جۇما, 29 ناۋرىز 2024
جاڭالىقتار 5473 0 پىكىر 21 ناۋرىز, 2017 ساعات 10:12

ءۇشارال اۋەجايى ماۋسىمدا اۆيارەيستەردى قابىلداي باستايدى

الماتى وبلىسىنىڭ ءۇشارال قالاسىندا جاڭا اۋەجايدىڭ قۇرىلىسى اياقتالۋعا جاقىن. بۇل تۋرالى الاكول ءاۋدانى تۋريزمىنىڭ الەۋەتى تۋرالى ايتىلعان بريفينگتە اۋدان اكىمى الىبەك جاقانباەۆ مالىمدەدى. اۋدان باسشىسى قۇرىلىسجۇمىستارىنىڭ 2015 جىلى باستالعانىن، اتالمىش جوبانى جۇزەگە اسىرۋ ءۇشىن بيۋدجەتتەن 896,9 ملن. تەڭگە بولىنگەن بولسا، ونىڭ 21,0 ملن. تەڭگەسى – 2015 جىلى، ال 348,7 ملن. تەڭگەسى بىلتىر يگەرىلگەندىگىن اتاپ ءوتتى. اعىمداعى جىلى قالعان 527,2 ملن. تەڭگە قارجىنى يگەرۋ كوزدەلىپ وتىر.

«اۋەجايدىڭ قۇرىلىسى وسى جىلدىڭ ماۋسىم ايىندا تولىقتاي اياقتالادى دەپ وتىرمىز.سونىمەن قاتار، ءبىزدىڭ قر ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتىنە بەرگەن «استانا ء– ۇشارال – استانا»، «الماتى – ءۇشارال - الماتى» باعىتىندا وبلىسارالىق جاڭا اۆيارەيستەر اشۋ جانە ونى رەسپۋبليكالىق بيۋدجەتتەن سۋبسيديالاۋ ماسەلەسىن قاراۋ تۋرالى ءوتىنىشىمىز وڭ ناتيجەگە يە بولدى. سونداي-اق، «جەتىسۋ» اۆياكومپانياسى» اق-مەن بىرىگىپ «تالدىقورعان – ءۇشارال – تالدىقورعان» ىشكى اۆيارەيسىن اشۋ كوزدەلۋدە. بيىل وسى ىشكى اۆيارەيستى سۋبسيديالاۋ ماقساتىندا وبلىستىق بيۋدجەتتەن 15,2 ملن. تەڭگە ءبولىندى»، - دەدى ءا. جاقانباەۆ.

سونىمەن قاتار، جاڭا اۋەجايدا ۇشۋ-قونۋ جولاعى قايتا جاڭعىرتىلىپ، اۋە قوزعالىستارىن ۇيىمداستىرۋعا ەڭ قاجەتتى دەگەن راديوتەحنيكالىق جانە مەتەورولوگيالىق قۇرال-جابلدىقتار جاڭارتىلعان.  

وسى ورايدا ايتا كەتەيىك، ءۇشارال قالاسىنداعى اۋەجاي ەلباسى نۇرسۇلتان نازارباەۆتىڭ الماتى وبلىسىنىڭ اكىمى اماندىق باتالوۆقا بەرگەن تىكەلەي تاپسىرماسىمەن جاڭعىرتىلۋدا. ونداعى ماقسات – الەۋەتى جوعارى الاكول كولىنە تۋريستەردى كوپتەپ تارتۋ جانە وتاندىق تۋريزمدى دامىتۋ. 

اباي-اقپارات

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593