جۇما, 29 ناۋرىز 2024
ماسەلەنىڭ ءمانى 11356 65 پىكىر 9 ءساۋىر, 2017 ساعات 23:31

مەملەكەتتىك قىزمەتكەرلەرگە ناماز وقۋعا تىيىم سالىنادى

ەلىمىزدە مەملەكەتتىك قىزمەتكەرلەردىڭ جۇمىس ۋاقىتىندا ءدىني جورالعىلارعا قاتىسۋىنا شەكتەۋ قويىلۋى مۇمكىن.

بۇل تۋرالى قر ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ ءمالىم ەتتى.  مينيستر حابارلاعانداي، قازىرگى ۋاقىتتا ءدىني قىزمەت پەن ءدىني ۇيىمدار تۋرالى زاڭناماعا وزگەرىستەر مەن تولىقتىرۋلار ەنگىزۋ تۋرالى زاڭ جوباسىنىڭ كونتسەپتسياسى ازىرلەنىپ جاتىر.  «قىسقاشا توقتالسام، نەگىزگى نورمالاردىڭ ىشىندە كامەلەتتىك جاسقا تولماعانداردى ءدىني قىزمەتكە تارتۋدىڭ، ءدىن سالاسىنداعى زاڭداردى بۇزۋدىڭ جاۋاپكەرشىلىگىن ارتتىرۋ بار. سونىمەن بىرگە قوعام تاراپىنان ءدىني ادەبيەتتى كامەلەتتىك جاسقا تولماعاندارعا ساتۋ، مەملەكەتتىك قىزمەتشىلەردىڭ جۇمىس ۋاقىتىندا ءدىني قىزمەتكە قاتىسۋىنا شەكتەۋ قويۋدى ۇسىنىپ وتىر»، — دەدى ەرمەكباەۆ مينيسترلىكتە وتكەن وتىرىستا.

مينيستر اتاپ وتكەندەي، بىرقاتار وزگەرىس ءدىني ادەبيەتتى تاراتۋ، ءدىني ساراپتاما جۇرگىزۋدى جەتىلدىرۋگە باعىتتالعان. بۇدان بولەك، زاڭ جوباسىندا ميسسيونەرلىك قىزمەتتى جانە شەتەلدە ءدىني ءبىلىم الۋدى رەتتەۋ بويىنشا دا نورمالار قاراستىرىلعان.

«قوعام ۇسىنىپ وتىرعان بارلىق باستامالار قوعاممەن، ساراپشىلارمەن تالقىلاناتىن بولادى. زاڭ جوباسىن ماجىلىسكە بيىلعى جىلدىڭ سوڭىنا دەيىن ەنگىزۋدى كوزدەپ وتىرمىز»، — دەپ تولىقتىردى ەرمەكباەۆ.

Abai.kz

65 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621