بەيسەنبى, 28 ناۋرىز 2024
جاڭالىقتار 3994 0 پىكىر 27 قىركۇيەك, 2012 ساعات 06:22

اۋىت مۇقيبەك. تاريحتا قالۋدىڭ تاعى ءبىر ولشەمى – كوشى-قون

ۇكىمەت باسشىسى س.ن. احمەتوۆ مىرزانىڭ نازارىنا!

مەملەكەت باسقاراسىڭ با، ۇكىمەتكە جەتەكشىلىك ەتەسىڭ بە، ءبارى ءبىر، سول ەلدىڭ تاريحىنا سەنىڭ اتىڭ ايشىقتالىپ جازىلادى. تاقتان تۇسكەن كۇنى الاتىن باعاڭ ەكەۋ عانا - جاقسى نە جامان. باسقا اتاق جوق. ورتا، ورتاشا، ءبىرشاما جاقسى، قاناعاتتاندىرارلىق... دەگەندەردىڭ ءبارى كوڭىل جىقپاس، كويلەك جىرتپاس قۇرعاق جاقاۋراتۋ. بۇل جەردە ايتىلىپ وتىرعان جاقسى دەگەن ولشەم جاي ءسوز ەمەس، ۇلتتىڭ ۇلى تۇلعاسى دەگەندى بىلدىرەدى. ال, ونى ولشەيتىن التىن تارازى - تىزگىن ۇستاعان جىلدارىڭدا ۇلتىڭا، ونىڭ تۇتاستىعىنا ەتكەن ادال قىزىمەتىڭىڭ دەڭگەيى. (http://old.abai.kz/content/auyt-mykibek-koshke-osh-bolmaiyk)

وسى تالاپقا سالىپ كەپ جىبەرگەندە، قازاقستان رەسپۋبليكاسىنىڭ ۇكىمەتىن تابانى كۇرەكتەي التى جىل باسقارعان كارىم ءماسىموۆ نە ءبىتىردى؟

ۇكىمەت باسشىسى س.ن. احمەتوۆ مىرزانىڭ نازارىنا!

مەملەكەت باسقاراسىڭ با، ۇكىمەتكە جەتەكشىلىك ەتەسىڭ بە، ءبارى ءبىر، سول ەلدىڭ تاريحىنا سەنىڭ اتىڭ ايشىقتالىپ جازىلادى. تاقتان تۇسكەن كۇنى الاتىن باعاڭ ەكەۋ عانا - جاقسى نە جامان. باسقا اتاق جوق. ورتا، ورتاشا، ءبىرشاما جاقسى، قاناعاتتاندىرارلىق... دەگەندەردىڭ ءبارى كوڭىل جىقپاس، كويلەك جىرتپاس قۇرعاق جاقاۋراتۋ. بۇل جەردە ايتىلىپ وتىرعان جاقسى دەگەن ولشەم جاي ءسوز ەمەس، ۇلتتىڭ ۇلى تۇلعاسى دەگەندى بىلدىرەدى. ال, ونى ولشەيتىن التىن تارازى - تىزگىن ۇستاعان جىلدارىڭدا ۇلتىڭا، ونىڭ تۇتاستىعىنا ەتكەن ادال قىزىمەتىڭىڭ دەڭگەيى. (http://old.abai.kz/content/auyt-mykibek-koshke-osh-bolmaiyk)

وسى تالاپقا سالىپ كەپ جىبەرگەندە، قازاقستان رەسپۋبليكاسىنىڭ ۇكىمەتىن تابانى كۇرەكتەي التى جىل باسقارعان كارىم ءماسىموۆ نە ءبىتىردى؟

