وڭتۇستىك قازاقستان وبلىسىنىڭ ورتالىعى - شىمكەنتتە گاز تاراتۋشى جەلىلەردى قايتا جوندەۋ مەن جاڭعىرتۋدىڭ كەزەكتى ساتىسى اياقتالىپ، ەل يگىلىگىنە بەرىلدى.

شاراعا وبلىس اكىمى جانسەيىت تۇيمەباەۆ، «قازترانسگازايماق» اق باس ديرەكتورىنىڭ ورىنباسارى عالىم ايدوسوۆ، بيزنەس قۇرىلىمدار مەن باق وكىلدەرى قاتىستى.

 كەزدەسۋدە ءسوز باستاعان وبلىس اكىمى ج.تۇيمەباەۆ ايماقتاعى كوگىلدىر وتىنمەن قامتاماسىز ەتۋ جۇمىستارى جايىنا توقتالىپ، وسى باعىتتاعى يگى ىستەردىڭ جالعاسىن تابۋىنا تىلەكتەستىك ءبىلدىردى.

«قازترانسگازايماق» اكتسيونەرلىك قوعامى قازىرگى تاڭعا وبلىستاعى 300 مىڭعا جۋىق ابونەنتتى گازبەن قامتۋ قىزمەتىن جۇرگىزىپ وتىر. اتالعان مەكەمە ۇجىمىمەن كوگىلدىر وتىنمەن قامتۋداعى كەڭەس ۇكىمەتى كەزىندە سالىنىپ، توزىعى جەتكەن قۇبىرلاردى، قوندىرعىلاردى جاڭارتۋ ارقىلى حالىققا ساپالى گاز بەرۋ ماقساتىندا سوڭعى 6 جىلدا 33 ملرد. تەڭگە ينۆەستيتسيالىق قارجىعا «شىمكەنت قالاسىنىڭ گاز تاراتۋ جەلىلەرىن قايتا قۇرۋ مەن مودەرنيزاتسيالاۋ» باعدارلاماسى جۇزەگە اسىرىلدى. جالپى ينۆەستيتسيالىق قاراجاتتار ەسەبىنەن 2390 شاقىرىم گاز قۇبىرلارى جاڭارتىلعان. ناتيجەسىندە 2017 جىلدىڭ 1 قاڭتارىنا قۇبىرلاردىڭ توزىعى جەتۋى 2010 جىلدىڭ ءتيىستى كەزەڭىمەن سالىستىرعاندا 60 %-دان 19 %-عا تومەندەتىلىپ وتىر»، - دەدى جانسەيىت قانسەيىتۇلى.

مۇنان بولەك، ايماق باسشىسى 2013 جىلى تۇركىستان قالاسىنا №15 اۆتوماتتى گاز تاراتۋ ستانتسياسىنىڭ ء(ارى قاراي اگتس), 2015 جىلى بايدىبەك، سوزاق اۋداندارىن گازداندىرۋعا №18 «شالدار» اگتس قۇرىلىسىنىڭ اكتسيونەرلىك قوعام قاراجاتى ەسەبىنەن اياقتالىپ ىسكە قوسىلعانىن ايتتى. ناتيجەسىندە، بۇگىنگى تاڭدا تۇركىستان شاھارى مەن شايان ەلدى مەكەندەرى گازبەن قامتىلىپ جاتىر دەدى وبلىس اكىمى.

2009-2016 جىلدار ارالىعىندا بيۋدجەت ەسەبىنەن ەلدى مەكەندەردى گازداندىرۋ سالاسىنا 65 ملرد. تەڭگە قاراجات جۇمسالىپ 203 ەلدى مەكەنگە كوگىلدىر وتىن جەتتى. ناتيجەسىندە، 2016 جىلدىڭ قورىتىندىسىمەن قوسىمشا 25 ەلدى مەكەن گازعا قوسىلىپ، وبلىس بويىنشا جالپى 300 ەلدى مەكەن (35,5%) نەمەسە 1 755 306 حالىق (61,8%) تابيعي وتىنمەن قامتىلعالى وتىر.  

بارشاعا بەلگىلى، وبلىسىمىزعا «بەينەۋ-بوزاي-اقبۇلاق» وتاندىق ماگيسترالدى گاز قۇبىرى تارتىلعان بولاتىن. بۇگىنگى تاڭدا اتالعان قۇبىردىڭ بويىنداعى وبلىستىڭ سولتۇستىك-باتىس بولىگىندەگى 8 اۋدانداعى 248 ەلدى مەكەندى (684 304 حالىق) گازداندىرۋ ماقساتىندا جوسپارلانعان 7 اۆتوماتتى گاز تاراتۋ ستانتسيالارىنىڭ (اگتس) 4-ءۋى  ىسكە قوسىلدى. قالعان 3 اگتس قۇرىلىسىن 2017 جىلدىڭ 1-ءشى جارتىجىلدىعىنا اياقتاۋ جوسپارلانىپ وتىر. وسىعان وراي، وبلىستى گازداندىرۋدىڭ 2021 جىلعا دەيىنگى ءىس-شاراسى ازىرلەنىپ، بۇگىنگى تاڭدا 47 ەلدى مەكەندى گازداندىرۋدىڭ جوبالىق-سمەتالىق قۇجاتتامالارىن ازىرلەۋ باستالدى. ودان بولەك 2017 جىلى دا بۇل جۇمىستارعا قارجى قاراۋ جوسپارلانۋدا.

جالپى وبلىس ەلدى مەكەندەرىن گازداندىرۋدىڭ ءىس-شارا جوسپارىنا سايكەس، 2017-2020 جىلدار ارالىعىندا 383 ەلدى مەكەندەردى (733 630 حالىق) گازداندىرۋ جوسپارلانعان. ناتيجەسىندە 2020 جىلدىڭ اياعىنا 683 ەلدى مەكەندى  (80,9 % ە.م.) نەمەسە 2,5 ملن. حالىقتى (89 %) گازداندىرۋ كوزدەلىپ وتىر.

ۇلتتىق وپەراتور «قازترانسگازايماق» اق ماماندارىمەن 2009 جىلدان بەرى باستالعان ءتيىستى جۇمىستار ۇزدىكسىز گاز جەتكىزۋدى قامتاماسىز ەتۋ، گاز ىسىرابىن ازايتۋ، جۇيەنىڭ وتكىزۋ مۇمكىندىگىن ارتتىرۋ ماقساتىندا قولعا الىنعان. ونىڭ ىشىندە، وڭتۇستىك قازاقستان وبلىسىن گازبەن جابدىقتاۋدىڭ تەحنيكالىق بازاسىن جاقسارتۋعا باسىمدىق بەرىلەدى. بۇل، ءوز كەزەگىندە، جاڭا گاز ينفراقۇرىلىمىن جاساپ قانا قويماي، تۇتىنۋشىلار مەن جەتكىزۋشىلەر اراسىندا سەنىمدى بايلانىس ورناتىپ، قالىپتاستىرۋعا مۇمكىندىك بەرەدى.

Abai.kz