەت، ۇلت الدىنداعى جاۋاپكەرشىلىكتى سەزىنەيىك.

اسحات قاسەنعاليدىڭ الەۋمەتتىك جەلىدەگى جازباسى

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525