ەكى-ءۇش كۇننەن بەرگى اقپارات قۇرالدارىنان كارىم قاجىمحانۇلىنىڭ اتىنا ايتىلعان زارەدەي العىستى ەستىگەن جوقپىز. كەرىسىنشە داعدارىس كەزىندە ميللياردتتاعان قارجىنىڭ يگەرىلمەي قالعانىن، جەمقورلىقتىڭ بارىنشا اسقىنعانىن، جاڭاوزەن مەن شەتپەدە قارا حالىققا وق اتىلعانىن، «تەروريستەردىڭ» قاپتاپ كەتكەنىن... جىپكە مارجانداي ءتىزىپ، بەتىنە كۇيىك قىپ باسۋدا. بۇنىڭىز بەر جاعى عانا. ال مەنىڭ ايتايىن دەگەنىم مۇلدە بۇل ەمەس، كارىم ءماسىموۆ پرەمەرلىك ەتكەن وسىناۋ جىلدار ىشىندە وتكەن عاسىردىڭ وتىزىنشى جىلدارىندا جۇرگىزىلگەن ناۋبەتتىڭ  اينى قاتەسىز قايتالانۋى. ول - الەمنىڭ ءار شالعايىندا جۇرگەن بەس ميللليون قازاقتىڭ تاۋەلسىزدىكتەن بەرى اتامەكەنگە تولاسسىز اعالىپ جاتقان ۇلى كوشىنىڭ وسى كىسىنىڭ قولىمەن توقتاتىلعانى. (http://janaozen.net/shbat/raym-ayyplyaza-kshn-totatudy-lta-arsy-zhariyalanbaan-soys-ashan-toptardy-reket-d.html?lang=kz) قولدان جاسالعان اشتىقتان 4,5 ميلليون قازاق قىرىلدى نە; باي دا، باقۋاتتى، تاۋەلسىز، كەڭ بايتاق وتانى بولا تۇرا، تىلىنەن، دىنىنەن، سالت-داستۇرىنەن ايىرىلىپ، ايدىڭ-كۇننىڭ امانىندا باسقا ءبىر ۇلتقا جۇتىلىپ كەتتى نە - ءبارى ءبىر جويىلۋ ەمەس پە؟! دەمەك، ك.ءماسىموۆ ەكىنشى گولوششەكين دەگەن اتپەن اتتاندى ۇكىمەت ۇيىنەن. مەن بۇلاي بولارىن باياعىدا ەسكەرتكەم ول كىسىگە. (http://www.zhasalash.kz/saraptama/7173.html, http://old.abai.kz/node/13787)

اۋىس-كۇيىستىڭ بولىپ تۇرعانى جاقسى. ۇكىمەتتە جاڭا تاعايىنداۋلار جۇرە باستاپ ەدى، ەلدىڭ قۇلاعى ەلەڭدەپ، كوزدەرىنەن ءۇمىت ساۋلەسى قىلاڭ بەرە باستادى.  اتقارۋشى بيلىككە مىنە، سەرىك احمەتوۆ كەلدى. جۇرتتىڭ ايتىسىنا قاراعاندا وتە جاقسى جىگىت. تەكتى جەردىڭ تۋماسى. ەشقانداي كلاندا جوق. قولى تازا. ناعىز ەردىڭ جاسى ەلۋدەن ەندى عانا اسقان. بيلىكتىڭ ءبىراز باسپالداعىنان وتكەن. قازاقشانى قامشى سالدىرماي ۇيرەنىپ العان... ءبارىن ايت تا، ءبىرىن ايت، ەڭ باستىسى ءوزىمىزدىڭ قاراپايىم قازاقتىڭ بالاسى!

قۇدايعا شۇكىر، ۇكىمەت قۇرامى دا جاقسى جاساقتالىپ كەلەدى. پرەمەر-ءمينيستردىڭ ورىنباسارى بولىپ  قىرىمبەك كوشەرباەۆ تاعايىندالدى. قىرىمبەك ەلەۋۇلى تۋرالى ايتۋدىڭ قاجەتى جوق، ەلگە بەلگىلى، اتىنا زاتى ساي، ءىرى تۇلعا. ەلباسىمىزدىڭ ءوزى ول كىسىنى جاڭاوزەندەگى قىرعىنعا قاتىسى جوق دەپ اقتادى. ءيا، بۇل الەۋمەتتىك ارازدىقتى قوزدىردى دەپ قارالانعان ورالماندار دا ەش كۇناسىز دەگەن ءسوز.

