جۇما, 29 ناۋرىز 2024
جاڭالىقتار 3136 0 پىكىر 14 ناۋرىز, 2017 ساعات 17:28

دارحان مىڭباي قازاقستان حالقى اسسامبلەياسىنىڭ توراعاسى بولدى

دارحان مىڭباي قازاقستان حالقى اسسامبلەياسى توراعاسىنىڭ ورىنباسارى قىزمەتىنە تاعايىندالدى، — دەپ حابارلايدى اقوردانىڭ رەسمي سايتى.

«مەملەكەت باسشىسىنىڭ وكىمىمەن دارحان قامزابەكۇلى مىڭباي قازاقستان حالقى اسسامبلەياسى توراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى قىزمەتىنە تاعايىندالدى، ول قازاقستان رەسپۋبليكاسىنىڭ ۇلتتىق مۇراجايىنىڭ ديرەكتورى قىزمەتىنەن بوساتىلدى»، — دەلىنگەن اقوردانىڭ سايتىندا.

دارحان قامزابەكۇلى مىڭباي — 1962 جىلى 26 قاڭتاردا وڭتۇستىك قازاقستان وبلىسىندا دۇينەگە كەلگەن. 1985 جىلى م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن تامامداعان، جۋرناليست. 1985-1990 جىلدارى كسر مينيسترلەر كەڭەسى جانىنداعى اقپاراتتىق اگەنتتىكتىڭ (قازتاگ) رەداكتورى، اعا رەداكتورى، اعا ادەبي باقىلاۋشى رەداكتورى. 1990-1994 جىلدارى قازاقستان رەسپۋبليكاسى جوعارعى كەڭەسىنىڭ اپپاراتىندا اعا كونسۋلتانت، اعا رەفەرەنت. 1994-1996 جىلدارى «وركەن-گوريزونت» رەسپۋبليكالىق گازەتتەرىنىڭ باس رەداكتورى. 1996-1997 جىلدارى «قازاقستاننىڭ تەلەۆيدەنيەسى مەن راديوسى» رەسپۋبليكالىق كورپوراتسياسىنىڭ ۆيتسە-پرەزيدەنتى. 1997-2002 جىلدارى وڭتۇستىك قازاقستان وبلىسى اكىمىنىڭ ورىنباسارى. 2002-2004 جىلدارى وڭتۇستىك قازاقستان وبلىسى ىشكى ساياسات جانە جاستار ءىسى جونىندەگى دەپارتامەنتىنىڭ باستىعى. 2004-2006 جىلدارى وڭتۇستىك قازاقستان وبلىسىنداعى تۇلكىباس اۋدانىنىڭ اكىمى. 2006-2008 جىلدارى وڭتۇستىك قازاقستان وبلىسى اكىمىنىڭ ورىنباسارى. 2008 جىلعى ساۋىردەن 2008 جىلعى قاراشاعا دەيىن قازاقستان رەسپۋبليكاسى مادەنيەت جانە اقپارات ۆيتسە-ءمينيسترى. 2008 جىلعى قاراشادا قازاقستان رەسپۋبليكاسى پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى. 2012 جىلدىڭ قاڭتار ايىندا قازاقستان رەسپۋبليكاسىنىڭ مادەنيەت جانە اقپارات ءمينيسترى. 2013 جىلدان باستاپ قر ۇلتتىق مۇراجايىنىڭ ديرەكتورى قىزمەتىندە بولدى.

اباي اقپارات

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3588