بەيسەنبى, 28 ناۋرىز 2024
17187 53 پىكىر 6 ءساۋىر, 2017 ساعات 20:16

«ورالمانعا ون پايىز جەر...» مۇحتار تايجانعا امانات

بىلتىرعى كوكتەم مەن جازداعى جەر داۋىنان كەيىن ازىرلەنگەن زاڭ جوباسى 30 ناۋرىز كۇنى پارلامەنتكە ءتۇستى. الداعى ۋاقىتتا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسىن ءماجىلىس تالقىلايتىن بولادى. جۇمىس توبىنىڭ قۇرامىنا ازامتتىق بەلسەندى مۇحتار تايجاننىڭ كىرگەنى ءبىزدى قۋانتىپ وتىر.

وتكەن جىلى جاز بويى ۇكىمەت باسشىسى باقىتجان ساعىنتاەۆ، كەيىن ونىڭ ورىنباسارى، اۋىل شارۋاشىلىعى ءمينيسترى اسقار مىرزاحمەتوۆ توراعالىق ەتكەن، قۇرامىنا جەتپىستەن استام ادام كىرگەن كوميسسيا ەكى-ءۇش اي ءۇزىلىسسىز جۇمىس ىستەدى.

سول تالقىلاۋعا باستان-اياق قاتىسىپ، باتىل دا ورنىقتى پىكىرلەرىمەن كوزگە تۇسكەن مۇحتار تايجاننىڭ قاپەرىنە حات جازىپ، اۋىل شارۋاشىلىعى ماقساتىنداعى جەرلەردىڭ ون پايىزىن بولاشاقتا  شەتتەن كوشىپ كەلەتىن قانداستارىمىزدىڭ يگىلىگى ءۇشىن قورعا الىپ قالۋ ماسەلەسىن كوتەرگەن ەدىك (http://abai.kz/post/44576). ونى ەلىمىزدەگى باق جارىسا جازىپ، ءبىر توپ قوعام قايراتكەرلەرى قولداعان بولاتىن (http://abai.kz/post/44398 ). بەكەر وبالى نە، مۇحتار تايجان باۋىرىمىز دا بۇل ماسەلەنى سول جەر تۋرالى كوميسسيانىڭ ءبىر-ەكى جينالىسىندا ءسوز اراسىندا كوتەرگەنى ەسىمىزدە (http://www.qazaquni.kz/2016/07/10/54869.html )!

مىنە سول وزەكتى باستامانىڭ زاڭمەن بەكىتىلىپ، ءسوزدىڭ ىسكە اسىرىلاتىن ورايى مەن كەزەڭى كەلدى!

ورالماندارعا جەر ۋچاسكەلەرiن بەرۋ قازاقستان رەسپۋبليكاسىنىڭ قازىر قولدانىستاعى «جەر كودەكسىنىڭ» (2003 جىلعى 20 ماۋسىمداعى №442) 46-بابى جانە 100-بابىندا قاراستىرىلعان. سونداي-اق، «حالىقتىڭ كوشى-قونى تۋرالى» (2011 جىلعى 22 شىلدەدەگى №477-IV) زاڭنىڭ 23-بابىندا دا ورالماندارعا جەر ۋچاسكەلەرiن بەرۋ ورالماندارعا، ەتنيكالىق قازاقتارعا جانە ولاردىڭ وتباسى مۇشەلەرىنە ۇسىنىلاتىن مەملەكەتتىك قولداۋ شارالارىنىڭ تىزبەسىنە ەنگىزىلگەن. بۇل نورمالارعا تيىسپەۋ كەرەك.

وكىنىشكە وراي، كوشىپ كەلىپ، «ورالمان» مارتەبەسىن الىپ، شارۋاشىلىق قۇرۋ ءۇشىن جەر تەلىمدەرىن سۇراپ بارعان قانداستارىمىزعا اقمولا وبلىسى مەن وسى وبلىسقا قاراستى ەرەيمەنتاۋ اۋدانى سەكىلدى كەيبىر وبلىستىق جەر قاتىناستارى باسقارمالارى مەن اۋدان اكىمدەرى «جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى №248 جارلىعىن» كولدەنەڭ تارتىپ، اتالعان زاڭ نورمالارىن ورىنداماي  وتىرعانى انىقتالدى (http://abai.kz/post/49114 ). ول از دەسەڭىز، «بوس جەر جوق!» دەگەن جاۋاپتار دا كەزدەستى. (تومەندەگى حاتتى قاراڭىز:)

2016 جىلى 16 مىڭ 417 وتباسى نەمەسە 33 مىڭ 754 ەتنيكالىق قازاق تاريحي وتانىنا قايتا ورالىپ، ورالمان مارتەبەسىن الدى. 2015 جىلعىمەن سالىستىرعاندا سىرتتان قونىس اۋدارىپ كەلگەن ەتنيكالىق قازاقتاردىڭ سانى جەتى ەسەگە وسكەن. ال، بيىل بۇل كورسەتكىش ەكى-ءۇش ەسەگە ارتۋى مۇمكىن!

سول ءۇشىن ماجىلىستە تالقىعا تۇسكەلى تۇرعان "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسىنا، ەڭ كەمىندە، «ورالماندارعا ون پايىز جەر قورعا قالدىرىلادى» دەگەن ارنايى باپ ءسوزسىز ەگىزىلۋى كەرەك!

ال، ەلباسىنىڭ ستراتەگيالىق ساياساتىن تەرەڭ ءتۇسىنىپ، جومارتتىق جاساپ، 20 پايىز قالدىرسا، ءتىپتى جاقسى!

مەن ماجىلىستەگى جۇمىس توبىنىڭ قۇرامىنا كىرگەن مۇحتار تايجان باۋىرىما بۇل ماسەلەنى امانات ەتىپ تاپسىرامىن، دەپۋتاتتارعا انىقتاپ ءتۇسىندىرۋىن، بەتى مەن بەدەلىن سالىپ ورىنداتۋىن سۇرايمىن!

اۋىت مۇقيبەك

 06.04.2016

استانا

Abai.kz

53 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3519