جۇما, 29 ناۋرىز 2024
دەپ جاتىر 3505 0 پىكىر 12 قاڭتار, 2017 ساعات 13:53

سەندەر “ناتسيستسىڭدەر”

استانادا ونداعان ەر ازامات رەسپۋبليكا داڭعىلىنىڭ بويىندا ورنالاسقان نەكە اگەنتتىگىنىڭ عيماراتىنا شابۋىل جاسادى دەپ جازادى sn.kz. نارازى توپ شەتەلدىكتەرگە تۇرمىسقا شىققان قىزدارىمىزدى ازاماتتىعىنان ايىرۋ كەرەك دەپ ەسەپتەيدى.

نەكە اگەنتتىگى عيماراتىنىڭ الدىنا 30-دان استام ادام جينالعان. ولاردىڭ قاتارىندا قازاق قىزدارىن قىيتايلىقتارعا كۇيەۋگە بەرۋگە قارسىلىق بىلدىرگەن بەلسەندىلەر، قۇقىق قورعاۋ ورگاندارىنىڭ وكىلدەرى، تىلشىلەر جانە اتالعان اگەنتتىكتىڭ ديرەكتورى بار.

اگەنتتىك ديرەكتورى ەشكىمگە قىز بەرگەلى جاتقان جوق ەكەنىن ايتىپ اقتالۋدا. ول جينالعان جۇرتقا ماسەلەنىڭ ءمان-جايىن تۇسىندىرگەندەي بولدى.

ء“بىز قىز ساتۋمەن اينالىسپايمىز. ءبىز وتباسىن قۇرۋعا كومەكتەسەمىز، بىزگە قىزدار مەن ايەلدەر كۇيەۋ تاۋىپ بەر دەپ جالىنىپ كەلەدى. جاستارى كەلگەن، ولارعا بالا تابۋ كەرەك. ەندى وسىنداي قازاقتىڭ جىگىتتەرى قايدا؟ كەلىڭىزدەر، تىركەلىڭىزدەر بىزگە، وتباسىن قۇرىڭىزدار! ايەلدەر امال جوق، كۇيەۋدى شەتەلدەن ىزدەپ جاتىر. ءبىز جۇرتقا توقال نەمەسە جەزوكشە تاۋىپ بەرەتىن كومپانيا ەمەسپىز. بىزگە تىركەلگىسى كەلەتىن ەر ازاماتتار اجىراسقاندىعى تۋرالى كۋالىگىن كورسەتۋگە مىندەتتى، سوندا عانا تىركەيمىز”، – دەيدى اگەنتتىكتىڭ ديرەكتورى تاتيانا لوگۆينەنكو.

ال، بەلسەندىلەر بولسا قازاق قىزدارىن قانداي جاعداي بولماسىن قىتايلىقتارعا بەرۋگە بولمايتىنىن ەسكەرتتى.

ء“بىز قازاق قىزدارىن ساتۋعا قارسىمىز. الدىمەن 20 ەر ازاماتى كەلەر، ونىڭ ارتىنان بىراق تاعى 20 مىڭى كەلەدى. ءسىز ءبىزدىڭ ءداستۇرىمىزدى دە، ءتىلىمىزدى دە بىلمەيسىز. 40 جىلدان بەرى قازاقستاندا تۇرىپ كەلەسىز، بىراق قازاقتاردىڭ داستۇرىنەن مۇلدەم بەيحابارسىز”، – دەپ ايىپتادى بەلسەندى ساۋلە سەيدالينا اگەنتتىكتىڭ ديرەكتورىن.

“مەيلى، كۇيەۋگە شىعا بەرسىن، باقىتتى بولسىن! بىراق، ولاردى ازاماتتىعىنان ايىرۋىمىز قاجەت، ءوز كۇيەۋلەرى قاي ەلدەن سول ەلدىڭ ازاماتتىعىن قابىلداۋى كەرەك”، – دەيدى ايدىن ەگەۋباەۆ.

جيىن سوڭى ايقاي-شۋعا ۇلاستى. قوس تاراپ ءبىرىن-ءبىرى كىنالاپ الەك. بەلسەندىلەر اگەنتتىك ديرەكتورىن قازاق سالتى مەن ءتىلىن بىلمەيدى دەپ ايىپتاسا، ت.لوگۆينەنكو جينالعانداردى ناتسيست دەپ قارالادى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544