دۇيسەنبى, 18 جەلتوقسان 2017
جاڭالىقتار 813 5 پىكىر 18 ءساۋىر, 2017 ساعات 13:08

مۇحتار قۇل-مۇحاممەد: سۋ تاسقىنىنان زارداپ شەككەندەرگە قول ۇشىن سوزۋ – ءبىزدىڭ ازاماتتىق ابزال بورىشىمىز

بۇگىن مۇحتار قۇل-مۇحاممەد «نۇر وتان» پارتياسىنىڭ بارلىق وبلىستىق فيليالدارى باسشىلارىنىڭ قاتىسۋىمەن كەڭەيتىلگەن وتىرىس وتكىزدى. وتىرىس بارىسىندا پارتيا توراعاسىنىڭ ءبىرىنشى ورىنباسارى بارشا نۇروتاندىقتاردى سۋ تاسقىنىنان زارداپ شەككەندەرگە كومەك كورسەتۋگە شاقىردى.

مۇحتار قۇل-مۇحاممەد ءبىزدىڭ قاشاندا بىرلىگى بەكەم، ىنتىماعى جاراسقان، كىمگە دە بولماسىن قامقورلىق قولىن سوزۋعا دايىن حالىق ەكەنىمىزدى اتاپ ءوتتى.

«بۇل جولى دا سىزدەردى قيىندىققا تاپ بولعان وتانداستارىمىزدىڭ جاعدايىنا بەي-جاي قارامايدى دەپ سەنەمىن. «نۇر وتان» پارتياسى بۇل قايىرىمدى، ساۋابى مول ىستە كوپكە ۇلگى بولۋى ءتيىس. سۋ تاسقىنىنان زارداپ شەككەندەرگە قول ۇشىن سوزۋ – ءبىزدىڭ ازاماتتىق ابزال بورىشىمىز. سوندىقتان جەرگىلىكتى جەرلەردە وسى باعىتتاعى جۇمىستى جەدەل ءارى جۇيەلى ۇيىمداستىرۋىمىز كەرەك»، - دەدى «نۇر وتان» پارتياسى توراعاسىنىڭ ءبىرىنشى ورىنباسارى.

اباي-اقپارات

5 پىكىر