جۇما, 29 ناۋرىز 2024
مادەنيەت-ادەبيەت 5225 0 پىكىر 18 تامىز, 2016 ساعات 11:55

امىرە تۋرالى ءفيلمدى امەريكالىق رەجيسسەر ءتۇسىرىپ جاتىر...

ايگىلى ءانشى امىرە قاشاۋباەۆ تۋرالى جازۋشى جۇسىپبەك ايماۋىتوۆتىڭ ء«انشى» دەپ اتالاتىن اڭگىمەسى بار. وسى اڭگىمە امىرەنىڭ انشىلىگىن، ادامي بولمىسىن، ورتاسىن جان-جاقتى جارقىراتا اشقان ادەبي ەسكەرتكىش. قالىڭ جۇرت امىرەنى اۋەلى «انشىدەن» تانىپ ەدى. 1925 جىلى پاريجدە وتكەن ونەر جارمەڭكەسىندە قازاق ءانىن الەمگە تانىتىپ، ەۋروپانىڭ تاڭدايىن قاققىزىپ تاڭعالدىرعان امىرە بەينەسى ەندى حالىقارالىق كينوەكرانعا شىقپاق. قازىرگى كەزدە ءتۇسىرىلىمى ءجۇرىپ جاتقان بۇل كينوكارتينا 2017 جىلى ۇلكەن ەكرانعا شىعادى دەپ جوسپارلانىپ وتىر. كينو جوبانىڭ اتى «امىرە». كينو - مادەنيەت جانە سپورت مينيسترلىگى تاپسىرىسى بويىنشا «قازاقفيلم» كينوستۋدياسى جانە ينۆەستور، كينوپروديۋسەر اليدار وتەمۇراتوۆ قاتىسۋىمەن قازاقستان مەن اقش-تىڭ  بىرلەسىپ تۇسىرگەن العاشقى تۋىندىسى بولماق دەپ حابارلايدى م.اۋەزوۆ تەاترىءنىڭ باسپاسوز قىزمەتى.

«امىرە» ءفيلمىن امەريكالىق رەجيسسەر دجەف ۆەسپا ءتۇسىرىپ جاتىر. ستسەناري اۆتورى - بەنجامين ا. ۆان دەر ۆين. ءبىزدىڭ كينو سالاسىنا شەتەلدىك كينوگەرلەردىڭ ارالاسۋىمەن تۇسىرىلگەن فيلمدەر بارشىلىق. الايدا، ءبارى ءساتتى شىقتى، تابىس تاپتى، كورەرمەن قىزىعۋشىلىعىن تۋدىردى دەپ ايتۋعا كەلمەيدى. بىراق، ءبىز ءسوز ەتىپ وتىرعان فيلمگە م.اۋەزوۆ اتىنداعى قازاق مەملەكەتتىك دراما تەاترىنىڭ ءۇش بىردەي اكتەرىنا نەگىزگى رولدەر بەرىلگەن ەكەن. ولار: ەركەبۇلان دايىروۆ، الماس شاياحمەتوۆ جانە ورازحان كەنەباەۆ. كينوداعى باستى ءرولدى اكتەر سانجار ماديەۆ وينايدى.

