جۇما, 28 ءساۋىر 2017
21 ءساۋىر, 2017 ساعات 10:03 272 0 پىكىر

سوت پەتەربۋرگتەگى تەراكت تۋرالى ىستەگى كۇدىكتى اكرام ازيموۆتى قاماۋعا الدى

ماسكەۋدىڭ باسمان سوتى سانكت-پەتەربۋرگ مەتروسىنداعى تەراكتىنى ۇيىمداستىرۋعا قاتىسقان دەگەن كۇدىكپەن ۇستالعان اكرام ازيموۆتى 3 ماۋسىمعا دەيىن قاماۋ تۋرالى شەشىم شىعاردى.

سوت وتىرىندا ازيموۆ ءوزىنىڭ تەراكتىگە قاتىسى جوق ەكەندىگىن مالىمدەدى. ادۆوكاتىنىڭ مالىمدەۋىنشە، ول ارەكەتىنىڭ تەراكتىمەن بايلانىستى ەكەنىن بىلمەگەن. دەگەنمەن تەرگەۋشى تەرگەۋ كەزىندە اكرام ازيموۆ وزىنە جانە باۋىرى ابرورعا قاتىستى كۋالىك ەتكەنىن مالىمدەدى.

اكرام ازيموۆتى فەدەرالدىق بارلاۋ قىزمەتى 19 ساۋىردە ماسكەۋدە ۇستادى. كۇدىكتىدەن گراناتا تابىلعان. وعان تەراكت جاساۋعا قاتىسقان جانە زاڭسىز قارۋ ساقتاعان دەگەن ايىپتار تاعىلدى. كۇدىكتىنىڭ اناسى ونىڭ ۇستالۋىن الدىن الا ويلاستىرىلعان قويىلىم دەپ اتادى.

ءبىر كۇن بۇرىن سوت اكرام ازيموۆتىڭ باۋىرى ابرور ازيموۆتى قاماۋعا الدى. وعان دا تەراكت ۇيىمداستىردى دەگەن ايىپ تاعىلدى. سوتتا ابرور ازيموۆ تاعىلعان ايىپتاردى جوققا شىعارىپ، شابۋىل ۇيىمداستىرۋعا قاتىسپاعانىن مالىمدەدى. ونىڭ ادۆوكاتى دا سولاي دەيدى. تەراكت تۋرالى ءىس بويىنشا توعىز كۇدىكتى ۇستالعان.

3 ساۋىردە پەتەربۋرگ مەتروسىنىڭ ۆاگونىندا تەراكت بولىپ، 14 ادام قازا تاپتى جانە 50-گە جۋىعى جارالاندى. شابۋىل جاۋاپكەرشىلىگىن ەشقانداي ۇيىم موينىنا العان جوق.

اباي-اقپارات

0 پىكىر

ۇزدىك ماتەريالدار

انىق

ولار قالاي بايىدى؟

رۋسلان احماعانبەتوۆ 2469
«سوقىر» فەميدا

ساعاديەۆتىڭ ءسوزى  قۇرعاق ۋادە بولىپ قالعانى ما؟

دالەل جاناتۇلى 3240