جۇما, 29 ناۋرىز 2024
ەل ءىشى... 4192 3 پىكىر 21 ءساۋىر, 2017 ساعات 15:35

ەسىموۆ: «استانا ەكسپو-2017» ۇك بيۋدجەتكە 25 ملرد تەڭگەنى قايتارۋدى جوسپارلاپ وتىر

بۇل ۇلتتىق كومپانيا دەمەۋشىلەرىنىڭ ەسەبىنەن جۇزەگە اسىرىلماق، - دەپ جازادى «ۆلاست» پورتالى.

«استانا ەكسپو-2017» حالىقارالىق كورمەسىنە دايىندىق جۇمىستارىنا دەمەۋشىلەردىڭ قولداۋ كورسەتۋىنە بايلانىستى، ۇلتتىق كومپانيا ەل بيۋدجەتىنە 25 ميلليارد تەڭگە كولەمىندەگى قاراجاتتى قايتارۋدى جوسپارلاپ وتىر.

بۇل تۋرالى «استانا ەكسپو-2017» ۇلتتىق كومپانياسىنىڭ توراعاسى احمەتجان سماعۇلۇلى مالىمدەدى.

«قازىرگى تاڭدا دەمەۋشىلەر تاراپىنان جاسالعان كومەك كولەمى 38,5 ميلليارد تەڭگەنى قۇراپ وتىر. ونىڭ 22,8 ميلليارد تەڭگەسى تازا قارجىلاي بولسا، قالعان 15,7 ميلليارد تەڭگەسى  تاۋار جانە قىزمەت تۇرىندە كورسەتىلىپ وتىر»، - دەيدى ەسىموۆ مىرزا.

«استانا ەكسپو-2017» ۇلتتىق كومپانياسىنىڭ توراعاسى احمەتجان ەسىموۆ مىرزا، كورمەگە كومەك كورسەتۋگە بەيىل ازاماتتاردىڭ ءالى دە جوق ەمەس ەكەنىن جەتكىزدى. جارتى الەم جيىلاتىن حالىقارالىق كورمەگە دەمەۋشىلەردى كوپتەپ تارتۋ جۇمىستارى ءالى دە جالعاسۋدا.

«دەمەۋشىلەردىڭ قارجىسى جانە بيلەت ساتىلىمىنان تۇسەتىن پايدادان وزگە ۇلتتىق كومپانيا كوممەرتسيالىق جوبالاردى دا قولعا الدى. مىسالى، جوبالاردى ليتسەنزيالاۋ، ەكسپو برەندىن ينۆەستيتسيالىق باستامالارعا قولدانۋ سەكىلدى كومپانياعا جاناما ءتۇسىم تۇسىرەتىن جوبالار جۇزەگە اسىرىلۋدا. بۇلاردان تۇسەتىن پايدا مەن قۇرىلىس جانە دايىندىق جۇمىستارىنا كەتەتىن شىعىندى ەسەپتەي كەلە، ۇلتتىق كومپانيا ەل بيۋدجەتىنە 25 ميلليارد تەڭگەنى قايتارىپ بەرۋدى جوسپارلاپ وتىر»، - دەيدى ەسىموۆ مىرزا.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616