سۋرەتتە: اكتەر ەركەبۇلان دايىروۆ

ءفيلمنىڭ بوياۋى قانىق، قۇرىلىمى مەن وقيعا جەلىسى امەريكالىق رەجيسسەر مەن  ستسەناريستتىڭ كاسىبي شەبەرلىكتەرىنە تۇسەر سىن بولعانىمەن، ەۋروپاعا قازاق داۋىسىن، قازاق ءانىن جەتكىزىپ، سونىمەن كۇللى الەمدى قازاق ءانىنىڭ قۇدىرەتىنە ۇيىتقان امىرە جايلى فيلمدەگى ءانشى جانە ونىڭ ءومىرى ارقىلى بەرىلەتىن ۇلتتىڭ مىنەزى، ارمان-ماقساتى، مادەنيەتى، دۇنيەگە كوزقاراسى وسىنىڭ ءبارىن جوعارىدا اتى اتالعان اكتەرلار مەيلىنشە جارقىراتىپ كورسەتە الاتىنىنا سەنىم مول. ويتكەنى، قازاق بولمىسى – قازاق اكتەرىنىڭ قانىندا بار. اكتەرلەردىڭ ىشىندە ەركەبۇلان دايىروۆقا مۇستافا شوقايدىڭ ءرولى بەرىلگەن. امىرەنىڭ ەۋروپاعا ساپارىنداعى مۇستافا شوقايدىڭ ورنى ەرەكشە ەكەنى بەلگىلى. ءانشى كەيىن ەلگە ورالعان سوڭ، شوقايمەن كەزدەسۋىنىڭ سالدارىنان قىزىل وكىمەت تاراپىنان قىسىم كورگەنى دە ءمالىم. سوندىقتان، مۇستافا بەينەسى فيلمدەگى ەڭ شەشۋى ءارى بۇرىلىستارعا تولى ساتتەرى بولادى دەپ ويلايمىز. ال، ەركەبۇلان ۇلى ماقساتتار جەتەگىندەگى شوقايدىڭ ەميگراتسياداعى ءومىرىنىڭ امىرەمەن جولىعۋ ساتتەرىن، ونىڭ ءانشى تاعدىرىندا قالدىرعان ءىزىن تەرەڭ سەزىنە وتىرىپ، جەتكىزە الادى. سەبەبى، بۇعان دەيىن قازاقستان كينو سىنشىلارى تاراپىنان وڭ باعا الىپ، 37 ءشى ماسكەۋ حالىقارالىق كينوفەستيۆالىندە ۇزدىك ەر ادام ءرولى نوميناتسياسىن يەلەنگەن. ءارى رەجيسسەر اقان ساتاەۆتىڭ «باۋىرجان مومىشۇلى» فيلمىندە دە باستى ءرولدى ويناپ، باتىردىڭ وبرازىن وتە جاقسى الىپ شىققانى جانە بار. دەمەك، دايىروۆ ءوز «امىرە» فيلمىندە ءوزىنىڭ كينو اكتەرلىق تالانتىنىڭ تاعى ءبىر قىرىن ەستە قالارلىقتاي ەتىپ كورسەتەتىنىنە كۇمان جوق.

سۋرەتتە: اكتەرلەر سانجار ماديەۆ (وڭ جاقتا) پەن الماس شاياحمەتوۆ (سول جاقتا)

فيلمدەگى تاعى ءبىر ايشىقتى بەينە – جۇمات شانين. ءشانيننىڭ كينو وبرازىن الماس شاياحمەتوۆ سومدايدى. جۇمات شانين قازاق تەاتر ونەرىنىڭ نەگىزىن قالاۋشى تۇلعا. ءومىرى تەاترىنىڭ ونەرىنىڭ باستاۋىندا تۇرعان تۇلعانىڭ بەينەسىن سومداۋ تەاتر اكتەرى ءۇشىن اسا قيىنعا تۇسپەسى انىق. اكتەرلاردىڭ رولدەرىنە قاراپ وتىرىپ، فيلمدە وتكەن عاسىردىڭ ءبىرىنشى شيرەگىندەگى قازاق ونەرى مەن مادەنيەتى ءارى قوعامدىق-ساياسي جۇيەسى كورىنىس تاباتىنىن اڭداۋ بولادى.  

ءفيلمنىڭ حالىقارالىق پروكاتقا شىعارىلاتىنى ءاۋ باستا ايتىلعان. ەگەر كينوكارتينانىڭ پروكاتى ءساتتى جۇرسە، وندا فيلمگە تۇسكەن اكتەرلاردىڭ دا الدىنان ۇلكەن جول اشىلاتىنى ءسوزسىز.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1565
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541