جۇما, 29 ناۋرىز 2024
انىق 7126 50 پىكىر 21 ءساۋىر, 2017 ساعات 15:47

ەلباسى ماقالاسىنداعى باستى ماسەلەلەر نازارعا ىلىكپەي قالۋى مۇمكىن

ەرەكشە اسەر قالدىرعان ماقالانى ەڭ ءبىرىنشى دۇرىس تالداۋىمىز كەرەك. ويتكەنى، تالداۋعا دەن قويماي، تەك جاقسى جازىلعانىن عانا ايتار بولساق، ماقالاداعى باستى ماسەلەلەر نازارعا ىلىكپەي قالۋى مۇمكىن. ەلباسىنىڭ بۇل ماقالاسى – جۇيەلى، باعدارلامالىق جوسپار.

مەنىڭشە، مۇندا ەكى باعىت بار. ءبىرىنشىسى، جالپىلىق باعىت. ياعني، رۋحاني قۇندىلىقتارعا ءمان بەرۋ. بۇل جەردە قوعاممەن اقىلداسۋ، پىكىرلەسۋ بار. زامان تالابىنا ساي رۋحاني جاڭعىرۋ. بۇل جۇمىستى قوعامدىق ۇيىمدار، عىلىم اكادەمياسى، جازۋشىلار وداعى اتقارادى. ەكىنشىسى، ناقتى، پراگماتيكالىق باعىت. 100 كىتاپتى اۋدارۋ، «تۋعان جەر» سياقتى مەملەكەتتىك باعدارلامالاردى جاساۋ. بۇل ىسپەن ۇكىمەت اينالىسادى. وسى ءىستىڭ ءبارىن قوعام ءوز نازارىندا ۇستاۋى ءتيىس. ويتكەنى، ەلباسىنىڭ بارلىق تاپسىرماسى ءوزى ويلاعان دەڭگەيدە جانە قوعامنىڭ دا تالابىنا ساي ورىندالىپ وتىرۋى قاجەت. ەشقانداي كوزبوياۋشىلىق ارەكەتتەر بولماۋى كەرەك. زيالى قاۋىمنىڭ الدىندا تۇرعان تاعى ءبىر ماسەلە، وسىنىڭ ءبارىن ءورىستىلدى ورتاعا ءتۇسىندىرۋ جۇمىستارى. «رۋحاني جاڭعىرۋ بۇل قازاق حالقىنىڭ جاڭعىرۋى ما، الدە قازاقستاننىڭ جاڭعىرۋى ما؟» دەگەن سۇراقتار قويىلىپ جاتىر.

ارينە، بۇل ەڭ الدىمەن، قازاقتىڭ رۋحاني جاڭعىرۋى. ماعان ەرەكشە اسەر ەتكەن ءبىر سويلەمدى ايتايىن. ەلباسى: «ەگەر جاڭعىرۋ ەلدىڭ رۋحاني ۇلتتىق تامىرىنان ءنار الماسا، ول اداسۋعا باستايدى»، دەدى. بۇل ەڭ ءبىرىنشى باسشىلىققا الاتىن دۇنيە. عالىمدار، اقىن-جازۋشىلار ناقتى ۇسىنىس جاساپ، ۇكىمەتكە تاپسىرۋ كەرەك.

دوس كوشىم، ساياساتتانۋشى

Abai.kz

 

50 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618