سارسەنبى, 23 مامىر 2018
ارىلۋ 1331 15 پىكىر 19 ءساۋىر, 2017 ساعات 22:48

ەلباسى "شولاق شالبارلار" مەن "قارا جامىلعانداردى" سىنادى

نۇرسۇلتان نازارباەۆ قازاقستان مۇسىلماندارى ءدىني باسقارماسى وكىلدەرىمەن كەزدەسۋ كەزىندە قىسقا بالاق پەن ۇزىن ساقالدىڭ ءبىزدىڭ داستۇرگە ساي كەلمەيتىنىن ايتتى. ەلباسى مۇندايعا زاڭ جۇزىندە تىيىم سالۋدى ۇسىندى، - دەپ حابارلايدى اباي-اقپارات اقوردانىڭ ءباسپاسوز قىزمەتىنە سىلتەمە جاساپ.

قازاقستان پرەزيدەنتى جاستاردىڭ ءدىني ساۋاتىنىڭ تومەن بولىپ وتىرعانىنا نازار سالدى.  ء"بىلىمىنىڭ ازدىعىنان جاستارىمىز بالاعىن كەسىپ، ساقال قويىپ جاتىر. تولىقتاي تۇمشالانىپ الاتىن قازاق قىزدارىنىڭ قاتارى كوبەيىپ بارادى. بۇل ءبىزدىڭ داستۇرگە ساي كەلمەيدى. بۇعان زاڭنامالىق تۇرعىدا تىيىم سالۋ ماسەلەسىن قاراستىرۋ كەرەك. قازاقتار قايعىلى جاعدايدا عانا قارا جامىلعان", - دەيدى ەلباسى.

قازاقستان پرەزيدەنتى قازاق مادەنيەتى مەن داستۇرىندە قازاق ايەلدەرى قالاي كيىنگەنى تۋرالى ءسوز ەتىپ، قارا كيىم مەن ءدىن اراسىندا بايلانىس جوعىن ايتتى.

اباي-اقپارات

15 پىكىر