جۇما, 29 ناۋرىز 2024
وسى عوي ەندى... 6347 0 پىكىر 3 قاراشا, 2016 ساعات 09:57

جامانقۇلوۆ نەگە قامالدى؟

2 قاراشا كۇنى قازاقستاننىڭ مەملەكەتتىك قىزمەت ىستەرى مينيسترلىگىنە قاراستى سىبايلاس جەمقورلىققا قارسى ءىس-قيمىل ۇلتتىق بيۋروسى رەجيسسەر، اكتەر ءارى ونەر قايراتكەرى تۇڭعىشباي جامانقۇلوۆتىڭ ۇستالعانىن حابارلادى.

بيۋرونىڭ ۆەبسايتىنداعى مالىمدەمەسى بويىنشا جامانقۇلوۆ "فەنيكس" كوركەم ءفيلمىن ءتۇسىرۋ كەزىندە "بيۋدجەت قارجىسىن جىمقىردى" دەگەن كۇدىككە ىلىنگەن. رەسمي حابارلاماعا سايكەس تەرگەۋ كەزىندە ءفيلمدى ءتۇسىرۋ ءۇشىن 79 ميلليون تەڭگە "ت.ك.TURAN UNIVERSAL BUSINESS" كومپانياسىنىڭ ەسەپ-شوتىنا اۋدارىلعان، ونىڭ 69 ميلليونىن وسى كينوكارتينانىڭ باس پروديۋسەرى، ءارى كومپانيانىڭ قۇرىلتايشىسى "ت. جامانقۇلوۆ تالان-تاراجعا تۇسىرگەن".

رەسمي اقپاراتتا وسى ءىستى تەكسەرۋ كەزىندە "قازاقفيلم" كومپانياسىنىڭ ەكونوميكا بويىنشا باسقارۋشى ديرەكتورى مەن اتالمىش كوركەم ءفيلمنىڭ اتقارۋشى پروديۋسەرىنىڭ دە قاماۋعا الىنعاندارى جازىلعان.

قازاقستاننىڭ حالىق ءارتيسى تۇڭعىشباي جامانقۇلوۆ بۇعان دەيىن مادەنيەت ءمينيسترى ارىستانبەك مۇحامەديۇلىن جەمقورلىققا قاتىستى ايىپتاپ، ءمينيستردىڭ ۇستىنەن "سەكسۋالدىق بوپسالاۋ" بويىنشا ارىزدانۋشىنى قولداپ شىققان ەدى. كوپ ۇزاماي جامانقۇلوۆتىڭ ءوز باسى داۋعا قالىپ، ونى ءبىر توپ تەاتر قايراتكەرلەرى جينالىس اشىپ سوككەن. مۇحامەديۇلى وزىنە تاعىلعان ايىپتاردى جوققا شىعارعان.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3600