بەيسەنبى, 27 ءساۋىر 2017
18 ءساۋىر, 2017 ساعات 12:36 اباي.tv 1195 5 پىكىر

قىتاي جاڭالىقتار ارناسى ديماش تۋرالى

استاناعا ارنايى كەلگەن قىتاي حالىق رەسپۋبليكاسىنىڭ جۋرناليستەرى قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەديۇلىمەن كەزدەسىپ، سۇقباتتاسقان سوڭ تومەندەگىدەي حابار تاراتتى:

-قىتاي حالىق رەسپۋبليكاسى  حۋنان پروۆينتسياسىنىڭ چانشا قالاسىندا وتكەن بيىلعى «ءى اm Singer» جوباسىنا  قازاقستان رەسپۋبليكاسىنان كەلگەن دارىندى ءانشى ديماش قۇدايبەرگەنوۆ ءسوز جوق بيىك دەڭگەيدە ونەر كورسەتتى.

قازاق ەلىنەن وسى دوداعا قاتىسقان جاس تا بولسا  ۇلكەن دارىن يەسى عاجايىپ ونەر كورسەتىپ، ىرىكتەۋ كەزەڭدەرىندە الدىڭعى ورىنداردى، ال كەي رەتتەردە ۇنەمى ءبىرىنشى ورىنداردى يەلەندى. ءسويتىپ،  اركەز جوعارى تۇعىردان تابىلىپ، جۇلدىزى جاندى.

 

قازاقستان مەملەكەتىنىڭ مادەنيەت جانە سپورت ءمينيسترى ارىستانبەك مۇحامەديۇلى وسى جەتىستىككە بايلانىستى ءوز كوزقاراسىن ءبىلدىردى. ءبىزدىڭ ارنامىزدىڭ تىلشىلەرىنە بەرگەن سۇحباتىندا مينيستر ءانشىنىڭ شەبەرلىگىن،   ان ورىنداۋ ەرەكشەلىگىمەن تىڭداۋشىسىن تامساندىرعان   دارىن يەسى ەكەندىگىن تىلگە تيەك ەتتى. ديماش وسى ونەرى ارقىلى قازاقستان مەن قىتايدىڭ مادەني بايلانىستارىنا ۇلكەن سەرپىن بەرە وتىرىپ، ونەر سالاسىنداعى ەكى ەلدىڭ  ىنتىماقتاستىعىن  العا جەتەلەيتىن ەرەكشە قۇبىلىسقا اينالدى دەيدى.

قازاقستان رەسپۋبليكاسىنىڭ مادەنيەت جانە سپورت ءمينيسترى  ارىستانبەك مۇحامەديۇلى مۋزىكانى ەرەكشە قاستەرلەيتىن جانە سۇيەتىن جان. قولى قالت ەتكەن كەزدە ول فورتەپيانوعا وتىرىپ، بوي سەرگىتەدى.

«مۋزىكا قاسيەتتى دۇنيە!  ول - ۇلتتار اراسىنداعى بايلانىستىڭ التىن دىڭگەگى ءتارىزدى. ديماش سەكىلدى تارلان تالانت قىتاي مەن قازاقستاننىڭ مادەني بايلانىسىنا كەرەمەت قوزعاۋ سالدى. قىتاي ءتىلى – ەرەكشە ءتىل! ال قىتايدىڭ ءانىن ءبىزدىڭ ديماش قىتاي تىلىندە ورىنداعان كەزدە، ءبىز ەرەكشە شاتتاندىق. سونىمەن بىرگە قاتتى  قوبالجىعانىمىز دا راس»، - دەيدى مينيستر بىزگە بەرگەن سۇحباتىندا.

2017 جىلى قازاقستان مەن قىتايدىڭ ديپلوماتيالىق قاتىناستارىنا 25 جىل تولىپ وتىر. ونىڭ ۇستىنە بيىل قىتايدىڭ قازاقستانداعى تۋريزيم جىلى. الداعى ماۋسىم ايىندا استانادا حالىقارالىق ەكسپو كورمەسى وتەدى. وسى كورمەدە مۋزىكا مادەنيەتىنىڭ قايتالانباس تۋىندىلارى قويىلادى دەپ كۇتىلۋدە. ءمينيستردىڭ سوزىنە قاراعاندا، ونىڭ دايىندىعى سوڭعى مارەسىنە جەتىپ قالدى. ديماشتىڭ ونەرى قىتاي ازاماتتارىنىڭ قازاقستانعا كەلۋىنە داڭعىل جول اشادى.

