سەيسەنبى, 30 مامىر 2017
18 ءساۋىر, 2017 ساعات 11:13 جازدىم-جاڭىلدىم... 582 4 پىكىر

راقىمشىلىق جاسالدى. كىمدەر بوساپ شىقتى؟

جاقىندا  قر اۋىل شارۋاشىلىعىنىڭ بۇرىنعى ۆيتسە-ءمينيسترى ءمۇسىلىم ومىرياەۆكە راقىمشىلىق جاسالدى.

ول قر قىلمىستىق كودەكسىنىڭ 366-بابى بويىنشا ("پارا الۋ") 10 جىلعا باس بوستاندىعىنان ايىرىلعان بولاتىن. 2016 جىلى ءومىرياۆتىڭ ءىسى استاناداعى الماتى اۋداندىق  № 2 سوتىندا قايتا قارالىپ، وعان تاعىلعان ايىپ  362-باپقا ("بيلiكتi نەمەسە لاۋازىمدىق وكiلەتتiكتەردى اسىرا پايدالانۋ") وزگەرتىلگەن. ءسويتىپ، كەزىندە 100 مىڭ اقش دوللارى كولەمىندە پارا الدى دەگەن ەكس-ۆيتسە-مينيستر تۇرمەدە 4 جىل وتىرۋى كەرەك-ءتىن. الايدا، جاقسى ءتارتىبى ءۇشىن جانە وسىعان دەيىنگى ايىپ بويىنشا جازاسىن وتەگەندىگىن  ەسكەرىپ، راقىمشىلىق جاسالىپتى.

وتكەن جىلعى مەملەكەت باسشىسىنىڭ راقىمشىلىق جاساۋ تۋرالى تاپسىرماسىنان كەيىن ءوز ۋاقىتىندا ءىرى مەملەكەتتىك لاۋازىمداردا بولعان ءبىرسىپىرا شەندى، دالىرەك ايتساق ەكس-شەندى شەگەننەن شىققان-تىن.

"استانا ەكسپو-2017" قۇرىلىس دەپارتامەنتىنىڭ بۇرىنعى باسشىسى قاجىمۇرات ۇسەنوۆ تە راقىمشىلىقپەن بوساپ شىقتى.

قر ءىىم قىلمىستىق-اتقارۋ جۇيەسى كوميتەتى مالىمەتىنە سايكەس، اتى شۋلى ۇسەنوۆتەر اۋلەتىنىڭ باسشىسى  قاجىمۇرات ۇسەنوۆكە "قر تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى" زاڭعا (جازادان بوساتىلاتىن ادامدار "ەلۋگە تولعان جانە ودان جوعارى جاستاعى ايەلدەر، الپىس ۇشكە تولعان جانە ودان جوعارى جاستاعى ەر ادامدار") سايكەس راقىمشىلىق جاسالعانىن ايتىپ ءوتتى. ال قاجىمۇرات ۇسەنوۆ 62 جاستا.

ول استانادا "استانا ەكسپو-2017" كومپانياسىنان قاراجات جىمقىرۋ ءىسى بويىنشا سوتتالعان. قاجىمۇرات ۇسەنوۆ ۇلى ماقسات ۇسەنوۆ كولىكپەن التى ادامدى قاققان. بۇل دا قوعامدى قىزۋ تالقىعا تۇسكەن ەدى.

راقىمشىلىق سەيتقازى ماتاەۆقا دا ءتيدى. سەيىتقازى ماتاەۆقا "راقىمشىلىق تۋرالى" زاڭىنىڭ 4-بابى، 1-بولىگى، 4-تارماعىنا سايكەس راقىمشىلىق جاسالدى. ياعني ونىڭ جازاسىنىڭ تەڭ جارتىسى قىسقارتىلادى.

دەسە دە 2017 جىلى 2 ناۋرىزدا شىققان الماتى وبلىسىنىڭ قاپشاعاي قالالىق سوتىنىڭ ۇكىمىمەن سەيىتقازى ماتاەۆ كولونيادا ءالى 2 جىل 11 اي وتىرادى. ەستەرىڭىزگە سالا كەتەيىك، 2016 جىلى سەيتقازى ماتاەۆقا سوت 6 جىل باس بوستاندىعىنان ايىرۋ جانە دۇنيە-مۇلكىن تاركىلەۋ تۋرالى شەشىم شىعارعان.

نۇرزات توعجان

Abai.kz

 

 

 

4 پىكىر
Есенғали, Антакиядан 2017-04-18 20:59:34
ТЕОЛОГ мырза, Мазақстандағы "жемқорлықпен күрес" - ұстаған балығын қайта суға жіберетін спорттық балық аулаудың ("спортивная рыбалка") бір түрі ғой. Ұсталған балық қанша ірі болған сайын тезірек өзінің үйреншікті ортасына түседі, ал шабақтар "рыбактың" мысығына жем болады.
001-ге 2017-04-18 13:25:11
мал ұрлағанды ату керек,неге десең ол шаруаның -ө3і тудырып -өз еңбегімен бағып қаққан малын ұрлады, одан да сол ұры банкке түссе абройлы болар еді.Ал мемлекет қаржысын ұрлаған,көл дәриәден бір тамшы ғана су жұтқан іспетті.Мал иелерін зар қақтырған ұры ұсталмайды,оның крышасы мықты.
ТЕОЛОГ 2017-04-18 11:36:56
Қазақстандағы жемқорларды атасы, №1-інші жемқор құрықталмай, жемқорлыққа тоқтау жоқ,,,
001 2017-04-18 11:36:02
миллиондарды ұрлағандар рақымшылыққа ілінеді де, ауылда бір қой ұрлаған адам еш рақымшылыққа ілінбейді, НЕГЕ?

ۇزدىك ماتەريالدار

انىق

ولار قالاي بايىدى؟

رۋسلان احماعانبەتوۆ 6368