سارسەنبى, 22 قاراشا 2017
46 - ءسوز 1944 9 پىكىر 20 ءساۋىر, 2017 ساعات 11:44

"ادەبيەت پورتالى" ەشكىمنىڭ مەنشىگى ەمەس!

جۇسىپبەك ايماۋىتۇلى قوشكە كەمەڭگەرۇلىنا ادەبيەت تۋرالى جازعان حاتىندا بىلاي دەگەن بولاتىن: «ادەبيەت - ۇلتتىڭ جانى. ۇلتتىق سانا، تاعدىر، جان جۇيەسى - كوركەمونەردىڭ باستى تاقىرىبى. تاپتىق جىك ارقىلى ادەبيەت جاسالمايدى...». بۇگىنگى ۇرپاق ءبىز دە وسى ءسوزدى قۋاتتايمىز. يا، ادەبيەت باي مەن كەدەي، اناۋ مەن مىناۋ، سەرىك پەن امانحان، يا بولماسا مىرزان كەنجەباي، "اعاسى مەن كوكەسىنىڭ" ءوزارا لاس، قۇسىققا تولى تارتىسى ەمەس. پورتالعا كەلىپ تۇسكەن دۇنيەنى امالسىز جاريالايمىز. سول باياعى ءسوز بولماسىن دەپ. سوڭىندا ءبىز كىنالى بولامىز. قىزىق؟!

ءتاڭىرىم-اۋ، ادەبيەت دەگەنىڭ ىڭكار دۇنيە ەمەس پە؟! ادەبيەت دەگەن - بۇگىنگى كوزى ءتىرى تىنىشتىقبەكتىڭ جۇپار اڭقىعان تولعاۋلارى، جاركەن شايىردىڭ ساعىنىش بۇرقىراعان جىرلارى، ەسەنعاليدىڭ تۇمادان تۇنعان تامشىداي ءمولدىر ار ءدۇنياسى، ۇلىقبەكتىڭ جورعا جىرلارى، سۇراعاننىڭ سۇراپىل ويلارى، تەمىرحاننىڭ تۋلاعان تەگەۋىرىندى رۋح داۋىسى، مەيىرحاننىڭ سىرباز ھام تەكتى تەبىرەنىسى، نەسىپبەكتىڭ ارعىماقتاي اعىلعان، قىرانداي ەركىن قالىقتاعان پوەزياسى، قاسىمحان مەن سۆەتقاليدىڭ يمان اڭقىعان، اسپانداي اشىق، ايماڭداي تولعاۋلارى، گۇلناردىڭ جۇرەك جانارىن ءمولت ەتكىزەتىن جان كۇبىرى، جاننانىڭ كوكىرەگىڭە لىق ەتكىزىپ ىستىق وكسىك اكەلەتىن تەڭىزدەي تۇنىق، تەرەڭ، ادەمى اۋەندى ولەڭدەرى ەمەس پە؟!

اينالايىندار-وۋ، ادەبيەت دەگەن ارتىنداعى جاس وسكىن جاستارمەن جاعالاسۋ ما؟! ادەبيەت دەگەن - ادەپ ەمەس پە؟! اقىن يا جازۋشى وزىنە باعا بەرە المايدى نەمەسە بەرگەن باعاسى وزىمەن بىرگە ولەدى. شىعارما عانا ماڭگى ءتىرى! ۇيات ەمەس پە؟! ادەبيەت دەگەن - جان تازالىعى! ادەبيەت دەگەن - بۇگىنگى كوزى ءتىرى اقيقاتتى بۇرمالامايتىن، كاۋسار اڭگىمەلەرىمەن سۋسىنداتىپ جۇرگەن، ءتاڭىرىنىڭ تاڭداۋى تۇسكەن تولەن، قازاقتىڭ جانىن كۇلىپ وتىرىپ، جىلاپ وتىرىپ سويلەتەتىن تىنىمباي، ەل تاريحىن جەلدەي ەسىلتىپ جازاتىن قابدەش پەن قاجىعالي، قارا ءسوزدى قويداي ورگىزەتىن راحىمجان، تۇرسىنجان، مارحابات، نەسىپبەك! ادامنىڭ سوقىرلىعىنان، ءسوزدىڭ سوقىرلىعى جامان! امال نە؟!

باۋىرجان قاراعىزۇلى, "ادەبيەت پورتالىنىڭ" باس رەداكتورى

9 پىكىر

ۇزدىك ماتەريالدار

رۋحاني جاڭعىرۋ

قانات ابىلقايىر. قارىز بەن پارىز

Abai.kz 10338
قاۋىپ ەتكەننەن ايتامىن

قازاقستاندا جۇرگەن قىتايلار كىمگە سۇيەنەدى؟ 

ن.قوشامانۇلى 18548