ايتپاقشى، الىستان كەلەتىن اعايىننىڭ ات باسىن تىرەيتىن تاعى ءبىر قارا شاڭىراعى  ەڭبەك جانە حالىقتى الەۋمەتتىك قورعاۋ مينيسترلىگى. قازىر ورالماندار «2020. ەڭبەكپەن قامتۋ» باعدارلاماسىنىڭ اياسىندا قارجىلاندىرىلادى. وعان جاپ-جاس جىگىت سەرىك ابدەنوۆ جايعاستى. سەرىك ساقبالدىۇلى شىعىستىڭ شىرايىن كىرگىزىپ وتىرعان جامپوز بەردىبەك ساپارباەۆتىڭ شەكپەنىنەن شىققان بالا. شقو-دا، وسكەمەن قالاسىنىڭ ىرگەسىندە قانداستارعا ارناپ سالعان 700-دەي ۇيگە بەردىبەك ماشبەكۇلى كىرگىزەتىن وتباسى تاپپاي، باياعىدا كوشىپ كەلىپ العان، اۋىلدارعا ورنالاسىپ ۇلگىرگەن، كۆوتوسىن الىپ بولعان اعايىنداردى تارتقانىن ابدەنوۆ ابدەن بىلەدى. ويتكەنى ول كەزدە قازاق كوشى توقتاپ ۇلگىرگەن بولاتىن. قازاننان قاقپاق كەتكەن جەردە، يتتە قايدان ۇيات بولسىن؟! باقىلاۋسىز قالعان وسى «نۇرلى-كوشتىڭ» اقىرى قىزىل-قىرعىن داۋعا ۇلاستى. دابىل كوتەرگەن قانداستار بايقۇس قارالانىپ شىعا بەردى. وسى جاعدايدى قر پارلامەنتى ماجىلىسىندە قر ۇكىمەتىنىڭ 2011 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبىنە قورىتىندى جاساعان ەسەپ كوميتەتىنىڭ توراعاسى ومارحان وكسىكباەۆ ءمالىم ەتكەندە بارىپ، الىستان كەلگەن اعايىننىڭ اق ەكەنىنە، ناقاقتان-ناقاق  كۇيگەنىنە  ەلدىڭ كوزى ابدەن جەتىپ تىندى. (http://www.inform.kz/kaz/article/2464820)

ءسويتىپ كوپ-كورىم جۇمىس ىستەپ كەلە جاتقان جاپ-جاقسى جوبانىڭ جولىن كەسكەن دە، كەلەتىن كوشتى توقتاتقان دا، جوعارىدا ايتتىق، تاعى سول ك.ءماسىموۆ ەدى.

ەلىمىز تاۋەلسىزدىك العالى، شىنىن ايتۋ كەرەك، ءبىراز شارۋانىڭ باسى قايىرىلدى. باقىلاۋ كۇشەيتىلىپ، جەمقورلىق تيىلسا، قازاقستاننىڭ الىپ كەمەسى ارشىنداپ العا جىلجي بەرەدى.

ەندىگى كەزەك كۇتتىرمەي، قولعا الاتىن شارۋا - كوشى-قون! ونىڭ تاعدىرىن شەشپەگەن جاعدايدا ىستەلگەن بار حارەكەتتىڭ قۇنى كوك تيىن! تاۋەلسىزدىك دۇنيە جۇزىندەگى بار قازاق بالاسىنا ءتان، ورتاق مەرەي. سوندىقتان  بەس ميلليون قانداستىڭ كوزىن جات جەردە مولدىرەتىپ قويىپ، ەل بولدىق دەگەنىمىز بەكەر ءسوز. قايتالاپ ەسكە سالايىن، جوعارىدا ايتىلعان تاريحتا  قالۋ ماسەلەسىن شەشەتىن ولشەم تاپ وسى - كوشى-قون.

بىرەۋدىڭ سالىپ كەتكەن ىلاڭىن بىردەن ورنىنا كەلتىرۋ، ارينە، وڭايعا سوقپايدى. دەسەدە، ءبىز سەرىك احمەتوۆ ۇكىمەتىنەن، ونىڭ جاڭا جاسقتالعان كومانداسىنان ك.ءماسىموۆ باسىنا سۋ قۇيعان قازاق كوشىن قايتا جاڭعىرتۋدى اسىعا كۇتەمىز! (http://www.turkystan.kz/page.php?page_id=39&id=7307) بۇل اتا-بابالارىمىزدىڭ ارمانى، الاش كوسەمدەرىنىڭ ۇستانىمى.

ىسكە ءسات، قۇرمەتتى سەرىك نىعمەتۇلى!

«الاشىم» دەگەن جاننىڭ، اللا، جولىن اشىق قىلا كور!!

اركەز ابايشىل بولايىق! الاششىل بولايىق! ءاۋمين!!!

«Abai.kz»

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3495