جۇما, 29 ناۋرىز 2024
بىلگەنگە مارجان 15519 2 پىكىر 21 قاڭتار, 2016 ساعات 10:07

قازاقتا ادام جاسىن قالاي ساناعان؟

سىزدەر وسى ۋاقىتقا دەيىن ادام جاسىن قالاي ساناۋ كەرەگىن بىلدىڭىزدەر مە؟ اتتان جىعىلسا دا، سالتتان جىعىلماعان حالقىمىز ونى تومەندەگىدەي پايىمدايدى. نازار اۋدارىڭىزدار.

قوزى جاسى

ۇل بالا 10 جاسقا تولعان سوڭ، وعان قوزى باقتىرعان. سوندىقتان وسى جاستى "قوزى جاسى" دەپ اتاعان. بۇل — ەڭبەككە باۋلۋدىڭ العاشقى باسقىشى. بالا ەڭبەكتىڭ قيىندىعىن كورىپ، ءدامىن تاتقان.

قوي جاسى

بالا 13 جاستان اسقان سوڭ قوزى ەمەس، قوي باعۋعا اۋىسقان. سوندىقتان 13-20 جاستىڭ اراسىن "قوي جاسى" دەپ ەسەپتەگەن. قىستىڭ سۋىعىنا، جازدىڭ ىستىعىنا شىداپ، ءبىر قورا قويدى باعۋ وڭاي بولماعان. يت-قۇسقا جەگىزبەي، ۇرى-قارىدان ساقتاپ، جوعالتپاي باعۋ توزىمدىلىك پەن شىدامدىلىقتى قاجەت ەتكەن.

جىلقى جاسى

قوي باعۋعا توسەلىپ، سىننان سۇرىنبەي وتكەندەر "جىلقى جاسىنا" اۋىسقان. قىزىعى مەن قيىندىعى كوپ جىلقى مالىن باعۋدى 25-40 جاس ارالىعىنداعى جىگىتتەرگە تاپسىرعان. سوندىقتان جيىرما بەستى "جىلقى جاسى" دەپ بىلگەن.

پاتشا جاسى

40 جاس "پاتشا جاسى" دەپ ەسەپتەلىنگەن، سەبەبى بۇل جاستاعى ادامداردىڭ كەيبىرى اتقا ءمىنىپ، ەل باسقارعان. ءوزىنىڭ اقىلىمەن، باتىرلىق-باتىلدىعىمەن، ونەرلى شەشەندىگىمەن كوپكە تانىمال بولىپ، داڭقى شىققان. 

دەرەككوزى:  massaget.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2273
عيبىرات

قايسار رۋحتى عازيز جان

مۇحتار قۇل-مۇحاممەد 3590