مينيستر ا. مۇحامەديۇلى: «قازاقستانعا كەلىپ سۇحبات الۋعا نيەت بىلدىرگەندەرىڭىز ءۇشىن العىسىمدى بىلدىرەمىن. مۇنىڭ ءبارى مادەني قاتىنىستارىمىزدى جاڭا  بەلەستەرگە شىعارادى» دەدى.

ديماش ەكسپو-دا ونەر كورسەتەدى دەپ كۇتىلۋدە. ونىڭ حاس شەبەرلىگى ەلدىڭ ەكسپو-عا دەگەن ۇلكەن ىقىلاسىن تۋعىزادى.  ەكى ەلدىڭ قاتىناسى وتە تىعىز. تەرەڭدە جاتىر. اسىرەسە مادەنيەت سالاسىندا. ال، ديماش وسىناۋ ارا-قاتىناسقا جان ءبىتىرىپ وتىر.

ءسوز جوق ديماش ەڭ مىقتىلاردىڭ قاتارىندا!

رەداكتسيادان: Hunan Television (Hunan TV) – پروۆينتسيالىق سپۋتنيكتىك تەلەستانتسيا. ول 1997 جىلدىڭ قاڭتارىندا ىسكە قوسىلعان. Hunan TV - قىتاي ارنالارىنىڭ ىشىندە  كورەرمەنى كوپ ەكىنشى ارناعا اينالىپ وتىر.  بىرىنشى ورىندا - China Central Television-عا قاراستى CCTV-1 ارناسى. 

Hunan TV   قىتاي حالىق رەسپۋبليكاسىنىڭ ەداۋىر بولىگىن، سونىڭ ىشىندە ماكاو، گونكونگ پەن ءتايۆاندى قامتىپ وتىر.  بۇل كانالدىڭ بەلگىلەرى سولتۇستىك امەريكادا، جاپونيادا، اۆستراليادا جانە  ەۋروپانىڭ كەيبىر بولىكتەرىنە دە تاراتىلادى.   

تەلەكانالدىڭ باستى باعىتى - ويىن-ساۋىق شوۋلارى. سونىڭ ىشىندە  «باقىتتى لاگەر»، «اكە، ءبىز قايدا بارامىز؟»، «I Am a Singer» ي «Day Day Up» جوبالارى كورەرمەندەردىڭ ەرەكشە سۇرانىسىنا يە.

Abai.kz

5 پىكىر
тТт 2017-04-19 20:46:32
I am Singer... Қатысқан кілең пері Димаш та жанын салды , білем тегі. Дайын асқа тік қасық бола қалар, Бар болыңдар! Нұротанның "мәдениетті" шлендері.
Адайшал 2017-04-18 21:17:20
Келуін келерау құмырсқадай шұбырып, ал енді соларды кері қайтару тетігі қалай болмақ, мына әңгібастар соны ойландыма екен. Үш айға созылған көрмені сылтауратып бір-бір жырбақайымызға үйленіп алып шіреніп жатып алса қайтпек, миғұлалар келсе болды, артын көрежатармыз деп отырған сыңайлы.
Серікбай 2017-04-18 19:21:57
Касым-Жомарт Токаев айтқандай "мягкая сила",«Тәңір өзі назарына алған жас әнші, ондай дауыс менде де болса деп армандаудың қажеті жоқ, ол оған Құдайдың берген сыйы» .
Ким чен 2017-04-18 18:51:15
Димаштың өлеңдерін тындап азғындап суға батып отыра беріңдер сорлы байқұстар
Бақтияр 2017-04-18 18:07:45
Димаштың бір өзінің өнері осы әпенде басқарған министрліктің барлық тындырған жұмысынан артық. Бұл енді келіп "Димаштың өнері Қытай азаматтарының Қазақстанға келуіне даңғыл жол ашады" деп соғып тұр. Аңсағаны сол болса, сол елге барып тұрсын. Бізге бұның тесік тиынға керегі жоқ. Айналайын Абайлықтар, елдің мәдениетіне, өнеріне жандарыңыз ашыса, осының суретін және Сағадиевтің ұсқынын сіздердің сайттарыңыздан көрмей-ақ қояқшы. Онсыз да жүйкемізді ай сайын шығатын жаңа бағдарламалар мен жолдаулар тоздырып бітті.

ۇزدىك ماتەريالدار

انىق

ولار قالاي بايىدى؟

رۋسلان احماعانبەتوۆ 2390
«سوقىر» فەميدا

ساعاديەۆتىڭ ءسوزى  قۇرعاق ۋادە بولىپ قالعانى ما؟

دالەل جاناتۇلى 3198