جۇما, 29 ناۋرىز 2024
جاڭالىقتار 5463 7 پىكىر 29 ناۋرىز, 2017 ساعات 09:58

قازاقستان بيلىگى "ارازدىق تۋعىزعانداردى" ازاماتتىقتان ايىرۋدى ۇسىندى

قىلمىستىق كودەكستىڭ "الەۋمەتتىك، ۇلتتىق، رۋشىلدىق، ناسىلشىلدىك، قاۋىمدىق نەمەسە ءدىني ارازدىق تۋعىزۋ" بويىنشا 174-بابىنا قولدانىلاتىن جازالارعا قازاقستان ازاماتتىعىنان ايىرۋ جازاسى قوسىلۋى مۇمكىن. بۇل تۋرالى ادىلەت مينيسترلىگىنىڭ بريفينگىندە ايتىلدى. وسى جانە باسقا دا وزگەرتۋلەر ادىلەت مينيسترلىگى دايىنداپ جاتقان زاڭ جوباسىندا قامتىلعان.

 

قازىر 174-باپ بويىنشا بەس جىلدان ون جىلعا دەيىن تۇرمە جازاسى بەرىلەدى. قازاقستان ازاماتتىعىنان ايىرۋ جازاسى قارۋلى جانجالدارعا قاتىسقانى ءۇشىن قولدانىلۋى مۇمكىن.

 

ادىلەت مينيسترلىگى ازاماتتىقتان ايىرۋ جازاسىن تەرروريستىك قىلمىس جاساعاندارعا، قازاقستاننىڭ ماڭىزدى مۇددەلەرىنە وراسان زور نۇقسان كەلتىرگەندەرگە قولدانۋدى ۇسىنىپ وتىر. ادىلەت مينيسترلىگىنىڭ زاڭنامالار دەپارتامەنتىنىڭ ديرەكتورى دارحان يگەمباەۆتىڭ ايتۋىنشا، "تەرروريستىك قىلمىس، سونداي-اق قازاقستاننىڭ ماڭىزدى مۇددەلەرىنە وراسان زور نۇقسان كەلتىرۋ" تۇسىنىگى قىلمىستىق كودەكستىڭ 15 بابىنا قوسىلۋى مۇمكىن.

 

ادىلەت ءمينيسترىنىڭ ورىنباسارى زاۋرەش بايمولدينانىڭ ايتۋىنشا، زاڭ جوباسىن پارلامەنت بەكىتكەن جاعدايدا، بۇل ماسەلەدەگى سوڭعى شەشىمدى قازاقستان پرەزيدەنتى نۇرسۇلتان نازارباەۆ شىعارادى.

 

4 ساۋىردە ادىلەت مينيسترلىگى ۆەدومستۆوارالىق كوميسسيانىڭ جينالىسىن وتكىزۋدى جوسپارلاپ وتىر، ودان سوڭ بيلىك زاڭ جوباسىنىڭ سوڭعى نۇسقاسىن قوعام نازارىنا ۇسىنادى.

اباي-اقپارات

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3580