بەيسەنبى, 28 ناۋرىز 2024
بيلىك 6646 0 پىكىر 8 شىلدە, 2014 ساعات 10:35

ۆ.پۋتين: نۇرسۇلتان نازارباەۆ - كورەگەن ساياساتكەر، ءوز ەلىنىڭ ناعىز كوشباسشىسى

رەسەي باسشىسى ۆلاديمير پۋتين قازاقستان پرەزيدەنتى نۇرسۇلتان نازارباەۆقا قۇتتىقتاۋ جەدەلحاتىن جولدادى، دەپ حابارلادى رف پرەزيدەنتىنىڭ ءباسپاسوز قىزمەتى.

رەسەي پرەزيدەنتى ءوز قۇتتىقتاۋىندا ن.ءا.نازارباەۆتىڭ وتانداستارىنىڭ شىنايى قۇرمەتىنە بولەنگەنىن، سونداي-اق پاراساتتى ءارى تاجىريبەلى ساياساتكەر،ء وز ەلىنىڭ ناعىز كوشباسشىسى رەتىندە جوعارى حالىقارالىق بەدەلگە يە ەكەنىن اتاپ وتكەن.

ۆ.پۋتين سونىمەن بىرگە، قازاقستان تاريحىنداعى الەۋمەتتىك، ەكونوميكالىق جانە سىرتقى ساياسي جەتىستىكتەرگە تولى تۇتاس ءبىر كەزەڭنىڭ ن.نازارباەۆتىڭ ەسىمىمەن بايلانىستى ەكەنىن اتاپ ءوتتى.

سونىمەن بىرگە، ۆ.پۋتين ن.ءا.نازارباەۆتىڭ رەسەي مەن قازاقستان اراسىنداعى ستراتەگيالىق ارىپتەستىك پەن وداقتاستىقتى نىعايتۋعا قوسقان ۇلكەن ۇلەسىنە دە توقتالىپ وتكەن.

رەسەي پرەزيدەنتى ن.ءا.نازارباەۆتىڭ ەۋرازيالىق وداق قۇرۋ تۋرالى يدەياسى تاريحي مانگە يە دەپ اتاپ ءوتتى. ۆ. پۋتين 2015 جىلدىڭ 1 قاڭتارىنان ىسكە قوسىلاتىن ەاەو-نى قۇرۋ تۋرالى ورتاق شەشىم وداققا كىرەتىن ەلدەردەگى حالىقتىڭ ءال-اۋقاتىن ارتتىرۋعا مۇمكىندىك بەرەتىندىگىنە سەنىم ءبىلدىردى.

ءسوزىنىڭ قورىتىندىسىندا ۆ.ۆ.پۋتين قازاقستان پرەزيدەنتىمەن اراداعى سەنىمدى، ورنىققان دوستىق قارىم-قاتىناستى جوعارى باعالايتىنىن جانە ەكى ەلدىڭ بولاشاعى ءۇشىن بىرلەسكەن جۇمىستار جالعاسا بەرەتىنىنە ءۇمىتتى ەكەنىن جەتكىزدى.

بۇعان دەيىن حابارلاعانىمىزداي، بۇگىن قازاقستان مەن رەسەي باسشىلارى تەلەفون ارقىلى سويلەسكەن بولاتىن. وندا رەسەي پرەزيدەنتى ۆ. پۋتين ۇلت كوشباسشىسى ن.نازارباەۆتى تۋعان كۇنىمەن تاعى ءبىر مارتە قۇتتىقتاعان ەدى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522