جۇما, 29 ناۋرىز 2024
5186 1 پىكىر 20 ءساۋىر, 2017 ساعات 10:21

ميرزياەۆ سىنىنان سوڭ تاشكەنتتى بوردەلدەردەن تازارتا باستادى

11 ساۋىردە وتكەن ۆيدەو-سەلەكتورلىق جينالىستا وزبەكستان پرەزيدەنتى شاۆكات ميرزياەۆ استانانىڭ چيلانزار اۋدانى باسشىلارىن بۇل اۋداندى بوردەل باسىپ كەتتى دەپ سىنادى. پرەزيدەنت ەسكەرتۋىنەن سوڭ وسى اۋدانداعى كافەلەر مەن تۇنگى كلۋبتاردا تەكسەرۋ جۇرگىزىلدى.

چيلانزار اۋدانى ىشكى ىستەر باسقارماسى شەنەۋنىگىنىڭ حابارلاۋىنشا، ءۇش كۇندە 58 نىسان – تۇنگى كلۋبتار، كافەلەر، ساۋنالار جانە جەكە ۇيلەر تەكسەرىلىپ، جەزوكشەلىككە قاتىسى بار دەگەن كۇدىكپەن 38 ادام ۇستالعان.

"ۇستالعاندارعا ايىپپۇل سالىنىپ، ولاردى سەرگەلى اۋدانىنداعى تەرى-ۆەنەرولوگيالىق ديسپانسەرىنە جىبەرىلدى", - دەدى ول.

تاشكەنتتىڭ چيلانزار اۋدانىندا تۇراتىن جۋرناليست بوبومۋرود ابدۋللا ميليتسيانىڭ مۇنداي ارەكەتىنەن تۇك شىقپايتىنىن ايتتى:

"سوڭعى ۋاقىتتا تاشكەنتتىڭ بۇل اۋدانى جەزوكشەلەردىڭ ورداسىنا اينالدى. ولار كاتارتال كوشەسىنىڭ بويىندا ءتىزىلىپ تۇرادى. سونىڭ كەسىرىنەن ءبىز كۇندىز بالالارمەن سەرۋەندەي المايتىن بولدىق. بىراق ميليتسيانىڭ قولىنا تۇسكەن جەزوكشەلەرگە نە بولادى؟ مەن بۇنى زەرتتەپ كوردىم. ولاردىڭ قىزداردى ۇرىپ، زورلاعان كەزدەرى بولعان. كۇشپەن تەكسەرۋ جۇرگىزۋ ارەكەتىنەن تۇك شىقپايدى", - دەپ ەسەپتەيدى جۋرناليست.

اباي-اقپارات

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3559