بەيسەنبى, 18 قاڭتار 2018
جانايقاي 1864 5 پىكىر 20 ءساۋىر, 2017 ساعات 13:20

ءسابيدىڭ ءسوزى: "ۇكىمەت نە قاراپ وتىر؟.."

بۇل قىز بار بولعانى 10 جاستا. اتى ماحاببات. اقتوبەدەگى جايىلما سۋ شايىپ كەتكەن ۇيلەردىڭ بىرىندە تۇرعان. وقۋلىقتارى قيراندى ءۇيدىڭ استىندا قالعانىنا قىنجىلعان قىزدىڭ جانايقايىنا سەلت ەتپەۋ مۇمكىن ەمەس.

"ۇكىمەت نە قاراپ وتىر؟" بۇل 10 جاستاعى ماحابباتتىڭ عانا ەمەس، كوپشىلىكتىڭ كوكەيىندەگى سۇراق.

بۇل "دياپازون" دايىنداعان ماتەريال الەۋمەتتىك جەلىدە قىزۋ تالقىلاندى. باسپاناسىز قالعانىن ايتىپ، وقۋلىعىنىڭ سۋعا اعىپ كەتكەنىنە قاپا بولعان ماحابباتقا كومەك قولىن سوزامىن دەۋشىلەر جوق ەمەس.

دەسە دە ماسەلەنىڭ مانىسىنە ۇڭىلەيىكشى. تابيعي اپاتتىڭ ارتىندا ادامي فاكتور بار ەكەنى جاسىرىن ەمەس قوي. بۇعان جاۋاپتى ورگاندار بار. توتەنشە جاعدايلار دەپارتامەنتى نە قاراپ وتىردى دەيمىز...

كىشكەنە ماحابباتتىڭ "ۇكىمەت نە قاراپ وتىر" دەپ قىنجىلۋى زاڭدىلىق.  حالىق جىلۋ جيناپ جاتىر. ۇكىمەت شە؟ پارلامەنت شە؟

سۋ باسقان ايماقتىڭ جاعدايىن شەندىلەر استانادا وتىرىپ تالقىلادى.

جىل سايىن توپان سۋدىڭ الدىن الۋ ءۇشىن ۇكىمەت بيۋدجەتىنە قىرۋار قارجى بولىنەدى ەكەن. بۇل تۋرالى دەپۋتات ۆلاديسلاۆ كوسارەۆ ايتتى. ول اقشا قايدا كەتتى؟

اي سايىن 900 مىڭ جالاقى الاتىن دەپۋتاتتاردىڭ قايسىسى قارا حالىقتىڭ جايىن ءوز كوزدەرىمەن بارىپ كوردى؟

Abai.kz

 

5 پىكىر