جۇما, 18 تامىز 2017
جاڭالىقتار 574 1 پىكىر 18 ءساۋىر, 2017 ساعات 20:32

ومىرزاق شوكەەۆ: "سامۇرىق-قازىنانىڭ" قارجىلىق جانە وندىرىستىك كورسەتكىشتەرى ءوسىپ كەلەدى

بۇل تۋرالى قازاقستان ۇكىمەتىنىڭ وتىرىسىندا "سامۇرىق-قازىنا" اق باسقارما توراعاسى ومىرزاق شوكەەۆ حابارلادى.

"جەدەل بەرىلگەن مالىمەتتەر بويىنشا، 2017 جىلدىڭ 3 ايى ىشىندە ءىرى 12 قورجىندى كومپانيانىڭ بىرىككەن تابىسى 1 146,5 ملرد تەڭگەنى قۇرادى، بۇل 2016 جىلدىڭ بالاما كەزەڭىندەگى كورسەتكىشپەن سالىستىرعاندا 55%-عا جوعارى جانە جىلدىق جوسپاردىڭ 27%-نا تەڭ", - دەپ اتاپ ءوتتى ءو.شوكەەۆ.

ونىڭ سوزىنە قاراعاندا، توپتىڭ جەكەشەلەندىرۋ باعدارلاماسىن جۇزەگە اسىرۋ جالعاسۋدا ەكەن. قازىرگى ۋاقىتتا قوردىڭ 215 كومپانياسىنىڭ 124-ءى جەكەشەلەندىرىلگەن.

سونىمەن قاتار 1-توقساندا توپتىڭ وندىرىستىك كورسەتكىشتەرى بويىنشا دا وڭ ديناميكا بايقالادى. ماسەلەن، مۇناي مەن گاز كوندەنساتىن ءوندىرۋ 5,76 ملن تەڭگەنى قۇرادى، بۇل وتكەن جىلدىڭ بالاما كەزەڭىمەن سالىستىرعاندا 0,2%-عا جوعارى. تابيعي گاز ءوندىرىسىنىڭ كولەمى 1,40 ملرد شارشى مەترگە تەڭ، بۇل وتكەن جىلعى كورسەتكىشتەن 10%-عا ارتىق. قمگ توبى بويىنشا قازاقستاندىق ءموز-دەردەگى مۇناي وڭدەۋ كولەمى 3,03 ملن توننانى قۇرادى. بۇل وتكەن جىلعى بالاما كورسەتكىشتەن 31%-عا جوعارى.

"تەمىرجول كولىگى ارقىلى جۇك تاسىمالداۋ كولەمى ەسەپتىك كەزەڭدە 47,94 توننا-شاقىرىمدى قۇرادى، بۇل وتكەن جىلعى كورسەتكىشپەن سالىستىرعاندا 14%-عا ارتىق. 7 367,0 ملن كۆتس كولەمدەگى ەلەكتر ەنەرگياسى ءوندىرىسى بويىنشا "سامۇرىق-ەنەرگو" اق دا وتكەن جىلعى كورسەتكىشپەن سالىستىرعاندا 34,5%-عا ارتىق ناتيجە بەرىپ وتىر. ەلەكتر ەنەرگياسىن تاسىمالداۋ دا 2016 جىل كورسەتكىشىنەن 13%-عا اسىپ ءتۇستى", - دەدى ءو. شوكەەۆ.

قۇنى 1,8 ملرد دوللار بولاتىن "نۇرلى جول" باعدارلاماسى دا تابىستى تۇردە جۇزەگە اسىرىلۋدا. جەكەلەي العاندا، "بورجاقتى-ەرساي" تەمىرجول جەلىسى قۇرىلىسى، "قورعاس - شىعىس قاقپا" ارنايى ەكونوميكالىق ايماق قۇرۋ جانە ونى دامىتۋ جوباسى، "سولتۇستىك-شىعىس-وڭتۇستىك ءترانزيتى" "ەكىباستۇز-ءشۇلبى سەس-ءى-وسكەمەن" 500 كۆ جەلىسىنىڭ قۇرىلىسى" جوباسىنىڭ ءبىرىنشى كەزەڭى جانە تاعى باسقا جوبالار 100%-عا ورىندالدى.

اباي-اقپارات

1 پىكىر
Ашынған қазақ 2017-04-19 12:21:04
Әрине өседі , егер Қазақстанның бүкіл халқының ЗЕЙНЕТТІК ЖИНАҚТАУ ҚОРЫН меншіктеп алсаңдар! Ол дегенің - жыл сайын құйылып жатқан миллиардтаған теңге қаражат емес пе?! Ра-а-аха-а-ат !!!

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 2974
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 7673