بەيسەنبى, 28 ناۋرىز 2024
جاڭالىقتار 3996 4 پىكىر 18 ءساۋىر, 2017 ساعات 12:55

استانانى سۋ شايىپ كەتۋى مۇمكىن

استانانى سۋ شايىپ كەتۋى مۇمكىن. بۇگىن ۇكىمەت وتىرىسىنا كەلگەن قر ىشكى ىستەر ءمينيسترى قالمۇحامبەت قاسىموۆ وسىلاي دەپ مالىمدەدى.

قالمۇحامبەت مىرزا باسقاراتىن مينيسترلىكتىڭ قۇرامىنا توتەنشە جاعدايلار دەپارتامەنتى دە كىرەتىنى بەلگىلى.

مينيستر قاسىموۆ استانا مەن ونىڭ ماڭايىنداعى ەلدىمەكەندەردى سۋ شايىپ كەتۋ قاۋىپى تۋعانىن ايتتى.

ۆەدومستۆو باسشىسىنىڭ ايتۋىنشا، استانا سۋ قويماسىنان ايدالعان سۋدىڭ كولەمى سەكۋندىنا 40-تان 1200 تەكشە مەترگە دەيىن ارتىپ كەتكەن. سونىڭ سالدارىنان ارشالى اۋدانىنداعى ءبىر اۋىلدى سەل باسقان..

"استانا مەن ونىڭ ىرگەسىندەگى ەلدىمەكەندەردى سۋ باسۋدان قورعاۋ ءۇشىن تاسقىن سۋدى استانا سۋ رەتتەۋىشىنە جىبەرىپ جاتىرمىز. قازىر بارلىعى 132 ملن تەكشە مەتر سۋ جينالدى. ال، ونىڭ سىيىمدىلىعى 450 ملن تەكشە مەتردى قۇرايدى. استانا سۋ قويماسىنان ءدال قازىرگى قارقىنمەن سۋ ايدالا بەرەتىن بولسا سۋ رەتتەۋىش نەبارى ءۇش كۇندە تولىپ قالادى. ول جارىلىپ، ەلوردا مەن وزگە دە ەلدىمەكەندەر تولىق سۋ استىندا قالۋى مۇمكىن", - دەدى مينيستر.

مينيستر قالمۇحامبەت قاسىموۆ قاۋىپتىڭ الدىن الۋ شارالارى ويلاستىرىلىپ جاتقانىن ايتتى. استانانى سۋعا الدىرمايمىز دەپ سەندىردى. ءتىپتى بۇل ماقساتتا قر اۋىلشارۋاشىلىق مينيسترلىگىمەن بىرلەسە وتىرىپ، تيىستى شارالاردى قولداناتىنىن ەسكەرتتى.

Abai.kz

 

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525