بەيسەنبى, 28 ناۋرىز 2024
ەكونوميكا 3986 0 پىكىر 22 جەلتوقسان, 2016 ساعات 00:00

«سامۇرىق-قازىنا» قازاقستانعا 10 ملرد دوللاردان استام ينۆەستيتسيا تارتۋدى جوسپارلاپ وتىر

«سامۇرىق-قازىنا» قورى 2025 جىلعا قاراي حيميا ونەركاسىبى جوبالارىنا 10 ملرد دوللاردان استام قاراجات تارتۋدى جوسپارلاپ وتىر. بۇل تۋرالى جۋرناليستەرگە بەرگەن سۇحباتىندا قوردىڭ باسقارما توراعاسى ومىرزاق شوكەەۆ مالىمدەدى.

ۇلتتىق ءال-اۋقات قورىنىڭ باسشىسى كومپانيانىڭ مۇناي-حيميا ونەركاسىبى سالاسىنداعى جوسپارلارىمەن ءبولىستى. بۇل جوبالارمەن قوردىڭ ەنشىلەس كومپانياسى «بىرىككەن حيميالىق كومپانيا» جشس اينالىسادى.

«وسىلايشا ءوزىنىڭ 1 دوللار قاراجاتىنا كومپانيا (بحك – رەد. ەسكە.) سەرىكتەستەرىنىڭ 1 دوللار تىكەلەي ينۆەستيتسيالارىن جانە بورىشتىق قارجىلاندىرۋ ارقىلى 4,6 دوللار تارتادى. ناتيجەسىندە، 2025 جىلى تارتىلعان ينۆەستيتسيا كولەمى شامامەن 10,6 ملرد دوللار قۇرايتىن بولادى»، - دەدى ومىرزاق شوكەەۆ.

ونىڭ ايتۋىنشا، بۇگىنگى كۇنى بحك ەكى كلاستەردىڭ قۇرىلىسىنا شوعىرلانعان: اتىراۋ وبلىسىندا ورگانيكالىق حيميا جانە جامبىل وبلىسىندا بەيورگانيكالىق حيميا. كلاستەرلەردى دامىتۋدىڭ نەگىزى - ينفراقۇرىلىم قالىپتاستىرۋ بولىپ تابىلادى، ونىڭ ىشىنە «نۇرلى جول» مەملەكەتتىك باعدارلاماسى اياسى دا جاتادى.

«اتىراۋ مۇناي-حيميا كلاستەرى بازالىق ونىمدەرى: پوليپروپيلەن، پوليەتيلەن شىعارىپ، كومىرسۋتەكتى شيكىزاتتاردى تەرەڭ وڭدەۋدى كوزدەيدى. جوبالاردىڭ جالپى قۇنى 10 ملرد دوللارعا دەيىن باعالانادى. ءبىز جوبانى ءتيىمدى باسقارۋدى قامتاماسىز ەتە الاتىن، تەڭ ينۆەستورلاردى تارتۋ بويىنشا بەلسەندى جۇمىس اتقارۋدامىز»، - دەدى قور باسشىسى.

جامبىل حيميالىق پاركىندە قازىرگى ۋاقىتتا ينفراقۇرىلىم نىساندارىنىڭ قۇرىلىسىن اياقتالۋدا. سونداي-اق، وسىندا يمپورتتى الماستىرۋعا باعىتتالعان جوعارى قوسىمشا قۇنى بار وندىرىستەردى پايدالانۋعا بەرۋدى جوسپارلاپ وتىرمىز.

«2016 جىلدىڭ مامىر ايىنان باستاپ گليفوسات، گەربيتسيدتەر جانە حلور-ءسىلتىلى ونىمدەرىن ءوندىرۋ بويىنشا اگرارلىق-حيميالىق كەشەنىنىڭ قۇرىلىسى باستالدى، ول ءونىمنىڭ ەكى ءتۇرى تمد ەلدەرىندە وندىرىلمەيدى. گليفوسات ءوندىرۋ 2018 جىلى ىسكە قوسىلادى. ول ۋاقىتقا دەيىن كاۋستيكالىق سودا ءوندىرىسىن ىسكە قوسۋ كوزدەلۋدە»، - دەپ ءسوزىن جالعادى ومىرزاق شوكەەۆ.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3511